Gandhinagar News : ગાંધીનગરમાં BRICS દેશોની હાઈ લેવલ બેઠક યોજાવાની તૈયારીઓ તેજ બની ગઈ છે. દિલ્હીમાં યોજાયેલી બેઠક બાદ હવે ગુજરાતમાં આ હાઈ-પ્રોફાઇલ આંતરરાષ્ટ્રીય સમિટનું આયોજન થવાનું છે, જેને લઈ રાજ્ય તંત્ર સક્રિય થઈ ગયું છે.
BRICS દેશોની હાઈ લેવલ બેઠકમાં વડાપ્રધાન નરેન્દ્ર મોદી હાજર રહે તેવી સંભાવના
માહિતી મુજબ, આગામી 11 અને 12 મે દરમિયાન ગાંધીનગરમાં બેઠક યોજાવાની શક્યતા છે. આ મહત્વપૂર્ણ બેઠક શહેરની લીલા હોટલમાં યોજાશે, જ્યાં વિવિધ દેશોના પ્રતિનિધિઓ હાજરી આપશે. વડાપ્રધાન નરેન્દ્ર મોદી પણ આ બેઠકમાં હાજર રહે તેવી સંભાવના વ્યક્ત કરવામાં આવી રહી છે.
બેઠક દરમિયાન વૈશ્વિક સ્તરના મહત્વના મુદ્દાઓ પર વિસ્તૃત ચર્ચા થશે. તેમાં ગ્લોબલ પોલિસી ડાયરેકશન, આર્થિક સહકાર, ટેક્નોલોજી અને ઇનોવેશન સાથે સાથે વિકાસ નીતિઓ જેવા વિષયો પર મન્થન કરવામાં આવશે.
આંતરરાષ્ટ્રીય મહાનુભાવોની હાજરીને ધ્યાનમાં રાખીને સુરક્ષા અને પ્રોટોકોલ અંગે ખાસ તૈયારી શરૂ કરવામાં આવી છે. ઉપરાંત, વિદેશી પ્રતિનિધિઓના સ્વાગત માટે પણ વિશેષ આયોજન હાથ ધરવામાં આવ્યું છે.
