મુંબઈ શહેરમાં એક સારું અને આલીશાન ઘર ખરીદવું એ દરેક સ્ટારનું સપનું હોય છે. ગયા વર્ષે ઘણા સેલેબ્સે મુંબઈમાં લક્ઝુરિયસ વિલા અને એપાર્ટમેન્ટ્સ ખરીદીને તેમનું સપનું પૂરું કર્યું હતું. હવે આ યાદીમાં બોલિવૂડના ટેલેન્ટેડ ભાઈઓ આયુષ્માન ખુરાના અને અપારશક્તિ ખુરાનાનું નામ પણ જોડાઈ ગયું છે. તાજેતરના અહેવાલો અનુસાર, બંને ભાઈઓએ મુંબઈમાં એક જ હાઉસિંગ કોમ્પ્લેક્સમાં ઘર ખરીદ્યું છે.
આ પણ વાંચો :મોહિત મલિકના 9 મહિનાના પુત્રને થયો કોરોના, અદિતિ મલિકે પોસ્ટ કરીને આપી માહિતી
આયુષ્માન ખુરાનાએ ખરીદ્યા છે 2 લક્ઝુરિયસ એપાર્ટમેન્ટ
મની કંટ્રોલના રિપોર્ટ અનુસાર, આયુષ્માન ખુરાનાએ અંધેરી વેસ્ટના લોખંડવાલા કોમ્પ્લેક્સમાં Windsor Grande Residences ના 20મા માળે સ્થિત બે એપાર્ટમેન્ટ ખરીદ્યા છે. આ માટે તેણે વિન્ડસર રિયલ્ટી પ્રાઈવેટ લિમિટેડને 19.30 કરોડ રૂપિયા આપ્યા છે.
રિપોર્ટ અનુસાર, એપાર્ટમેન્ટ માટે ડીલ ગયા વર્ષે 29 નવેમ્બરે રજીસ્ટર કરવામાં આવી હતી અને આયુષ્માને એપાર્ટમેન્ટ પર સ્ટેમ્પ ડ્યુટી તરીકે 96.50 રૂપિયાની રકમ ચૂકવી હતી. એપાર્ટમેન્ટનો કુલ વિસ્તાર 4,027 ચોરસ ફૂટ છે અને તેમાં ચાર વાહનો માટે પાર્કિંગની સુવિધા પણ છે.
અપારશક્તિ ખુરાનાએ પણ ખરીદ્યું હતું ઘર
આયુષ્માન ખુરાનાના ભાઈ અપારશક્તિ ખુરાનાએ પણ આ જ કોમ્પ્લેક્સમાં 7.25 કરોડ રૂપિયામાં એક એપાર્ટમેન્ટ ખરીદ્યું છે. આ એપાર્ટમેન્ટ 1,745 ચોરસ ફૂટમાં આવેલું છે. આ માટે તેણે સ્ટેમ્પ ડ્યુટી તરીકે 36.25 લાખ રૂપિયા આપ્યા છે. અપારશક્તિના એપાર્ટમેન્ટની નોંધણી 7 ડિસેમ્બરે કરવામાં આવી હતી. તેમને એપાર્ટમેન્ટની સાથે 2 વાહનોનું પાર્કિંગ મળ્યું છે.
જણાવી દઈએ કે 2020માં પણ આયુષ્માન અને અપારશક્તિએ મળીને પંચકુલામાં તેમના પરિવાર માટે 9 કરોડ રૂપિયામાં ઘર ખરીદ્યું હતું. હવે ફરી એકવાર બંને ભાઈઓએ મુંબઈમાં લક્ઝરી એપાર્ટમેન્ટને પોતાનું બનાવી લીધું છે.
આ પણ વાંચો : શ્રીદેવીની નાની દીકરી ખુશી કપૂરને થયો કોરોના, જ્હાનવી અને બોની કપૂર થયા ક્વોરન્ટાઈન
આ પણ વાંચો :બિગ બોસને થયો કોરોના, આખી ટીમ થઈ ક્વોરન્ટાઇન, લોકો બોલ્યા જે થયું સારું થયું
આ પણ વાંચો :શું જ્હાનવી કપૂરને પણ થયો કોરોના? તસવીરો જોઈને ટેન્શનમાં આવી ગયા ફેન્સ
આ પણ વાંચો :‘વિક્રમ વેધ’માં હૃતિક રોશનનો છે શાનદાર અવતાર, મેકર્સે તેના જન્મદિવસે ફર્સ્ટ લૂક રિલીઝ કર્યો……
