Breaking News: વિધાનસભાના ચોમાસુ સત્રમાં ઉપસ્થિત રહેવા માટે હંગામી જામીનની માંગ કરનાર ધારાસભ્ય ચૈતર વસાવા (Chaitar Vasava)ને ગુજરાત હાઇકોર્ટે રાહત આપી છે. હાઇકોર્ટે તેમને જેલમાંથી મુક્ત થયા બાદ 7 દિવસ માટે હંગામી જામીન મંજૂર કર્યા છે. ચૈતર વસાવા હાલમાં ફોરેસ્ટ કર્મચારીઓ પર હુમલાના કેસમાં વડોદરાની જેલમાં સજા ભોગવી રહ્યા છે. આ કેસમાં નર્મદા કોર્ટે તેમને કુલ 7 વર્ષની કેદની સજા ફટકારી હતી.
વિધાનસભા સત્રમાં હાજરી માટે માંગ્યા હતા જામીન
ચૈતર વસાવા (Chaitar Vasava)એ વિધાનસભાના ચોમાસુ સત્રમાં હાજરી આપવા માટે કોર્ટ સમક્ષ હંગામી જામીનની માંગ કરી હતી. તેમની અરજી પર સુનાવણી દરમિયાન સરકારી પક્ષે હંગામી જામીનનો સમયગાળો સત્ર પૂરતો મર્યાદિત રાખવાની રજૂઆત કરી હતી. સરકારી વકીલે કોર્ટમાં જણાવ્યું હતું કે વિધાનસભાનું સત્ર ત્રણ દિવસનું હોવાથી ચૈતર વસાવાને પણ માત્ર ત્રણ દિવસના જામીન આપવામાં આવે. આ ઉપરાંત તેઓ આ સમયગાળા દરમિયાન કોઈપણ પ્રકારની રાજકીય પ્રવૃત્તિમાં જોડાય નહીં અને મીડિયા સમક્ષ નિવેદન ન આપે તેવી શરતો મૂકવાની રજૂઆત કરવામાં આવી હતી.
ગાંધીનગર છોડવા પર પ્રતિબંધ
હાઇકોર્ટે ચૈતર વસાવા (Chaitar Vasava)ને 7 દિવસના હંગામી જામીન આપ્યા છે, પરંતુ તેની સાથે કેટલીક શરતો પણ નક્કી કરી છે. કોર્ટના આદેશ મુજબ તેઓ આ સમયગાળા દરમિયાન ગાંધીનગર છોડી શકશે નહીં. આ ઉપરાંત ચૈતર વસાવા જાહેરમાં લોકોને સંબોધિત કરી શકશે નહીં અને મીડિયા સાથે વાતચીત કે સંબોધન પણ કરી શકશે નહીં. આમ, હાઇકોર્ટે તેમને વિધાનસભા સત્રમાં હાજરી આપવા માટે મર્યાદિત સમયની રાહત આપી છે.
સજા ભોગવી રહ્યા છે Chaitar Vasava
ચૈતર વસાવા ફોરેસ્ટ કર્મચારીઓ પર હુમલાના કેસમાં દોષિત ઠર્યા બાદ વડોદરાની જેલમાં સજા ભોગવી રહ્યા છે. નર્મદા કોર્ટે આ કેસમાં તેમને 7 વર્ષની કેદની સજા સંભળાવી હતી. હવે હાઇકોર્ટના હંગામી જામીનના આદેશ બાદ તેઓ જેલમાંથી બહાર આવીને વિધાનસભાના ચોમાસુ સત્રમાં હાજરી આપી શકશે. જોકે, કોર્ટ દ્વારા નક્કી કરવામાં આવેલી શરતોનું પાલન કરવું તેમના માટે ફરજિયાત રહેશે.
આ પણ વાંચો:ચૈતર વસાવાની પેરોલ અરજી પર હાઇકોર્ટનો કડક નિર્ણય, અરજી પાછી ખેંચવાની આવી નોબત
આ પણ વાંચો:ચૈતર વસાવાને હાઈકોર્ટમાંથી મોટો ઝટકો, બંને અરજીઓ ફગાવાઈ; ધારાસભ્ય પદ પર સંકટ
આ પણ વાંચો:ચૈતર વસાવાની જામીન અરજીનો સરકારનો વિરોધ, હાઇકોર્ટમાં 12 કેસનું લિસ્ટ રજૂ
