Banaskantha News : બનાસકાંઠાના થરાદના વળાદરા ગામમાં ડેરીને લઈને મામલો ગરમાયો છે. જેને લઈને પશુપાલકો ડેરી આગળ ધરણા પર બેઠા છે. જેમાં મોટી સંખ્યામાં પશુપાલકો ડેરીને તાળા મારવા તૈયાર થયા છે. પશુપાલકો દ્વારા ચેરમેન અને સદસ્યો પર ગેરરીતિનાં આક્ષેપ કરવામાં આવ્યા છે.
તેમણે સાધારણ સભા ભરી યોગ્ય નફો આપવાની માંગણી કરી છે. બીજીતરફ પરિસ્થિતિ વણસતા થરાદ પોલીસ પણ ઘટના સ્થળે પહોંચી ગઈ છે. પશુપાલકોએ જ્યાં સુધી ન્યાય ન મળે ત્યાં સુધી ધરણા ચાલુ રહેશે, એવી ચિમકી ઉચ્ચારી છે.
