Delhi Excise Policy: દિલ્હી લિકર પોલિસી સંબંધિત કથિત મની લોન્ડરિંગ કેસમાં કોર્ટે મુખ્યમંત્રી અરવિંદ કેજરીવાલને 15 એપ્રિલ સુધી ન્યાયિક કસ્ટડીમાં મોકલી દીધા છે. કોર્ટના આદેશ બાદ અરવિંદ કેજરીવાલને તિહાર જેલમાં મોકલી દેવામાં આવ્યા છે. કેજરીવાલને હવે જેલ નંબર 2માં રાખવામાં આવશે. એન્ફોર્સમેન્ટ ડિરેક્ટોરેટે આજે એટલે કે સોમવારે અરવિંદ કેજરીવાલને દિલ્હીની રાઉઝ એવન્યુ કોર્ટમાં રજૂ કર્યા હતા. કોર્ટમાં હાજરી દરમિયાન, EDએ રિમાન્ડ વધારવાની માગ કરી ન હતી. ED વતી એડિશનલ સોલિસિટર જનરલ એસવી રાજુએ કહ્યું કે અરવિંદ કેજરીવાલની પૂછપરછ પૂરી થઈ ગઈ છે. આ પછી કોર્ટે કેજરીવાલને 15 એપ્રિલ સુધી ન્યાયિક કસ્ટડીમાં મોકલી દીધા.
#WATCH | On Delhi CM Arvind Kejriwal sent to judicial custody till April 15, Sunita Kejriwal, wife of Delhi CM Arvind Kejriwal; says, "…Why has he been sent to jail? The people of the country will answer to this dictatorship." pic.twitter.com/KJl04akrBq
— ANI (@ANI) April 1, 2024
તે જ સમયે તેમની પત્ની સુનીતા કેજરીવાલે દિલ્હીના મુખ્યમંત્રી અરવિંદ કેજરીવાલ અને AAPના રાષ્ટ્રીય સંયોજકને જેલમાં મોકલવા પર સવાલ ઉઠાવ્યા છે. જ્યારે અરવિંદ કેજરીવાલને 15 એપ્રિલ સુધી ન્યાયિક કસ્ટડીમાં મોકલવામાં આવ્યા ત્યારે તેમની પત્ની સુનીતા કેજરીવાલે કહ્યું કે 11 દિવસની પૂછપરછ થઈ. પૂછપરછ પૂર્ણ કરવામાં આવી છે. જો અદાલતે તેમને (અરવિંદ કેજરીવાલ)ને દોષિત ન ગણાવ્યા હોય તો તેઓએ તેમને જેલમાં શા માટે ધકેલી દીધા?… તેઓ (ભાજપ)નો એક જ ઉદ્દેશ્ય છે, ચૂંટણી વખતે તેમને (અરવિંદ કેજરીવાલ)ને જેલમાં ધકેલી દેવાનો. દેશની જનતા આ તાનાશાહીનો જવાબ આપશે.
Delhi CM Arvind Kejriwal produced before Special Judge Kaveri Baweja in Rouse Avenue court, at the end of remand period, in Delhi excise policy money laundering case
Enforcement Directorate brought him to court with high security https://t.co/NhlsAJcYXZ
— ANI (@ANI) April 1, 2024
તમારી જાણકારી માટે તમને જણાવી દઈએ કે એન્ફોર્સમેન્ટ ડિરેક્ટોરેટની ટીમે અરવિંદ કેજરીવાલને દિલ્હીની રાઉઝ એવન્યુ કોર્ટમાં રજૂ કર્યા હતા. અગાઉ EDએ 28 માર્ચે અરવિંદ કેજરીવાલને કોર્ટમાં રજૂ કર્યા હતા, જ્યાં તેમના રિમાન્ડ 1 એપ્રિલ સુધી લંબાવવામાં આવ્યા હતા. આજે જ્યારે તેના રિમાન્ડ પૂરા થતા કોર્ટે તેને 15 એપ્રિલ સુધી જ્યુડિશિયલ કસ્ટડીમાં મોકલી આપ્યો છે. દિલ્હી એક્સાઇઝ કેસમાં બંધ AAP નેતા સંજય સિંહને તાજેતરમાં જેલ નંબર 2માંથી જેલ નંબર 5માં ખસેડવામાં આવ્યા છે. સાથે જ મનીષ સિસોદિયાને જેલ નંબર વનમાં રાખવામાં આવ્યા છે. જ્યારે બીઆરએસ નેતા કે.કવિતાને જેલ નંબર 6માં રાખવામાં આવ્યા છે. સતેન્દ્ર જૈન પહેલાથી જ 7 નંબરની જેલમાં છે. આ સેલમાં ED અને CBI સાથે જોડાયેલા કેદીઓને રાખવામાં આવે છે.
આ પણ વાંચો:ભારતના અરુણાચલ પ્રદેશ મામલે ચીનની હેરાનગતિ વધી, વિવિધ સ્થળોના 30 નામોની બહાર પાડી યાદી
આ પણ વાંચો:કેજરીવાલને જયુડિશીયલ કસ્ટડીમાં 15 એપ્રિલ સુધી જેલમાં ખાશે રોટલી…
આ પણ વાંચો:બંગાળના જલપાઈગુડીમાં વાવાઝોડાના કારણે મૃત્યુઆંક 5, 100થી વધુ ઘાયલ
આ પણ વાંચો:એપ્રિલ ! ખુશ ખબર, ગેસ સિલિન્ડરની કિમંતોમાં સતત વધારા બાદ કરાયો ભાવમાં ઘટાડો
