ભારતીય જનતા પાર્ટીએ લોકસભા ચૂંટણી 2024નું રણશિંગુ ફૂંકી દીધું છે. પાર્ટીએ શનિવારે ઉમેદવારોની પ્રથમ યાદી જાહેર કરી હતી. પાર્ટીના રાષ્ટ્રીય મહાસચિવ વિનોદ તાવડેએ કહ્યું કે 16 રાજ્યો અને બે કેન્દ્રશાસિત પ્રદેશોની 195 બેઠકો માટે ઉમેદવારો નક્કી કરવામાં આવ્યા છે. બાકીની બેઠકો માટે મંથન ચાલી રહ્યું છે. વડાપ્રધાન નરેન્દ્ર મોદી વારાણસીથી ચૂંટણી લડશે. અમિત શાહ ગાંધીનગરથી ચૂંટણી લડશે. આ યાદીમાં 34 કેન્દ્રીય અને રાજ્ય મંત્રીઓના નામ પણ છે. આ સિવાય સ્વર્ગસ્થ સુષ્મા સ્વરાજની પુત્રીને પણ લોકસભાની ટિકિટ આપવામાં આવી છે.
ભારતીય જનતા પાર્ટીએ પ્રથમ યાદીમાં કુલ 195 ઉમેદવારોની જાહેરાત કરી છે. ભાજપે 16 રાજ્યો અને બે કેન્દ્ર શાસિત પ્રદેશોની કુલ 195 સીટો પર ભાજપે ઉમેદવારો જાહેર કર્યાં છે. 34 કેન્દ્રીય મંત્રી અને રાજ્યમંત્રીઓના નામ આ લિસ્ટમાં છે. ભાજપની યાદીમાં બે પૂર્વ મુખ્યમંત્રીઓના નામ પણ સામેલ છે. ભાજપે પ્રથમ યાદીમાં 28 મહિલાઓને ટિકિટ આપી છે. જ્યારે 47 ઉમેદવારો 50થી ઓછી ઉંમરના છે. ભાજપની પ્રથમ યાદીમાં ગુજરાતના 15 ઉમેદવારોની જાહેરાત કરવામાં આવી છે.
ગુજરાતની લોકસભાની 15 સીટો ના ઉમેદવારોની જાહેરાત
- કચ્છ વિનોદ ચાવડા
- બનાસકાંઠા રેખાબેન ચૌધરી
- પાટણ ભરતસિંહ ડાભી
- ગાંધીનગર અમિત શાહ*
- અમદાવાદ પશ્ચિમ દિનેશ મકવાણા*
- રાજકોટ પુરુષોત્તમ રૂપાલા
- પોરબંદર મનસુખ માંડવીયા
- જામનગર પૂનમબેન માડમ
- આણંદ મિતેશભાઇ પટેલ
- ખેડા દેવુસિંહ ચૌહાણ
- પંચમહાલ રાજપાલ સિંહ જાદવ
- દાહોદ જશવંતસિંહ ભાભોર
- ભરૂચ મનસુખ વસાવા
- બારડોલી પ્રભુભાઈ વસાવા
- નવસારી સી આર પાટીલ
ભાજપની પ્રથમ યાદીમાં શું છે ખાસ?
- 195 નામોની જાહેરાત
- યાદીમાં 34 કેન્દ્રીય અને રાજ્ય મંત્રીઓના નામ છે
- 28 મહિલાઓને તક મળી છે
- 47 યુવા ઉમેદવારો, જેમની ઉંમર 50 વર્ષથી ઓછી છે
- અનુસૂચિત જાતિમાંથી 27 નામો
- અનુસૂચિત શ્રેણીમાંથી 18 ઉમેદવારો
- અન્ય પછાત વર્ગમાંથી 57 નામો
કયા રાજ્યમાંથી કેટલી બેઠકો માટે ઉમેદવારોની જાહેરાત કરી?
વિનોદ તાવડેએ જણાવ્યું કે ઉત્તર પ્રદેશમાંથી 51, પશ્ચિમ બંગાળમાંથી 26, મધ્ય પ્રદેશમાંથી 24, ગુજરાતથી 15, રાજસ્થાનમાંથી 15, કેરળમાંથી 12, તેલંગાણામાંથી 9, આસામમાંથી 11, ઝારખંડમાંથી 11, છત્તીસગઢમાંથી 11, દિલ્હીમાંથી 11 , જમ્મુ અને કાશ્મીરમાં પાંચ, ઉત્તરાખંડમાં ત્રણ અને અરુણાચલ, ગોવા, ત્રિપુરા, આંદામાન-નિકોબાર અને દમણ અને દીવની એક-એક બેઠક માટે ઉમેદવારો નક્કી કરવામાં આવ્યા છે.
આપને જણાવી દઈએ કે ઉમેદવારોના નામ પર ચર્ચા કરવા માટે 29 ફેબ્રુઆરીએ દિલ્હી બીજેપી હેડક્વાર્ટરમાં પાર્ટીની સેન્ટ્રલ ઈલેક્શન કમિટીની બેઠક યોજાઈ હતી. આ બેઠક રાત્રે 8 વાગ્યે શરૂ થઈ હતી અને સવારે લગભગ 4 વાગ્યા સુધી ચાલી હતી, જેમાં પીએમ મોદી, ગૃહ પ્રધાન અમિત શાહ, પાર્ટી અધ્યક્ષ જેપી નડ્ડા સહિતના અગ્રણી ભારતીય નેતાઓએ ભાગ લીધો હતો. બેઠકમાં લગભગ 17 રાજ્યોની લોકસભા બેઠકો પર ચર્ચા કરવામાં આવી હતી અને 155 થી વધુ બેઠકો પર નિર્ણયો લેવામાં આવ્યા હતા, જેની વિગતો આજે યોજાનારી ભાજપની પ્રેસ કોન્ફરન્સમાં જાહેર કરવામાં આવે તેવી શક્યતા છે.
રક્ષા મંત્રી રાજનાથ સિંહ, સંગઠન મહાસચિવ બીએલ સંતોષ, પ્રદેશ પ્રમુખ, પ્રભારી, સહ પ્રભારી અને ચૂંટણી પ્રભારી, ઉત્તર પ્રદેશ, ગુજરાત, મધ્યપ્રદેશ, છત્તીસગઢ, રાજસ્થાન, આસામ, ઉત્તરાખંડ અને ગોવાના મુખ્યમંત્રીઓ ઉપસ્થિત રહ્યા હતા. ભાજપની બેઠકમાં પણ હાજર હતા. બેઠકમાં ઉત્તર ભારતના તમામ રાજ્યો ઉપરાંત મહારાષ્ટ્ર, ગુજરાત, તેલંગાણા, કેરળ અને તમિલનાડુની લોકસભા બેઠકો અંગે ચર્ચા કરવામાં આવી હતી. વડાપ્રધાન નરેન્દ્ર મોદીએ આગામી લોકસભા ચૂંટણી માટે 400ને પાર કરવાનો નારો આપ્યો છે. ભાજપ એકલા હાથે 370થી વધુ બેઠકો મેળવવાનું લક્ષ્ય ધરાવે છે.
આ પણ વાંચો: નર્મદામાં ગાંજાનો ગેરકાયદેસર વેપાર, જથ્થા સાથે ઝડપાયો એક શખ્સ
આ પણ વાંચો:અયોધ્યા ધામમાં ગુજરાતના સીએમ ભૂપેન્દ્ર પટેલ, મંત્રીઓ સાથે રામલલ્લાના કર્યા દર્શન
