National Politics 2026: કલકત્તા હાઈકોર્ટે તૃણમૂલ કોંગ્રેસ (TMC) ના વરિષ્ઠ નેતા અને સાંસદ અભિષેક બેનર્જીને(Abhishek Banerjee) એક મોટી રાહત આપી છે. કોર્ટે તેમની સામે નોંધાયેલી એફઆઈઆર (FIR) અંતર્ગત હાલ પૂરતી કોઈ પણ પ્રકારની કડક પોલીસ કાર્યવાહી કરવા પર રોક લગાવી દીધી છે. આ સમગ્ર મામલો પશ્ચિમ બંગાળ વિધાનસભા ચૂંટણી પ્રચાર દરમિયાન કેન્દ્રીય ગૃહમંત્રી અમિત શાહ વિરુદ્ધ કથિત રીતે ભડકાઉ નિવેદન આપવા સાથે જોડાયેલો છે.
હાઈકોર્ટમાં કરી હતી રદ કરવાની માંગ(Abhishek Banerjee)
પશ્ચિમ બંગાળ વિધાનસભા ચૂંટણી દરમિયાન આપવામાં આવેલા કથિત નિવેદનોને લઈને અભિષેક બેનર્જી(Abhishek Banerjee) વિરુદ્ધ પોલીસ ફરિયાદ દાખલ કરવામાં આવી હતી. આ એફઆઈઆરને રદ કરાવવાની માંગ સાથે તેમણે સોમવારે કલકત્તા હાઈકોર્ટના દરવાજા ખખડાવ્યા હતા. હાઈકોર્ટે આ મામલે સુનાવણી હાથ ધરીને તૃણમૂલ સાંસદને વચગાળાની રાહત આપી છે અને આગામી આદેશ સુધી પોલીસને કોઈ આકરાં પગલાં ન લેવા જણાવ્યું છે.
ચૂંટણી પરિણામોના બીજા જ દિવસે નોંધાઈ હતી FIR
પશ્ચિમ બંગાળ પોલીસ દ્વારા અભિષેક બેનર્જી(Abhishek Banerjee) વિરુદ્ધ આ એફઆઈઆર ચૂંટણી પરિણામો જાહેર થયાના બીજા જ દિવસે એટલે કે 5 મે ના રોજ નોંધવામાં આવી હતી. આ કેસ ઉત્તર 24 પરગણા જિલ્લાના બિધાનનગર પોલીસ કમિશનરેટ અંતર્ગત આવતા બાગુઈઆટી પોલીસ સ્ટેશનમાં દાખલ કરાયો હતો. સામાજિક કાર્યકર્તા રાજીવ સરકાર દ્વારા આ ફરિયાદ નોંધાવવામાં આવી હતી. ફરિયાદમાં આરોપ મૂકવામાં આવ્યો હતો કે અભિષેક બેનર્જીએ(Abhishek Banerjee) ચૂંટણી સભાઓમાં ગૃહમંત્રી અમિત શાહ પર ભડકાઉ ટિપ્પણીઓ કરી હતી, જેનાથી જાહેર વ્યવસ્થા અને કોમી સૌહાર્દ બગડવાની આશંકા હતી.
બંગાળ ચૂંટણીમાં જોવા મળી હતી તીખી રાજકીય લડાઈ
પશ્ચિમ બંગાળમાં આ વખતની વિધાનસભા ચૂંટણી અત્યંત ગરમાગરમી અને આક્રમક રાજકીય માહોલમાં સંપન્ન થઈ છે. ચૂંટણી પ્રચાર દરમિયાન તૃણમૂલ કોંગ્રેસ, ભાજપ, કોંગ્રેસ અને ડાબેરી પક્ષોના નેતાઓ વચ્ચે ભારે શાબ્દિક યુદ્ધ જોવા મળ્યું હતું. ખાસ કરીને આ વખતે ભાજપ અને ટીએમસી વચ્ચેનો મુકાબલો ઘણો આક્રમક રહ્યો હતો. આ ચૂંટણીમાં ભાજપે શાનદાર પ્રદર્શન કરીને રાજ્યમાં પહેલીવાર પોતાના મુખ્યમંત્રી બનાવવામાં સફળતા મેળવી છે, જ્યારે બીજી તરફ 15 વર્ષ સુધી સત્તા પર રહેલી તૃણમૂલ કોંગ્રેસની આ ચૂંટણીમાં કારમી હાર થઈ છે.
આ પણ વાંચો: ગુજરાતમાં ફરી માથુ ઉચકતો કોરોના, દર્દીઓની વધતી જતી સંખ્યા
આ પણ વાંચો: શું દુનિયામાં નવો વાઇરસ ફેલાઈ રહ્યો છે? જાપાને કેમ રાષ્ટ્રીય મહામારી જાહેર કરી
આ પણ વાંચો: કેન્સરના દર્દીઓની સારવાર કરે છે કોરોના વાઇરસ!
