Surat News : લેબગ્રોન અને નેચરલ હીરા વચ્ચે વધતી ગેરસમજ/વિવાદને ધ્યાનમાં રાખીને **BIS (Bureau of Indian Standards)**એ નવી ટર્મિનોલોજી ગાઈડલાઈન (IS 19469:2025) જાહેર કરી છે. હવે બજારમાં પારદર્શિતા લાવવા માટે “ડાયમંડ” શબ્દના ઉપયોગમાં મોટો ફેરફાર કરાયો છે.
શું છે નવી ગાઈડલાઈન?
1) “Diamond” શબ્દ હવે માત્ર કુદરતી હીરા માટે
દાગીના, જાહેરાત, બિલ/ઇનવૉઇસ, સર્ટિફિકેટ કે ઓનલાઈન લિસ્ટિંગમાં ‘Diamond’ શબ્દ એકલો લખાશે તો તે ‘કુદરતી હીરા’ જ ગણાશે.
2) લેબગ્રોન માટે ફરજિયાત સ્પષ્ટ ઓળખ
લેબમાં બનેલા હીરા માટે વેચાણ/માર્કેટિંગ/ડિસ્ક્લોઝરમાં હવે માત્ર આ જ શબ્દો માન્ય રહેશે:
“Laboratory-grown હીરા” અથવા
“Laboratory-created હીરા”
3) શોર્ટફોર્મ/ટૂંકા શબ્દપ્રયોગ બંધ
હવે LGD, ‘lab-grown’, ‘lab diamond’, ‘lab created’ જેવા ટૂંકા/અસ્પષ્ટ શબ્દો ફોર્મલ રીતે વાપરવા પર રોક મુકાઈ છે.
4) ભ્રામક શબ્દો વાપરવા નહીં
લેબગ્રોન માટે “nature’s/earth-friendly/pure/cultured” જેવા શબ્દો વાપરીને કુદરતી જેવી છાપ પાડવી મંજૂર નહીં.
નેચરલ vs લેબગ્રોન: બને કેવી રીતે?
નેચરલ ડાયમંડ : પૃથ્વીના પેટાળમાં ઊંચા દબાણ-તાપમાન હેઠળ કરોડો વર્ષોમાં કુદરતી રીતે બને અને ખાણકામથી બહાર કાઢવામાં આવે.
લેબગ્રોન ડાયમંડ : લેબમાં મુખ્યત્વે HPHT અને CVD પદ્ધતિથી બનાવાય; દેખાવ/ગુણધર્મો સમાન હોઈ શકે, પણ ઉત્પત્તિ “લેબ”ની હોય છે.
ગ્રાહકોને શું ફાયદો?
ખાસ કરીને ઓનલાઈન/ઈ-કોમર્સમાં હવે ગ્રાહકને તરત ખબર પડશે કે કુદરતી હીરા લઈ રહ્યો છે કે લેબમાં બનાવેલો.
બિલ/એડ/સર્ટિફિકેટમાં સ્પષ્ટ શબ્દો હોવાથી ઠગાઈ અને ગેરસમજ ઘટશે, બજારમાં વિશ્વાસ વધશે
આ પણ વાંચો:ભાગેડુ મેહુલ ચોક્સી આ દેશમાં છુપાયો, બનાવટી દસ્તાવેજો બતાવીને મેળવ્યું રેસિડેન્સી કાર્ડ
આ પણ વાંચો:સુપ્રીમ કોર્ટે મેહુલ ચોક્સી સામે ATS તપાસ માટે આપી મંજૂરી, ભાગેડુ હીરા વેપારીની મુશ્કેલીઓ વધી
આ પણ વાંચો:ભારતના ભાગેડુ ઉધોગપતિ મેહુલ ચોક્સીએ પ્રત્યાર્પણથી બચવા માટે જાણો શું કર્યું
