બોલિવૂડની ફિલ્મ હરહંમેશ કોઇને કોઇ કારણોસર વિવાદમાં રહેતી હોય છે અથવા તો સોશિયલ મીડિયા પર ટ્રોલ થતી હોય છે. હાલમાં જ આવો એક કિસ્સો સામે આવ્યો છે. વાત એમ છે કે કંગના રણાવત અને રાજકુમાર રાવની અપકમિંગ ફિલ્મ ‘મેંટલ હૈ ક્યા’નું નવું પોસ્ટર આજે રિલીઝ કરવામાં આવ્યું છે. પોસ્ટર સામે આવતા જ તેનો વિરોધ શરૂ થઇ ગયો છે. ફિલ્મના નવા પોસ્ટરમાં કંગના અને રાજકુમાર પોતાની જીભ પર બ્લેડ મુકેલા જોવા મળી રહ્યા છે. પોસ્ટર સામે આવતાં જ સોશિયલ મીડિયા પર લોકોએ તેને ટ્રોલ કરવાનું શરૂ કરી દીધું છે. ઘણા લોકોએ તેને ચીપ ગિમિક કહ્યું તો ઘણા લોકોએ તેને યુવાનો માટે હાનિકારક ગણાવ્યું.
