આજે સવારથી સતત ચર્ચાઓ ચાલી રહી હતી કે ભારતીય ટીમના વર્તમાન કેપ્ટન વિરાટ કોહલી ઓક્ટોબર-નવેમ્બરમાં સંયુક્ત આરબ અમીરાત અને ઓમાનમાં યોજાનારા ટી 20 વર્લ્ડ કપ બાદ વનડે અને ટી 20 ફોર્મેટમાં કેપ્ટનશીપનું પદ છોડશે. તેમના સ્થાને, મર્યાદિત ઓવરમાં ટીમના ઉપ-કેપ્ટન રોહિત શર્માને ટીમની કેપ્ટનશીપ સોંપવામાં આવશે. પરંતુ હવે બીસીસીઆઈના સચિવ જય શાહે આ તમામ અટકળોનો અંત લાવ્યો છે અને સ્પષ્ટ કર્યું છે કે આવા તમામ અહેવાલો બકવાસ છે અને હાલમાં ટીમ વિભાજીત કેપ્ટનશીપ વિશે બિલકુલ વિચારતી નથી.
જય શાહને ‘ક્રિકબઝ’ દ્વારા કહેતા ટાંકવામાં આવ્યા હતા કે, ‘અમે આવી કોઈ દરખાસ્ત કરી નથી અને કેપ્ટન વિરાટ કોહલી ના નેતૃત્વમાં ટીમ સારી પ્રગતિ કરી રહી છે.’ શાહ અહીં BCCI ના ખજાનચી અરુણ ધૂમલના નિવેદન સાથે સંમત થયા હતા, જેમાં તેમણે કહ્યું હતું કે, “રોહિતના સ્થાને મર્યાદિત ઓવરોની ક્રિકેટમાં રોહિતને કેપ્ટન બનાવવાના અહેવાલો બકવાસ છે.” અમે સારી રીતે સમજીએ છીએ કે આવો પ્રસ્તાવ ભારતીય ટીમના હિતમાં નથી અને તે પણ ત્યારે જ્યારે ટીમ ટી 20 વર્લ્ડ કપમાં ભાગ લેવા જઈ રહી છે.
આગ્રા / પકડાયેલા સેનાના આ જવાનો પાકિસ્તાની જાસૂસ સાથે ગુપ્ત માહિતી શેર કરવાના હતા
રસીકરણ અભિયાન / ભારતમાં કોવિડ -19 રસીકરણની સંખ્યા હવે 75 કરોડને વટાવી ગઈ, WHOએ આપ્યા અભિનંદન
Ayodhya / રામ મંદિર જન્મભૂમિ સંકુલમાં માત્ર ભગવાન શ્રી રામ જ નહીં, આ 6 દેવતાઓ પણ બિરાજશે
