CBSE બોર્ડની પરીક્ષામાં ભાગ લેવા માટે દેશભરનાં લાખો વિદ્યાર્થીઓ ઘણા સમયથી પરીક્ષાની તારીખોની રાહ જોઈ રહ્યા હતા. CBSE 10 અને 12 ની વર્ગ બોર્ડની પરીક્ષાઓની તારીખની જાહેરાત કરવામાં આવી છે. 10 મા અને 12 મા વર્ગની બોર્ડની પરીક્ષાઓ 1 જુલાઇથી 15 જુલાઇની વચ્ચે લેવામાં આવશે. માનવ સંસાધન વિકાસ મંત્રી રમેશ પોખરીયલ નિશક એ ટ્વીટ કરીને આ અંગે માહિતી આપી છે.
એચઆરડી મંત્રીએ ટ્વીટ કર્યું, “લાંબા સમયથી CBSE ની 10 મી અને 12 મી પરીક્ષાઓની તારીખની રાહ જોવાતી હતી. હવે આ પરીક્ષાઓની તારીખ 1.07.2020 થી 15.07.2020 ની વચ્ચે નક્કી કરવામાં આવી છે. હુ આ પરીક્ષામાં ભાગ લેનાર તમામ વિદ્યાર્થીઓને મારી શુભેચ્છાઓ પાઠવુ છુ.” આ સાથે મંત્રીએ ફરી એકવાર સ્પષ્ટ કર્યું કે 10 વર્ગની પરીક્ષાઓ માત્ર ઉત્તર પૂર્વ દિલ્હીનાં વિદ્યાર્થીઓ માટે જ હશે.
આપને જણાવી દઈએ કે, સીબીએસઇ બોર્ડ ફક્ત 29 મુખ્ય વિષયોની પરીક્ષાઓનું આયોજન કરશે, જે પ્રમોશન અને અંડરગ્રેજ્યુએટ અભ્યાસક્રમોમાં પ્રવેશ માટે જરૂરી છે. બોર્ડની પરીક્ષા ફક્ત 12 મા વર્ગનાં વિદ્યાર્થીઓને આપવાની રહેશે. પૂર્વી દિલ્હીનાં તોફાનોથી પ્રભાવિત વિદ્યાર્થીઓને જ ધોરણ 10 ની પરીક્ષાઓ આપવાની રહેશે. અન્ય જગ્યાઓનાં વિદ્યાર્થીઓએ બાકીની 10 મા ની પરીક્ષા આપવી પડશે નહીં.
10वीं की बची हुई परीक्षाएं सिर्फ उत्तर पूर्वी दिल्ली क्षेत्र के लिए ही होंगी।
@PMOIndia @HMOIndia@HRDMinistry @PIB_India @MIB_India@DDNewslive @cbseindia29 @SanjayDhotreMP
— Dr Ramesh Pokhriyal Nishank (@DrRPNishank) May 8, 2020
આ વિષયોની વર્ગ 10 ની પરીક્ષાઓ રહેશે
વર્ગ 10 ની પરીક્ષાઓ પૂર્વ દિલ્હીની શાળાઓમાં હિન્દી કોર્સ એ, હિન્દી કોર્સ બી, અંગ્રેજી કોમ્યુનિકેશન, અંગ્રેજી ભાષા અને સાહિત્ય, વિજ્ઞાન અને સામાજિક વિજ્ઞાન વિષયો માટે આયોજીત કરવામાં આવશે.
આ પરીક્ષાઓ વર્ગ 12 માટે યોજવામાં આવશે
પૂર્વ દિલ્હી સ્થિત શાળાઓમાં 12 માં ધોરણ માટે અંગ્રેજી ઇલેક્ટિવ-એન, અંગ્રેજી ઇલેક્ટિવ-સી, અંગ્રેજી કોર, ગણિત, અર્થશાસ્ત્ર, જીવવિજ્ઞાન, રાજકીય વિજ્ઞાન, ઇતિહાસ, ભૌતિકશાસ્ત્ર, એકાઉન્ટ્સ અને રસાયણશાસ્ત્રની પરીક્ષાઓ લેવામાં આવશે.
દેશનાં બાકીનાં ભાગમાં, વર્ગ 12 ની પરીક્ષાઓ બિઝનેસ સ્ટડી, ભૂગોળ, હિન્દી (વૈકલ્પિક, કોર), હોમ સાયન્સ, સોશિયોલોજી, કમ્પ્યુટર સાયન્સ (જૂનું), કમ્પ્યુટર સાયન્સ (નવું) માટે લેવામાં આવશે.
વળી આઈઆઈટી પ્રવેશ પરીક્ષા અથવા જેઇઇ એડવાન્સ પરીક્ષાની તારીખ પણ જાહેર કરવામાં આવી છે. આ પરીક્ષા 23 ઓગસ્ટે યોજાશે. માનવ સંસાધન વિકાસ મંત્રી રમેશ પોખરીયલ નિશાંકે આ અંગે માહિતી આપી હતી. વળી જેઇઇ મુખ્ય પરીક્ષા 18 જુલાઈથી 23 જુલાઇની વચ્ચે લેવામાં આવશે. માનવ સંસાધન વિકાસ મંત્રી રમેશ પોખરિયાલે મંગળવારે વેબિનાર દરમિયાન જેઇઇ મેઈન અને એનઈઈટી પરીક્ષા વિશે માહિતી આપી હતી. તેમણે જણાવ્યું હતું કે, JEE મેઈન પરીક્ષા 18 જુલાઇથી 23 જુલાઇની વચ્ચે લેવામાં આવશે અને NEET ની પરીક્ષા 26 જુલાઇએ લેવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
