ઘણીવાર માતા-પિતા પોતાના બાળકોને કહે છે કે તમે વાંચતા-લખશો, ભણતર હશે તો જ તમે સફળ થઈ શકશો, પરંતુ એ જરૂરી નથી કે માત્ર ભણવાથી જ સફળતા મળે. આવા અનેક લોકોના દાખલા છે જેમનું ઓછું ભણતર હોવા છતાં દુનિયામાં મોટું સ્થાન હાંસલ કર્યું છે. એવા કેટલાક ફિલ્મ સ્ટાર્સ વિશે જાણો જેમણે ફિલ્મો માટે પોતાના અભ્યાસને બાય બાય કહી દીધું હતું. ઓછું ભણતર હોવા છતાં આ સ્ટાર્સ આજે પોતાની એક્ટિંગથી લાખો દિલો પર રાજ કરે છે.
આમિર ખાન
આમિર ખાનને હિન્દી સિનેમામાં મિસ્ટર પરફેક્શનિસ્ટ તરીકે પણ ઓળખવામાં આવે છે. અભિનેતા વર્ષમાં એક જ ફિલ્મ બનાવે છે. જે બોક્સ ઓફિસ પર સુપર-ડુપર હિટ સાબિત થાય છે. બહુ ઓછા લોકો જાણતા હશે કે તેણે અભિનય માટે પોતાનો અભ્યાસ છોડી દીધો હતો. આમિર 12મું પાસ છે. તે પછી તે ફિલ્મી દુનિયામાં આવ્યો. આજે તે પોતાની એક્ટિંગના જોરે કરોડો દિલો પર રાજ કરે છે.
આલિયા ભટ્ટ
બોલિવૂડ અભિનેત્રી આલિયા ભટ્ટ આજે હિન્દી સિનેમાની ટોચની અભિનેત્રીઓમાંની એક છે. તેની લગભગ દરેક ફિલ્મ બોક્સ ઓફિસ પર સારો બિઝનેસ કરે છે. તેની તાજેતરમાં રિલીઝ થયેલી ફિલ્મ ગંગુબાઈ કાઠિયાવાડીએ પણ બોક્સ ઓફિસ પર જબરદસ્ત કલેક્શન કર્યું હતું. તમને જાણીને નવાઈ લાગશે કે આલિયાએ 12મા ધોરણ પછી અભ્યાસથી અનંર બનાવી લીધું હતું. તેણે ફિલ્મ સ્ટુડન્ટ ઑફ ધ યરથી ફિલ્મી કરિયરની શરૂઆત કરી. આ ફિલ્મ બોક્સ ઓફિસ પર જોરદાર હિટ રહી અને તેની કારકિર્દીની ગાડી ઝડપથી આગળ વધી.
કંગના રનૌત
કંગના ફિલ્મ ઈન્ડસ્ટ્રીમાં ક્વીન તરીકે ફેમસ છે. તેણે પોતાની એક્ટિંગના દમ પર ઘણી ફિલ્મો હિટ કરી છે. તેના ભણતરની વાત કરીએ તો ધોરણ 12માં નાપાસ થયા બાદ તેણે અભ્યાસ છોડી દેવાનો નિર્ણય લીધો હતો.
કરિશ્મા કપૂર
હિન્દી સિનેમા અને કપૂર પરિવાર વચ્ચેનો સંબંધ ઘણો જૂનો છે. કપૂર પરિવારની દીકરી કરિશ્મા કપૂર માત્ર પાંચમું પાસ છે. છઠ્ઠા ધોરણમાં તેણે અભ્યાસ છોડીને ફિલ્મોમાં જોડાવાનું નક્કી કર્યું હતું. બોલિવૂડમાં પગ મૂક્યા બાદ તેણે પોતાના કરિયરમાં એકથી વધુ હિટ ફિલ્મો આપી. રાજા હિન્દુસ્તાની તેની કારકિર્દીની સૌથી હિટ ફિલ્મ છે.
કાજોલ
અભિનેત્રી કાજોલ પણ કરિશ્માની જેમ ફિલ્મી પૃષ્ઠભૂમિની છે. તેની માતા તનુજા પણ પ્રખ્યાત અભિનેત્રી રહી ચુકી છે. કાજોલે તેની ફિલ્મી કરિયરમાં જબરદસ્ત હિટ ફિલ્મો પણ આપી છે. કાજોલ માત્ર હાઈસ્કૂલ પાસ આઉટ છે. તે પછી તેણે ફિલ્મોમાં આવવાનું મન બનાવી લીધું હતું.
