ટાટા મોટર્સે ટાટા અલ્ટ્રોઝનાં પ્રોડક્શન મોડેલનું અનાવરણ કર્યું છે. તે કંપનીની પ્રીમિયમ હેચબેક કાર છે, જે જાન્યુઆરી 2020 માં લોન્ચ થશે. ટાટા અલ્ટ્રોઝનું ઓફિશિયલ બુકિંગ શરૂ થઈ ગયું છે, ઇચ્છુક ગ્રાહકો તેને 21,000 રૂપિયામાં બુક કરાવી શકશે. ટાટા અલ્ટ્રોઝ એ કંપનીની પહેલી કાર છે જે નવા આલ્ફા આર્કિટેક્ચર મોડ્યૂલર પ્લેટફોર્મ પર બનાવવામાં આવી છે.
ALTROZ pre-bookings have opened! Pre-Book today with ₹ 21,000 & get priority delivery. Customize your Altroz with first in India factory-fitted packs at https://t.co/ip1msiJ7QT to match your style. You Imagine. We Create. #TheGoldStandard pic.twitter.com/f2AfpYVICu
— Tata Motors (@TataMotors) December 4, 2019
સુત્રોનાં જણાવ્યા અનુસાર ટાટા અલ્ટ્રોઝ કંપનીની ઇમ્પેક્ટ 2.0 ડિઝાઇન થીમ પર બનાવવામાં આવી છે. તેમાં ફ્રન્ટ પર હનીકોમ્બ મેશ ગ્રીલ આપવામાં આવેલ છે, જેમાં બંને બાજુ પ્રોજેક્ટર હેડલેમ્પ્સ લાગેલા છે. ડે-ટાઇમ રનિંગ એલઇડી લાઇટ્સને ફ્રન્ટ ફોગ લેમ્પ્સ સાથે રાખવામાં આવેલ છે. તેનો ફોગ લેમ્પ બમ્પર્સ પર સ્થિત છે. પાછળની બાજુ, અહીં બે સ્પોર્ટ્સ એલઇડી ટેલ લેમ્પ્સ આપવામાં આવેલ છે જે બૂટ લિડનાં બ્લેક સેક્શનથી જોડાયેલા છે. સાઇડ પ્રોફાઇલમાં ધ્યાન આપીએ તો, અહીં પાછળનાં દરવાજાનાં હેન્ડલનાં દરવાજાને ઉપરનાં ભાગ પર સ્થિત કરવામા આવેલ છે. તેની છત કાળા રંગની રાખવામાં આવી છે.
રાઇડિંગ માટે ટાટા અલ્ટ્રાઝમાં 16 ઇંચનાં ડાયમંડ કટ એલોય વ્હીલ્સ મળશે, જ્યારે કારમાં ફીટ થયેલા સ્પેર વ્હીલનું કદ 14 ઇંચ હશે. તેમાં આગળનાં ભાગમાં ડિસ્ક બ્રેક્સ છે અને પાછળનાં ભાગમાં ડ્રમ બ્રેક્સ છે. ડ્યુઅલ ફ્રન્ટ એરબેગ્સ, ડ્રાઈવર અને કો-ડ્રાઇવર સીટબેલ્ટ રિમાઇન્ડર, ફ્રન્ટ અને રીઅર ફોગ લેમ્પ્સ અને આઇએસઓઓફિક્સ ચાઇલ્ડ સીટ એન્કર જેવી સુવિધા મુસાફરોની સુરક્ષા માટે આપવામાં આવી છે. પાછળની હરોળમાં વચ્ચેનાં પેસેન્જર માટે લેપ બેલ્ટ આપવામાં આવેલ છે.
ટાટા અલ્ટ્રોઝમાં ઇન્સ્ટ્રૂમેન્ટ ક્લસ્ટર માટે 7.0 ઇંચની TFT મલ્ટી-કલર ઇન્ફો ડિસ્પ્લે અને એક એનાલોગ સ્પીડોમીટર છે. બ્લેક અને ગ્રે કલર કોમ્બિનેશનનો ઉપયોગ કરીને તેના ડેશબોર્ડને ડ્યુઅલ-ટોન રંગ આપવામાં આવેલ છે. કારમાં 7.0 ઇંચની ફ્લોટિંગ ટચસ્ક્રીન ઇન્ફોટેનમેન્ટ સિસ્ટમ છે. ડેશબોર્ડ પર એસી વેન્ટની આસપાસ સિલ્વર ઇન્સર્ટ આપવામાં આવેલ છે. વળી સ્ટીયરિંગ વ્હીલ અને મીડિયા કન્ટ્રોલ સાથે પણ સિલ્વર ફિનિશનો ઉપયોગ કરવામાં આવ્યો છે.
ટાટા કારમાં ક્રૂઝ કંટ્રોલ, ઓટો એસી, મલ્ટી ડ્રાઇવ મોડ (ઇકો અને સિટી), પુશ બટન સ્ટાર્ટ-સ્ટોપ, ઓટો હેડલેમ્પ, એમ્બિયન્ટ લાઇટિંગ, સ્ટોરેજની સાથે ફ્રન્ટ સ્લાઈડિંગ આર્મરેસ્ટ, રીઅર સેન્ટર આર્મરેસ્ટ, રીઅર એસી વેન્ટ, અપ-ડાઉન એડજસ્ટ થતા સ્ટીયરિંગ વ્હીલ અને હાઇટ એડજસ્ટેબલ ડ્રાઇવર સીટ જેવા ફીચર પણ આપવામા આવેલ છે. કારની ઇન્ફોટેનમેન્ટ સિસ્ટમ Android ઓટો અને એપલ કારપ્લે કનેક્ટિવિટીને સપોર્ટ કરે છે. મનોરંજન માટે, તેમાં 100 વોટની હાર્મોન ઓડિયો સિસ્ટમ આપવામાં આવેલ છે, જે ચાર સ્પીકર્સ અને બે ટ્વિટર્સથી જોડાયેલ છે.
ટાટા અલ્ટ્રોઝમાં 1.2 લીટર નેચરલ એસ્પિરેટેડ પેટ્રોલ અને 1.5 લીટર ડીઝલ એન્જિન મળશે. એવી ચર્ચાઓ છે કે આ બંને એન્જિન્સને બીએસ 6 નોર્મ્સમાં અપગ્રેડ કરવામાં આવશે. પેટ્રોલ એન્જિન પાવર 86 પીએસ અને ટોર્ક 113 એનએમ હશે. ડીઝલ એન્જિન 90 પીએસની પાવર અને 200 એનએમનો ટોર્ક જનરેટ કરશે. 5-સ્પીડ મેન્યુઅલ ગિયરબોક્સ બંને એન્જિનો સાથે માનક હશે.
ટાટા અલ્ટ્રોઝનાં ભાવ વિશેની સત્તાવાર માહિતી હજી ઉપલબ્ધ નથી. એક અંદાજ મુજબ તેની કિંમત 5.5 લાખથી 9 લાખ રૂપિયા (એક્સ શોરૂમ) ની વચ્ચે હોઈ શકે છે. સેગમેન્ટમાં, તે મારુતિ સુઝુકી બલેનો, હ્યુન્ડાઇ એલાઇટ આઇ 20, ટોયોટા ગ્લાન્ઝા, ફોક્સવેગન પોલો અને હોન્ડા જૈજ સાથે સ્પર્ધા કરશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
