Surat News: સુરતની વાંકલ સહકારી મંડળીમાં ચોરીનો પ્રયત્ન સીસીટીવીમાં કેદ થઈ ગયો છે. બુકાનીધારી તસ્કરોનો આતંક આમ વધવા લાગ્યો છે. સ્થાનિકો જાગી જતા ચોરીનો પ્રયત્ન સદંતર નિષ્ફળ ગયો છે. ટ્રિપલ સવારી પર આવેલા તસ્કરોના સીસીટીવી સામે આવતા ચકચાર મચી ગઈ છે. સીસીટીવી ઊંચા કરી ચોરી કરવાની ફિરાકમાં આવેલા તસ્કરો સ્થાનિકો જાગી જવાના કારણે ફરાર થઈ ગયા છે.
વાંકલમાં બેખોફ તસ્કરોનો ચોરીનો પ્રયત્ન નિષ્ફળ ગયો છે. માંગરોળ અને વાંકલ વિસ્તારમાં તસ્કરોનો આતંક વધ્યો છે. આમ સ્થાનિકોના લીધે તો તસ્કરોનો પ્રયત્ન નિષ્ફળ ગયો, પરંતુ જો પોલીસનું પેટ્રોલિંગ સઘન નહીં રહે તો ચોરીની સંભાવનાને રોકી શકાતી નથી. આ સંજોગોમાં પોલીસે હવે જાગવાનો સમય આવી ગયો છે. ચોરો તો જાગે જ છે, પરંતુ પોલીસે પણ પેટ્રોલિંગ સઘન બનાવવું પડશે તેમ કહેવાય છે.
આ અગાઉ આવા જ બનાવમાં સુરતના પોશ વિસ્તાર અડાજણમાં આવેલી એક પ્રતિષ્ઠિત સોસાયટીમાં રહેતા જાણીતા બિલ્ડરના બંગલામાં મધ્યરાત્રિએ થયેલી મોટી ચોરીએ (Theft) સમગ્ર શહેરમાં સનસનાટી મચાવી દીધી હતી. તસ્કરોએ બિલ્ડરના ઘરમાંથી રોકડ રૂપિયા 48 લાખ અને કિંમતી સોનાના દાગીના ચોરી કરીને ફરાર થઈ ગયા હતા. જોકે અડાજણ પોલીસ અને ક્રાઈમ બ્રાન્ચની ત્વરિત અને વ્યવસ્થિત તપાસના કારણે માત્ર કલાકોમાં જ આરોપીની ઓળખ થઈ અને તેને ઝડપી લેવામાં આવ્યો છે.
મધ્યરાત્રિના આશરે 3 વાગ્યાની આસપાસ આરોપી દેવરાજ ઉર્ફે કાલુ અભિમન્યુ પાટીલ (ઉંમર 27 વર્ષ, નાનપુરા વિસ્તારનો રહેવાસી) માસ્ક પહેરીને બિલ્ડરના બંગલાના પાર્કિંગ વિસ્તારમાંથી અંદર પ્રવેશ્યો હતો. તેણે બારી અથવા અન્ય રસ્તે અંદર પહોંચીને રોકડ રકમ અને સોનાના દાગીના ઉપાડી લીધા હતા. આ ઘટના બાદ તે ઝડપથી ફરાર થઈ ગયો હતો.બિલ્ડર પરિવાર જ્યારે સવારે જાગ્યો ત્યારે આ મોટી ચોરીની (Theft) જાણ થઈ અને તરત જ અડાજણ પોલીસ મથકમાં ફરિયાદ નોંધાવવામાં આવી.
ઘટનાની ગંભીરતા જોતાં અડાજણ પોલીસ સાથે ક્રાઈમ બ્રાન્ચની અલગ-अલગ ટીમો તપાસમાં જોડાઈ. પોલીસે બિલ્ડરના ઘરની આસપાસ અને શહેરના મુખ્ય માર્ગો પર લગાવેલા આશરે 100 જેટલા CCTV કેમેરાના ફૂટેજનું બારીકાઈથી વિશ્લેષણ કર્યું.CCTV કડીઓ જોડતાં પોલીસને એક શંકાસ્પદ બાઇક સવારની તસવીર મળી, જેની ઓળખ દેવરાજ પાટીલ તરીકે થઈ. દેવરાજ સુરત પોલીસના રેકોર્ડમાં કુખ્યાત તસ્કર તરીકે નોંધાયેલો છે અને અગાઉ પણ ઘરફોડ અને ચોરીના (Theft) ગુનાઓમાં સંડોવાયેલો છે.
પોલીસને મળેલી ચોક્કસ બાતમીના આધારે દરોડો પાડીને દેવરાજ પાટીલને ઝડપી લેવામાં આવ્યો.
પૂછપરછમાં તેણે ચોરીની કબૂલાત આપી. તેણે ચોરી (Theft) કરેલી 48 લાખની રકમ રાંદેર વિસ્તારના એક મકાનમાં સુરક્ષિત રીતે છુપાવી રાખી હતી.પોલીસે આરોપીની નિશાનદેહી પરથી સમગ્ર ₹48 લાખ રોકડ અને બિલ્ડરના ઘરેથી ચોરાયેલા સોનાના કિંમતી દાગીના પણ રિકવર કરી લીધા છે.દેવરાજ પાટીલ સુરતના નાનપુરા વિસ્તારમાં રહે છે. તેને પોલીસે અગાઉ પણ અનેક ગુનાઓમાં પકડ્યો છે. આ વખતે તેણે મુંબઈ ભાગી જવાની યોજના બનાવી હતી, પરંતુ રકમ સુરતમાં જ છુપાવીને ખાલી હાથે નાસી જવાની ચાલાકી કરી હતી.
આ પણ વાંચો: સુરતમાં અડાજણના જાણીતા બિલ્ડરના બંગલામાંથી ₹48 લાખની ફિલ્મી સ્ટાઈલ ચોરી
આ પણ વાંચો: સુરત PSI પરીક્ષામાં હાઈટેક ચોરી! મધુવન ઈન્ટરનેશનલ સ્કૂલમાં ઉમેદવાર મોબાઈલ સાથે ઝડપાયો
આ પણ વાંચો: સુરત પોલીસે એટીએમ મશીનમાંથી ડેટા ચોરી કરનારને છ વર્ષે ઝડપ્યો
