તારક મહેતા કા ઉલ્ટા ચશ્મા ફેમ મુનમુન દત્તા ટીવીની લોકપ્રિય અભિનેત્રીઓમાંની એક છે. ઘર-ઘર બબીતાજી તરીકે ઓળખાતી મુનમુન સોશિયલ મીડિયા પર પણ ખૂબ જ એક્ટિવ છે અને પોતાના ફેન્સ સાથે સતત જોડાયેલા રહેવા માટે ફોટા અને વીડિયો શેર કરે છે. આ વખતે તે તેના થ્રોબેક ફોટોઝને કારણે હેડલાઇન્સમાં છે. તે અવારનવાર પોતાના બોલ્ડ લુકને લઈને ફેન્સને દિવાના બનાવે છે. તેને લેટેસ્ટ ફોટોઝમાં જોઈને તેના ફેન્સ ઘણી કોમેન્ટ કરી રહ્યા છે, કારણ કે તેમાં તેનો યંગ અને સ્લિમ લુક જોવા મળી રહી છે.
‘હમ સબ બારાતી’ના ફોટા
મુનમુને 2004માં ‘હમ સબ બારાતી’ નામના શોથી ડેબ્યૂ કર્યું હતું. તેણે ઈન્સ્ટાગ્રામ પર આ શો સાથે જોડાયેલા બે ફોટા શેર કર્યા છે અને તે ઝડપથી વાયરલ થઈ રહ્યા છે, કારણ કે તે એકદમ અલગ અંદાજમાં જોવા મળી રહી છે. એક ફોટોમાં તે તેના કો-સ્ટાર દિવંગત અભિનેતા દિન્યાર કોન્ટ્રાક્ટર સાથે જોવા મળી રહી છે. અન્ય એક ફોટોમાં તે દિન્યાર અને અન્ય કલાકારો સાથે ડાન્સ કરતી જોવા મળી રહી છે. ચાહકોને મુનમુનની સ્ટાઈલ ખૂબ જ પસંદ છે અને તે લાલ રંગના ચોલી-લહેંગામાં જોવા મળે છે. સાથે જ તેની ફિટનેસના પણ વખાણ થઈ રહ્યા છે. ચાહકો કહે છે કે તે પહેલા પણ ફિટ હતી અને હજુ પણ છે.
જેઠાલાલજી પણ આ શોનો હિસ્સો હતા.
ફોટા જોઈને ચાહકોને પણ કોન્ટ્રાક્ટરની યાદ આવી રહી છે. તેણે સોનપરી, ખીચડી, શક લાકા બૂમ બૂમ જેવા ઘણા હિટ શોમાં કામ કર્યું .સૌથી રસપ્રદ વાત એ છે કે બબીતા જીના ફેન બનેલા તારક મહેતાના ઉલટા ચશ્મામાં જેઠાલાલ જી એટલે કે દિલીપ જોશી પણ ‘હમ સબ બારાતી’નો ભાગ હતા. એટલે કે બંનેની મિત્રતા જૂની છે. મુનમુન દત્તા છેલ્લા 18 વર્ષથી ટીવી ઈન્ડસ્ટ્રી સાથે જોડાયેલી છે. તેણીને તેની વાસ્તવિક ઓળખ બબીતાજીના પાત્રથી મળી, જે છેલ્લા 14 વર્ષથી ભજવી રહી છે.
