કોંગ્રેસના સાંસદ રાહુલ ગાંધીના નેતૃત્વમાં ભારત જોડો યાત્રા ગુરુવારે સવારે ઉજ્જૈનથી એક દિવસના આરામ પછી શરૂ થઈ અને મધ્યપ્રદેશના છેલ્લા જિલ્લા આગર માલવા તરફ આગળ વધી. યાત્રા દરમિયાન ઉત્તરાખંડના પૂર્વ મુખ્યમંત્રી હરીશ રાવત, રાજ્યસભા સાંસદ દિગ્વિજય સિંહ, પૂર્વ સાંસદ પ્રેમચંદ ગુડ્ડુ, અખિલ ભારતીય મહિલા કોંગ્રેસના પૂર્વ અધ્યક્ષ શોભા ઓઝા અને અભિનેત્રી સ્વરા ભાસ્કર રાહુલ ગાંધી સાથે ચાલતા જોવા મળ્યા હતા.
આ યાત્રા સવારે 6 વાગ્યે ઉજ્જૈનની બહાર સ્થિત આરડી ગાર્ડી મેડિકલ કોલેજથી શરૂ થઈ હતી. આ યાત્રા સવારે 10 વાગે નઝરપુર ગામ ખાતે વિશ્રામ માટે વિરામ કર્યો. પક્ષના સૂત્રોએ જણાવ્યું હતું કે આ યાત્રા બપોરે ઘાટિયા બસ સ્ટેન્ડથી શરૂ થશે અને ઝાલરા ગામમાં રાત્રિ રોકાણ કરશે.
રાહુલ ગાંધીની આગેવાની હેઠળની ભારત જોડો યાત્રા મહારાષ્ટ્રમાંથી પસાર થઈને “દક્ષિણના દ્વાર” તરીકે ઓળખાતા બુરહાનપુર જિલ્લાના બોદર્લી ગામમાંથી 23 નવેમ્બરે મધ્યપ્રદેશમાં પ્રવેશી હતી. આ યાત્રા 4 ડિસેમ્બરે રાજસ્થાનમાં પ્રવેશતા પહેલા 12 દિવસમાં પશ્ચિમ મધ્ય પ્રદેશના માલવા-નિમાર ક્ષેત્રમાં 380 કિલોમીટરનું અંતર કાપશે.
મધ્યપ્રદેશમાં, ભારત જોડો યાત્રા અત્યાર સુધીમાં બુરહાનપુર, ખંડવા, ખરગોન અને ઈન્દોર જિલ્લામાંથી પસાર થઈ છે. ભાજપ શાસિત મધ્યપ્રદેશમાં આવતા વર્ષે વિધાનસભાની ચૂંટણી યોજાવાની છે. મુલાકાત દરમિયાન, ગાંધીએ મંગળવારે ઉજ્જૈનમાં પ્રખ્યાત ભગવાન મહાકાલ મંદિરની મુલાકાત લીધી, જે દેશના 12 જ્યોતિર્લિંગોમાંના એક છે. અગાઉ, તેમણે ખંડવા જિલ્લાના અન્ય જ્યોતિર્લિંગ ઓમકારેશ્વર મંદિરમાં પણ પ્રાર્થના કરી હતી.
આ પણ વાંચો:Gujarat Assembly Election 2022 Live Updates/ મનસુખ માંડવિયાએ ભાવનગરમાં કર્યું મતદાન,અહીં જુઓ ચૂંટણી પળે પળેની અપડેટ
આ પણ વાંચો:ચૂંટણી પહેલા રેકોર્ડ 750 કરોડની સંપત્તિ કરાઈ જપ્ત
આ પણ વાંચો:ગુજરાતમાં આજે પ્રથમ તબક્કામાં 89 બેઠકો પર મતદાન, આ દિગ્ગજોના ભાવિનો થશે ફેંસલો
