ભુવનેશ્વર,

દેશના નક્સલ પ્રભાવિત રાજયોમાંના એક ઓરિસ્સામાં ચલાવવામાં આવી રહેલા અભિયાનમાં સુરક્ષાબળોના જવાનોને મોટી સફળતા મળી છે. ઓરિસ્સાના મલકાનગિરી જિલ્લામાં થયેલા એક એન્કાઉન્ટરમાં પાંચ નક્સલીઓને ઠાર કરવામાં આવ્યા છે.

#Odisha: Five Naxals were killed in encounter between security forces and Naxals in Malkangiri's Kalimeda, early morning today.

— ANI (@ANI) November 5, 2018

માનવામાં આવી રહ્યું છે કે, સોમવાર સવારે રાજ્યના મલકાનગિરી જિલ્લાના કલિમેદા વિસ્તારમાં સુરક્ષાબળોના જવાનો અને નક્સલીઓ વચ્ચે એન્કાઉન્ટર શરુ થયું હતું. આ એન્કાઉન્ટરમાં નક્સલીઓને જડબાતોડ જવાબ આપતા જવાનોને જવાબી ફાયરીંગ કર્યું હતું, જેમાં ૫ નક્સલીઓને ઠાર કરવામાં આવ્યા છે.

દંતેવાડામાં પણ થયું હતું એન્કાઉન્ટર

અત્રે ઉલ્લેખનીય છે કે, છત્તીસગઢના દંતેવાડામાં ગત મંગળવાર સવારે એક મોટો નક્સલી હુમલો થયો હતો, જેમાં ૨ જવાનો શહીદ થયા હતા, તેમજ દુરદર્શન ચેનલના એક કેમેરામેનનું  મોત થયું હતું.

આ હુમલો એ સમયે કરવામાં આવ્યો જયારે દિલ્હી દૂરદર્શનની એક ટીમ જંગલની અંદર સુરક્ષાબળો સાથે તેઓની ગતિવિધિઓનું કવરેજ કરવા માટે પહોંચી હતી. જો કે આ દરમિયાન જ નીવાલાયા વિસ્તારમાં ઘાત લગાવીને બેઠેલા નક્સલીઓએ આ જવાનો પર ફાયરિંગ શરુ કર્યું હતું.  ગોળીબારીમાં પોલીસબળોના ૨ જવાન ઘાયલ થયા છે