જ્ઞાનવાપી કેસમાં ASIના સર્વે અંગે વારાણસી કોર્ટનો ચુકાદો આવી ગયો છે. જિલ્લા અદાલતે ASI સર્વેને મંજૂરી આપી છે. કાશી વિશ્વનાથ મંદિર પાસે આવેલી મા શ્રૃંગાર ગૌરી-જ્ઞાનવાપી મસ્જિદના કિસ્સામાં સમગ્ર જ્ઞાનવાપી સંકુલની પુરાતત્વીય અને વૈજ્ઞાનિક તપાસ કરવામાં આવશે. આ પહેલા 14 જુલાઈએ થયેલી સુનાવણીમાં કોર્ટે 21 જુલાઈ સુધી નિર્ણય સુરક્ષિત રાખ્યો હતો.
હિંદુ પક્ષના વકીલે કહ્યું કે કાશી વિશ્વનાથ મંદિર-જ્ઞાનવાપી મસ્જિદ વિવાદ સમગ્ર મસ્જિદ સંકુલની પુરાતત્વીય તપાસ દ્વારા જ ઉકેલી શકાય છે. જ્યારે મુસ્લિમ પક્ષ ASI સર્વેનો વિરોધ કરી રહ્યો છે.
જ્ઞાનવાપીનો વિવાદ
મસ્જિદ પરિસરમાં શ્રૃંગાર ગૌરી અને અન્ય દેવી-દેવતાઓની દૈનિક પૂજાના અધિકારની માગણી બાદ તાજેતરનો જ્ઞાનવાપી વિવાદ ઊભો થયો હતો. આ શિલ્પો જ્ઞાનવાપી મસ્જિદની બહારની દિવાલ પર સ્થિત છે. વિવાદ 18 ઓગસ્ટ, 2021 ના રોજ શરૂ થયો, જ્યારે 5 મહિલાઓએ શ્રીનગર ગૌરી મંદિરમાં દરરોજ પૂજા અને દર્શનની માગણી સાથે કોર્ટનો સંપર્ક કર્યો. વાસ્તવમાં આ સંકુલમાં પહેલા પરંપરા મુજબ વર્ષમાં માત્ર 2 વખત પૂજા થતી હતી, પરંતુ ત્યારબાદ આ મહિલાઓએ માંગ કરી હતી કે અન્ય દેવી-દેવતાઓની પૂજામાં અવરોધ ન આવે.
જ્યારે આ અપીલ કોર્ટમાં આવી ત્યારે તેમણે મસ્જિદ પરિસરમાં સર્વે અને વીડિયોગ્રાફી કરવાનો આદેશ આપ્યો અને તેના પર રિપોર્ટ રજૂ કરવા કહ્યું. સર્વેના બીજા દિવસે મસ્જિદમાં સર્વે ટીમના પ્રવેશને લઈને ભારે હોબાળો થયો હતો અને ટીમ મસ્જિદની અંદર પ્રવેશી શકી ન હતી.
આ પણ વાંચો:સુરક્ષામાં ચૂક કે કાવતરું! પોલીસ વાહન-હથિયારો સાથે CM મમતાના ઘરમાં ઘૂસવા બદલ યુવકની ધરપકડ
આ પણ વાંચો:6000 FIR, 70 હત્યા, 5 બળાત્કાર અને પરેડ કાંડ, અઢી મહિનામાં કેવી રીતે ગુનાની ભઠ્ઠી બન્યું મણિપુર
આ પણ વાંચો:સીમા હૈદરનો મામલો પહોંચશે રાષ્ટ્રપતિ ભવન, સચિનના પિતા કરશે ભારતીય નાગરિકતાની માગ
