ભારતીય વાયુસેનાનું એક વરિષ્ઠ સંરક્ષણ અધિકારીઓનું હેલિકોપ્ટર બુધવારે તમિલનાડુના નીલગીરી જિલ્લામાં કુન્નુર પાસે ક્રેશ થયું હતું. ચીફ ઓફ ડિફેન્સ સ્ટાફ (CDS) બિપિન રાવત, તેમની પત્ની મધુલિકા રાવત, સંરક્ષણ સહાયકો, સુરક્ષા કમાન્ડો અને IAF પાઇલોટ જે હેલિકોપ્ટર ક્રેશ થયું તેમાં સવાર હતા.હાલ ઇન્ડિયન એરફોર્સે ટ્વિટ કરીને બિપિન રાવતના મોતની પુષ્ટી કરી છે.હેલિકોપ્ટરની દુર્ઘટનામાં બિપિન રાવતનું મોત થયું છે્.
સમાચાર એજન્સી ANI દ્વારા સૂત્રોને ટાંકીને નવીનતમ અપડેટ જણાવે છે કે તમિલનાડુમાં સૈન્ય હેલિકોપ્ટર દુર્ઘટનામાં સામેલ 14માંથી 13 જવાનોના મોતની પુષ્ટિ થઈ છે. તેણે કહ્યું કે ડીએનએ પરીક્ષણ દ્વારા મૃતદેહોની ઓળખની પુષ્ટિ કરવામાં આવશે.હેલિકોપ્ટરમાં 14 લોકો સવાર હતા, જેમાં બ્રિગેડિયર એલએસ લિડર, લેફ્ટનન્ટ કર્નલ હરજિન્દર સિંઘ, એનકે ગુરસેવક સિંઘ, એનકે જિતેન્દ્ર કેઆર, એલ/નાઈક વિવેક કુમાર, એલ/નાઈક બી સાઈ તેજા અને હવ સતપાલનો સમાવેશ થાય છે.
દુર્ઘટનાની પુષ્ટિ કરતા, ભારતીય વાયુસેનાએ ટ્વીટ કર્યું, “એક IAF Mi-17V5 હેલિકોપ્ટર, બોર્ડમાં સીડીએસ જનરલ બિપિન રાવત સાથે, આજે તામિલનાડુના કુન્નુર પાસે અકસ્માતનો ભોગ બન્યા. અકસ્માતનું કારણ જાણવા માટે તપાસનો આદેશ આપવામાં આવ્યો છે.
