Ahmedabad News: અમદાવાદના બોપલ વિસ્તારમાં આવેલી એક શાળા (Bopal School Case)માં બાળક સાથે કથિત અયોગ્ય વર્તન થયાની ફરિયાદ સામે આવતા પોલીસે તાત્કાલિક કાર્યવાહી હાથ ધરી છે. ફરિયાદના આધારે બોપલ પોલીસે શાળામાં સફાઈ કર્મચારી તરીકે ફરજ બજાવતા પશાભાઈ નામના વ્યક્તિની ધરપકડ કરી છે અને સમગ્ર મામલે વધુ તપાસ શરૂ કરી છે.
Bopal School Case: સફાઈ કર્મચારીની ધરપકડ
પ્રાથમિક માહિતી મુજબ, આરોપી છેલ્લા લગભગ એક વર્ષથી શાળા Bopal School Case)માં સફાઈ કર્મચારી તરીકે ફરજ બજાવી રહ્યો હતો. ફરિયાદમાં એવો આરોપ છે કે છેલ્લા એક અઠવાડિયાથી બાળક સાથે અયોગ્ય શારીરિક વર્તન કરવામાં આવતું હતું.
પરિવારના જણાવ્યા મુજબ, બાળક છેલ્લા કેટલાક દિવસોથી અસ્વસ્થ અને ઉદાસ રહેતું હોવાથી વાલીઓને શંકા ગઈ હતી. ત્યારબાદ બાળકનું કાઉન્સેલિંગ કરવામાં આવ્યું, જેમાં ઘટનાની જાણ થતાં પરિવાર દ્વારા પોલીસનો સંપર્ક કરવામાં આવ્યો હતો.
ફરિયાદ મળ્યા બાદ બોપલ પોલીસે તાત્કાલિક ગુનો નોંધી આરોપીની ધરપકડ કરી છે. પોલીસ દ્વારા આરોપી સામે લાગુ કાયદાકીય જોગવાઈઓ હેઠળ કાર્યવાહી કરવામાં આવી રહી છે અને સમગ્ર ઘટનાની વિગતવાર તપાસ ચાલુ છે.
પોલીસના પ્રાથમિક રેકોર્ડ મુજબ, આરોપી સામે અગાઉ વસ્ત્રાપુર પોલીસ મથકમાં રાયોટિંગ અને સરકારી ફરજમાં અવરોધ ઉભો કરવાના ગુના પણ નોંધાયેલા હોવાનું સામે આવ્યું છે. જોકે, હાલના કેસની તપાસ અલગથી ચાલી રહી છે અને તમામ પાસાઓની ચકાસણી કરવામાં આવી રહી છે.
પોલીસે જણાવ્યું છે કે કેસમાં મળતા પુરાવા, સાક્ષીઓના નિવેદનો અને અન્ય જરૂરી વિગતોના આધારે આગળની કાયદેસરની કાર્યવાહી કરવામાં આવશે. બાળકની ઓળખ અને ગોપનીયતા જળવાઈ રહે તે માટે પોલીસે કોઈ વ્યક્તિગત માહિતી જાહેર કરી નથી.
આ પણ વાંચો:સ્કૂલના વોશરૂમમાં વિદ્યાર્થી સાથે અયોગ્ય વર્તન! અમદાવાદની LDR સ્કૂલમાં કર્મચારી સસ્પેન્ડ
આ પણ વાંચો:સરકારી શાળાના શિક્ષકએ ધો. 5 અને 6ની વિદ્યાર્થિનીઓની કરી છેડતી, ઘટનાએ હડકંપ મચાવ્યો
આ પણ વાંચો:દાહોદમાં આશ્રમ શાળાના શિક્ષકે વિદ્યાર્થીનીની છેડતી કરી
