Surat News: ગુજરાતમાં અશાંતધારા હેઠળ આવતા વિસ્તારોમાં મિલકતોના નામફેરની (Disturbed Areas Act) પ્રક્રિયાને લઈને વિવાદ ઊભો થયો (Ashant Dhara Surat)છે. સુરત મનપાના પૂર્વ કોર્પોરેટર અને ડ્રેનેજ સમિતિના પૂર્વ ચેરમેન કેયુર ચપટવાળાએ મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીને પત્ર લખીને કલેક્ટરની પૂર્વ મંજૂરી વિના મિલકત વેરા બિલમાં નામ બદલવાની પ્રક્રિયા પર રોક લગાવવાની માગ કરી છે. તેમણે રાજ્યની તમામ મહાનગરપાલિકાઓ અને નગરપાલિકાઓ માટે એકસમાન માર્ગદર્શિકા જાહેર કરવાની પણ રજૂઆત કરી છે.
Ashant Dhara Surat:માત્ર નોટરી કરારના આધારે નામફેર થતો હોવાનો આક્ષેપ
કેયુર ચપટવાળાએ પત્રમાં આક્ષેપ કર્યો છે કે અશાંતધારા હેઠળ આવતી મિલકતોની તબદીલી માટે કલેક્ટરની પૂર્વ મંજૂરી જરૂરી હોવા છતાં કેટલાક કિસ્સાઓમાં માત્ર નોટરી કરેલા ભાડા કરાર, કબજા સહિતના કરાર અથવા લિવ એન્ડ લાયસન્સ કરારના આધારે મિલકત વેરા બિલમાં નામફેર (Property Name Transfer) કરાવવામાં આવે છે. તેમના જણાવ્યા મુજબ, પાકો વેચાણ દસ્તાવેજ કે કલેક્ટરની મંજૂરી વિના આવા દસ્તાવેજોના આધારે મનપાના આકારણી વિભાગમાં નામ બદલવાની અરજીઓ કરવામાં આવતી હોવાની ફરિયાદો છે.
વેરા બિલમાં નામ બદલાયા બાદ અન્ય દસ્તાવેજો મેળવવાનો મુદ્દો
પત્રમાં એવો પણ દાવો કરવામાં આવ્યો છે કે મિલકત વેરા બિલમાં નામ બદલાયા બાદ તેના આધારે ઓળખપત્ર, પાન કાર્ડ અને મતદાર ઓળખપત્ર જેવા દસ્તાવેજો મેળવવામાં આવે છે. ચપટવાળાએ આ પ્રક્રિયાથી સંવેદનશીલ વિસ્તારોમાં વસ્તીનું સંતુલન, સામાજિક સમરસતા અને શાંતિ સામે જોખમ ઊભું થવાની આશંકા વ્યક્ત કરી છે. જોકે, પત્રમાં કરવામાં આવેલા આક્ષેપો અંગે સંબંધિત સત્તાવાળાઓનો પક્ષ સામે આવ્યો નથી.
‘સુરતમાં પરિપત્રથી ગેરરીતિઓ અટકાવવામાં મદદ મળી’
કેયુર ચપટવાળાના (Keyur Chapatwala) જણાવ્યા મુજબ, સુરતમાં અગાઉ નોટરી દસ્તાવેજોના આધારે વેરા બિલમાં નામ ટ્રાન્સફર કરાવવાના કિસ્સાઓ સામે આવ્યા હતા. આ મુદ્દે તેમની રજૂઆત બાદ સુરત મહાનગરપાલિકાએ પરિપત્ર જાહેર કરીને કલેક્ટરની પૂર્વ મંજૂરી ફરજિયાત બનાવી હતી. તેમણે આ વ્યવસ્થાને અન્ય શહેરોમાં પણ લાગુ કરવાની માગ કરી છે.
અમદાવાદ સહિત તમામ શહેરો માટે એકસમાન માર્ગદર્શિકાની માગ
ચપટવાળાએ મુખ્યમંત્રી અને નાયબ મુખ્યમંત્રીને કરેલી રજૂઆતમાં અમદાવાદ, વડોદરા, રાજકોટ, સુરત અને ભરૂચ સહિત અશાંતધારો લાગુ હોય તેવા તમામ વિસ્તારોમાં મિલકતની તબદીલી અથવા વેરા બિલમાં નામફેર કરતાં પહેલાં સક્ષમ અધિકારીની મંજૂરી ફરજિયાત (Collector Approval) કરવાની માગ કરી છે. રાજ્ય સરકાર તમામ મનપા અને નગરપાલિકાઓ માટે એકસમાન પરિપત્ર જાહેર કરે, જેથી માત્ર નોટરી કરારના આધારે નામફેર કરવાની પ્રક્રિયા અટકાવી શકાય, તેવી રજૂઆત કરવામાં આવી છે.
આ પણ વાંચો: અમદાવાદમાં અશાંતધારા કાયદાના ભંગ વચ્ચે મુસ્તુફા માણેકચંદના ગેરકાયદે બંગલાને તોડી પાડવામાં આવ્યો
આ પણ વાંચો: ગુજરાત ચૂંટણીમાં ઓવૈસીની એન્ટ્રીથી ખળભળાટ, UCC અને અશાંતધારા મુદ્દે ભાજપ સરકાર પર આકરા પ્રહાર
