Ahmedabad News:અમદાવાદમા (Ahmedabad) એક જ રાતમાં બે અલગ અલગ હત્યાઓથી શહેર હચમચી ઉઠ્યું હતું.સુરતમાં (Surat) સગા બનેવીએ જ પત્ની અને સાળાની હત્યા (Murder) કરવાની ઘટના બની હતી. આ સાથેજ અમદાવાદમા પણ શહેરની સૌથી મોટી અને સંવેદનશીલ ગણાતી અસારવા સિવિલ હોસ્પિટલના પાર્કિંગમાં એક યુવાનની ક્રૂરતાથી હત્યા કરવામાં આવી હતી. આ ઘટના બાદ, હોસ્પિટલ વિસ્તારમાં ભયનું વાતાવરણ છવાઈ ગયું છે.અસારવા સિવિલ હોસ્પિટલના પાર્કિંગમાં હત્યા કરાયેલા યુવાનની ઓળખ સુરેશ ભીલ તરીકે થઈ છે. અહેવાલો અનુસાર, હત્યારાઓએ સુરેશ ભીલની હત્યા ફક્ત એટલા માટે કરી હતી કારણ કે તે “ગામની મુલાકાતે આવ્યો હતો”. તેઓએ તેને તીક્ષ્ણ હથિયારથી છરીના ઘા મારીને હત્યા કરી હતી.
તે જ રાત્રે, શહેરના રાણીપ વિસ્તારમાં બીજી એક હત્યા થઈ હતી, જ્યાં એક યુવાનની પણ છરીના ઘા મારીને હત્યા કરવામાં આવી હતી. એક જ રાતમાં એક જ શહેરમાં બે હત્યાઓએ પોલીસ વિભાગમાં આઘાત પહોંચાડ્યો છે, અને ગુનેગારોને પકડવા માટે અલગ અલગ ટીમો તૈનાત કરવામાં આવી છે.
અમદાવાદ શહેરના મધ્યમાં આવેલા સિવિલ હોસ્પિટલ જેવા કથિત સુરક્ષિત વિસ્તારમાં થયેલી હત્યાઓ સુરક્ષાની નોંધપાત્ર નિષ્ફળતા દર્શાવે છે. જ્યારે પોલીસ તંત્ર જનતાના જાન-માલનું રક્ષણ કરવાની જવાબદારી ધરાવે છે, ત્યારે એક જ રાત્રિમાં બે હત્યાઓ કાયદો અને વ્યવસ્થા માટે મોટો ખતરો છે. આ ઘટનાઓ બાદ, પોલીસ કમિશનરે ગુનેગારોની તાત્કાલિક ધરપકડ કરવા અને શહેરમાં રાત્રિ પેટ્રોલિંગ વધારવાના આદેશ આપ્યા છે. હવે નાગરિકોમાં સુરક્ષાની ભાવના પુનઃસ્થાપિત કરવા માટે પોલીસ તંત્રએ કડક પગલાં લેવા જરૂરી છે.
આ પણ વાંચોઃ વૃદ્ધ દંપતીની કરપીણ હત્યા, છોટાઉદેપુરમાં બની ડબલ મર્ડરની ઘટના
આ પણ વાંચોઃ દર્દીની પત્નીના મોહમાં આવેલા ડોક્ટરની હત્યા, હુમલાખોરો દ્વારા હુમલો અને ફોન અકસ્માતમાં ઘાયલ
આ પણ વાંચોઃ કચ્છમાં હવે કાયદાનો ડર રહ્યો નથી : અંજારના ગંગાનાકે ભરબજારે યુવાનની હત્યા
