દિલ્હી વિધાનસભામાં ભાજપ 22 વર્ષનો વનવાસ પૂરો કરવા તૈયાર છે. પાર્ટીના દિલ્હી પ્રદેશ અધ્યક્ષ મનોજ તિવારી કહે છે કે જરૂર પડે તો સાંસદોને પણ મેદાનમાં ઉતારવામાં આવશે. દિલ્હી વિધાનસભાની 45 બેઠકોના લક્ષ્યાંક સાથે પાર્ટી ચૂંટણી લડી રહી છે અને અપેક્ષા રાખવામાં આવે છે કે, પાર્ટીને તેના લક્ષ્યાંક કરતા વધારે બેઠકો મળશે. મનોજ તિવારીને આ સંદર્ભે પોતાના નિવેદનમાં વિવિધ સવાલો પર આ રીતે પોતાની પ્રતિક્રિયા આપી હતી….

સવાલ : દિલ્હીના વનવાસને સમાપ્ત કરવા માટે ભાજપની રણનીતિ અને તૈયારી શું છે?

જવાબ: વડા પ્રધાન નરેન્દ્ર મોદી દ્વારા દિલ્હીના 40 લાખથી વધુ લોકોને તેમની સંપત્તિઓની માલિકી આપવામાં આવી છે. કેન્દ્ર સરકારે દિલ્હીવાસીઓના પ્રદૂષણની સમસ્યાનું સમાધાન લાવવા પૂર્વીય પશ્ચિમી પેરિફેરલ માર્ગ બનાવ્યો છે. કેજરીવાલની ક્રિયાઓ અને નિષ્ફળતાની મદદથી ભાજપ આ ચૂંટણી જીતશે. દિલ્હીની સમસ્યાઓ ફક્ત ભાજપ જ હલ કરી શકે છે. 

સવાલ: ભાજપ દ્વારા દિલ્હીમાં મુખ્યમંત્રી પદ માટે કોઈ ચહેરાની ઘોષણા કરવામાં આવી નથી, દિલ્હીની ચૂંટણીમાં આ પહેલીવાર થઈ રહ્યું છે.

જવાબ- રાષ્ટ્રીય સ્તરે અમારી વ્યૂહરચના એ રહી છે કે અમે મુખ્યમંત્રીના ચહેરા વિના ચૂંટણી જીતીએ છીએ અને ચૂંટણી જીત્યા પછી ધારાસભ્યો દ્વારા મુખ્ય પ્રધાનની પસંદગી કરવામાં આવે છે. દિલ્હીમાં પહેલીવાર ભાજપ એક પૂર્વાંચલી (મનોજ તિવારી) ના નેતૃત્વ હેઠળ ચૂંટણી લડી રહ્યું છે. આવી સ્થિતિમાં દિલ્હીમાં પહેલીવાર ઘણું બધું થઈ રહ્યું છે. 

સવાલ : ચૂંટણી અભિયાનમાં, આમ આદમી પાર્ટી દ્વારા મફત વીજળી અને પાણીનો જોરશોરથી અભિયાન કરવામાં આવી રહ્યો છે, અમે તેનો જવાબ કેવી રીતે આપીશું.

જવાબ: મફત વીજળી અને પાણી અંગે ભાજપની નીતિ સ્પષ્ટ છે. અરવંદ કેજરીવાલે પહેલા વીજળીના ભાવ ઘટાડીને 400 યુનિટ કર્યા, ત્યારબાદ તેના પર ફિક્સ ચાર્જ વધાર્યો. તેમના આ પગલાથી લોકોના બીલોમાં વધારો થયો છે. અમે સતત પુછતા રહીએ છીએ કે કેટલા લોકોનાં બીલ શૂન્ય થયા છે, તેથી દિલ્હી સરકાર આ વસ્તુને ગોળ ગોળ ફેરવી રહી છે. આવી સ્થિતિમાં અમારું વલણ સ્પષ્ટ છે, દિલ્હીની જનતાને છેતર્યા વિના વીજળી અને પાણીનો લાભ આપવામાં આવશે. 

સવાલ: શું તમને લાગે છે કે સીએએ-એનઆરસી દિલ્હીની ચૂંટણીમાં મુદ્દો બનશે?

જવાબ : દિલ્હીમાં, જેમણે નાગરિકતા સુધારો કાયદાના વિરોધમાં આંદોલન શરૂ કર્યાં છે તેમને આનો ભોગ બનવું પડશે. પ્રદર્શન દ્વારા સામાન્ય લોકોને પરેશાન ન કરવા જોઈએ. દિલ્હીમાં આમ આદમી પાર્ટી અને કોંગ્રેસે હિંસા ભડકાવવા સાથે મળીને કામ કર્યું છે. 

સવાલ : શું દિલ્હીની કેટલીક હસ્તીઓ અને સાંસદોને મેદાનમાં ઉતારી શકાય છે? મુખ્યમંત્રી અને મંત્રીઓની બેઠક અંગે શું યોજના છે?
જવાબ- કંઈપણ થઈ શકે છે. જો સાંસદો પણ મેદાનમાં ઉતરી જાય તો નવાઈ નહીં. મુખ્યમંત્રી સમક્ષ અમે ઉમેદવાર નક્કી કરી લીધો છે. તેની પ્રથમ યાદીમાં જાહેરાત કરવામાં આવશે. ઉમેદવાર તે જ હશે જે કેજરીવાલને જવાબ આપી શકે. 

સવાલ : જો ભાજપ ચૂંટણીમાં વિજય મેળવે છે, તો શું પૂર્વાંચલમાંથી મુખ્યમંત્રી હશે? 
જવાબ-  મારું કામ પ્રદેશ પ્રમુખ પદે પાર્ટીને જીતવાનું છે. બાકી તો ધારાસભ્યો તેમના નેતાની પસંદગી કરશે. 

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.