પૂર્વ વડા પ્રધાન મનમોહન સિંહના મીડિયા સલાહકાર રહેલા સંજય બરુ લોકડાઉન દરમિયાન ઓનલાઇન છેતરપિંડીનો શિકાર બન્યા હતા. સંજયે ઓનલાઇન દારૂ મંગાવ્યો હતો, ત્યારબાદ ઓનલાઈન પેમેન્ટ દરમિયાન સંજયના ખાતામાંથી 24 હજાર રૂપિયા ઉપાડવામાં આવ્યા હતા.
કોરોના વાયરસના ફેલાવાને રોકવા માટે, કેન્દ્ર સરકારે લોકડાઉનની જાહેરાત કરી હતી, જેમાં જરૂરી માલની ઉપલબ્ધતા સિવાય બધું જ બંધ કરવામાં આવ્યું હતું, અને આ દરમિયાન દારૂની દુકાનો પણ બંધ કરવામાં આવી હતી. આવી સ્થિતિમાં સાયબર ક્રિમિનલ્સએ ઓનલાઇન લીકર અને વાઇન શોપ બનાવીને સોશિયલ મીડિયા પર એક પેજ બનાવ્યું અને તેમાં ઘણા લોકોના ખિસ્સા ખાલી કર્યા હતા. આવા સાયબર ક્રાઈમ નો ભોગ બનેલા સંજય બરુ હતા, જે પૂર્વ વડા પ્રધાન મનમોહન સિંહના મીડિયા સલાહકાર હતા.
લોકડાઉન દરમિયાન સંજય બરૂ ઇન્ટરનેટ પર ઓનલાઇન દારૂની દુકાનની શોધ કરી રહ્યા હતા. ગૂગલ પર સર્ચ કરતા સંજયને ફેસબુક પર La Cave Wine shop. નામનું એક પૃષ્ઠ મળ્યું હતું. સંજયે પેજ પર લખેલા નંબર પર ફોન કરીને દારૂનો ઓનલાઈન ઓર્ડર આપ્યો હતો. ઓનલાઇન દારૂ વેચવાનો દાવો કરનારાઓએ ઓનલાઈન ચૂકવણી કરવાનું કહ્યું હતું. ઓનલાઇન ચુકવણી દરમિયાન સંજયના ખાતામાંથી 24 હજાર રૂપિયા ઉપાડી લીધા હતા અને ત્યારબાદ સાઇબર ક્રિમિનિલે છેતરપિંડી કર્યા બાદ તેનો ફોન બંધ કરી દીધો હતો.
સંજયે આ અંગે દિલ્હીના હૌજ ખાસ પોલીસ સ્ટેશનમાં ફરિયાદ કરી હતી. તપાસમાં સાયબર ક્રિમિનલે બનાવટી નામના સરનામે બેંક ખાતું ખોલ્યું હોવાનું બહાર આવ્યું છે. ટેકનીકલ ટીમ દ્વારા દિલ્હી પોલીસ દ્વારા તપાસ શરૂ કરવામાં આવી હતી. તપાસમાં બહાર આવ્યું છે કે આ સાયબર ક્રિમીનલ ભરતપુરના ના રહેવાસી છે.
છેતરપિંડી બાદ પોલીસ તેમની પાસે પહોંચી શકે નહિ માટે તેઓ અન્ય રાજ્યોના સીમકાર્ડ અને બેંક ખાતાઓનો ઉપયોગ કરતા હતા. તેઓએ આસામ, મહારાષ્ટ્ર, પંજાબ અને રાજસ્થાનમાં વધુ સીમકાર્ડ અને બેંક એકાઉન્ટનો વધુ ઉપયોગ કર્યો હતો .
જ્યારે દિલ્હી પોલીસના સાયબર સેલે ઊંડાણપૂર્વક તપાસ કરી ત્યારે જાણવા મળ્યું કે સંજય સાથે જે પૈસાની છેતરપિંડી કરવામાં આવી હતી તે પૈસા પંજાબ નેશનલ બેંકમાં ટ્રાન્સફર કરવામાં આવ્યા હતા. ખાતાધારકનું નામ આકિબ જાવેદ હતું અને સરનામું ભરતપુર, રાજસ્થાનનું હતું. દિલ્હી પોલીસની ટીમે આકીબના ભરતપુરના ઘરે દરોડો પાડી તેની ધરપકડ કરી હતી.
પોલીસે આરોપીની ધરપકડ કરી હતી
પૂછપરછ દરમિયાન આકિબે કહ્યું હતું કે તે અને તેના સાથીઓ અન્ય રાજ્યોના બનાવટી નામના સરનામે સીમકાર્ડ લેતા હતા અને ત્યારબાદ જુદા જુદા રાજ્યોના લોકોને ફોન કરતા હતા અને પોતાનો શિકાર બનાવતા હતા. આ લોકો 5 થી 10 મિનિટમાં 3 થી 4 બેંક ખાતાઓ અથવા અન્ય રાજ્યોના મની વોલેટમાં પૈસા ટ્રાન્સફર કરતા હતા. તે પછી, તેઓ પૈસા તેમના પોતાના ખાતામાં ટ્રાન્સફર કરતા હતા. જ્યાંથી તેઓ પૈસા ઉપાડી શકે. પોલીસ તેઓ સુધી સરળતાથી પહોંચી ન શકે તેવું આયોજન સાથે તેઓ બધું જ કરતા.
આશ્ચર્યની વાત એ છે કે આંખ મીંચીને ભણેલા લોકોના બેંક ખાતા સાફ કરનારા સાયબર ક્રિમિનલ અકીબ જાવેદ પોતે 8 મો પાસ છે અને ઓલા કેબમાં ડ્રાઇવર છે. ઝડપી પૈસા કમાવવા માટે તે સાયબર ક્રિમિનલના સંપર્કમાં આવ્યો અને ત્યારબાદ છેતરપિંડી શરૂ કરી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
