Aravalli News : બાયડ: ઉત્તરાયણ પર્વ પછી રસ્તાઓ, થાંભલાઓ અને જુદી જુદી જગ્યાઓમાં લટકતી અને પડી રહેલી પતંગ દોરીઓના કારણે પશુઓ અને પક્ષીઓના જીવનને ગંભીર જોખમ ઉભું થાય છે. આ સંજોગોમાં બાયડના ધારાસભ્ય ધવલસિંહ ઝાલાએ એક અનોખી પહેલ કરી છે.ધારાસભ્યએ બાયડ શહેરના જુદા જુદા વિસ્તારોમાં સ્વયં જઈને પતંગની દોરી એકઠી કરી અને તેને નાશ કર્યો. બાયડમાં મણીનગર વિસ્તાર માં આ કાર્ય કરાયું, જેમાં રાહદારી રસ્તાઓ, થાંભલાઓ અને અન્ય સ્થાનો પર પડેલી લટકતી દોરીઓને સાફ કરાઈ હતી.
ધારાસભ્ય ધવલસિંહ ઝાલાનો સંદેશ:
“ઉતરાયણના પર્વે આપણે મજા માણીએ છીએ, પરંતુ તેનાથી પેદા થતા કચરાનું નિયંત્રણ કરવું પણ આપણે સૌનું દાયિત્વ છે. દોરીના કારણે પક્ષીઓ અને પશુઓને નુકસાન ન થાય તે માટે દરેક નાગરિકે પોતાનું યોગદાન આપવું જોઈએ.” આ સેવાકીય કાર્યને વધુ વિસ્તૃત કરવા, ધારાસભ્યએ યુવાઓને જોડવા અને આ અભિયાનને વિસ્તૃત બનાવવા માટે વિશેષ પ્રયાસ કરવાની જાહેરાત કરી છે.
ધવલસિંહ ઝાલાના આ કાર્યને બાયડના લોકો તરફથી અભૂતપૂર્વ પ્રતિસાદ અને સમર્થન મળ્યું છે. આ પ્રકારના કાર્ય પરિવર્તન માટે એક નવી દિશા પ્રસ્થાપિત કરશે.આ કામ પર્યાવરણ અને જીવસૃષ્ટિ પ્રત્યેની પ્રામાણિક પ્રતિબદ્ધતાનું પ્રતીક છે અને દરેક નાગરિકને પ્રેરણા પૂરી પાડે છે.
આ પણ વાંચો: કચ્છ રણોત્સવમાં ગેરરીતિ મામલે હાઈકોર્ટે ટેન્ડર કર્યુ રદ
