જો તમારે મોબાઇલ ફોન, લેપટોપ, બ્લૂટૂથ ઇયરફોન, સ્પીકર અથવા અન્ય ગેજેટ્સ ચાર્જ કરવા પડે તો તમે શું કરશો? મોટે ભાગે તમે તેને ચાર્જર દ્વારા વીજળીથી ચાર્જ કરશો. કદાચ કેટલાક લોકો કહે છે કે તેઓ બેટરી ચાર્જર અથવા સોલર ચાર્જરથી અથવા પાવર બેંકથી ચાર્જ કરે છે.
પરંતુ શું તમે કલ્પના કરી છે કે તમારો મોબાઇલ, લેપટોપ અથવા અન્ય ગેજેટ્સ હવા દ્વારા ચાર્જ થશે? કોઈ ચાર્જર, પ્લગ, કેબલ અથવા યુએસબી પોર્ટની જરૂર નથી. શું તમે કલ્પના કરી શકો છો કે રૂમમાં પડેલા આ ગેજેટ્સની બેટરી આપોઆપ ફૂલ થઇ જશે? અશક્ય લાગે છે ને! પરંતુ જાપાનના વૈજ્ઞાનિકોએ તેને શક્ય બનાવ્યું છે!
મોબાઇલ-લેપટોપ હવા દ્વારા ચાર્જ થશે
તમે ઉપર જે વાંચ્યું તે સાચું છે. News.umich.edu ના અહેવાલ મુજબ, જાપાનના વૈજ્ઞાનિકોએ વાયરલેસ ચાર્જિંગ રૂમ બનાવ્યો છે. જેમાં ગેજેટ્સને હવામાંથી ચાર્જ કરવામાં આવશે. તમારા લેપટોપ અને મોબાઇલ ફોન વગેરેને ચાર્જ કરવા માટે તમારે ચાર્જર, પ્લગ, કેબલ વગેરેની જરૂર નહીં પડે. જાપાનની ટોક્યો યુનિવર્સિટીના વૈજ્ઞાનિકોએ 10 બાય 10 ફૂટ વાયરલેસ ચાર્જિંગ રૂમની રચના કરી છે, જે 50 વોટ સુધીની ઉર્જા આપે છે.
વૈજ્ઞાનિકોના જણાવ્યા અનુસાર તેનું પરીક્ષણ કરવામાં આવ્યું છે. નવા વાયરલેસ રૂમ માટે એલ્યુમિનિયમ ટેસ્ટ રૂમ તૈયાર કરવામાં આવ્યો હતો, જેમાં પાવર લેમ્પ, મોબાઈલ ફોન વગેરે રૂમમાં અલગ અલગ જગ્યાએ મૂકીને ચાર્જ કરવામાં આવ્યા હતા.
મનુષ્યો માટે કોઈ ખતરો નથી
વૈજ્ઞાનિકોનું કહેવું છે કે, આ એક સંપૂર્ણપણે નવા પ્રકારની ટેકનોલોજી છે જેના દ્વારા ઇલેક્ટ્રિક ફિલ્ડ વગર ચુંબકીય ક્ષેત્ર પેદા કરી શકાય છે. વિદ્યુત ક્ષેત્ર ઉત્પન્ન થવાથી મનુષ્યને ધ્રુજારી આવી શકે છે, પરંતુ આમાં આવું થશે નહીં. માત્ર ચુંબકીય ક્ષેત્રને કારણે રૂમમાં કોઈ પણ વ્યક્તિ અથવા પ્રાણીને નુકસાન થવાનો ભય રહેશે નહીં. મનુષ્યોને નુકસાન કર્યા વિના ચુંબકીય ક્ષેત્રની માર્ગદર્શિકાને ધ્યાનમાં રાખીને, આ રૂમ 50 વોટ સુધીની શક્તિ પ્રદાન કરી શકે છે.
વાયરલેસ ચાર્જિંગ રૂમનો ખર્ચ
નવો વાયરલેસ ચાર્જિંગ રૂમ વાયરલેસ ચાર્જિંગ પેડની જેમ કામ કરશે. બ્લૂટૂથ ઇયરપોડ્સમાં, તમે જોયું હશે કે ચાર્જિંગ માટે તળિયે ચાર્જિંગ પેડની જરૂર પડે છે, પરંતુ આ નવી ટેક્નોલોજીમાં ખાસ વાત એ છે કે તેને ચાર્જિંગ પેડની પણ જરૂર નથી.
જ્યાં સુધી ખર્ચની વાત છે, વૈજ્ઞાનિકો ના મતે, વાયરલેસ ચાર્જિંગ રૂમ તૈયાર કરવા માટે કેટલો ખર્ચ થશે તે હમણાં કહેવું મુશ્કેલ છે. કારણ એ છે કે આ ટેકનોલોજી હજુ પણ તેના પ્રારંભિક તબક્કામાં છે અને ઘણા ફેરફારોમાંથી પસાર થઈ રહી છે.
તમે કેટલા સમય સુધી ઉપયોગ કરી શકશો?
વૈજ્ઞાનિકોનું માનવું છે કે, આ ટેકનોલોજી હજુ પ્રારંભિક તબક્કામાં છે અને હજુ ઘણું કામ કરવાનું બાકી છે. આવી સ્થિતિમાં સામાન્ય માણસને આ ટેકનોલોજીનો ઉપયોગ કરવામાં થોડા વર્ષો લાગશે. સંશોધકોનું કહેવું છે કે સંશોધનના આગલા તબક્કામાં તેને વધુ સુરક્ષિત બનાવવાના પ્રયાસો કરવામાં આવશે.
વાયરલેસ ચાર્જિંગની નવી ટેકનોલોજી
વાયરલેસ ચાર્જિંગ ટેકનોલોજીને લઈને પણ વિવાદ છે. એક અભ્યાસ મુજબ, વાયરલેસ ચાર્જિંગમાં ચુંબક અને કોઇલનો ઉપયોગ થાય છે. તેનો ઉપયોગ કેટલાક એપલ ઉપકરણોમાં પણ કરવામાં આવ્યો છે. એવું કહેવામાં આવે છે કે તે હૃદયના દર્દીઓમાં સ્થાપિત પેસમેકર અને અન્ય ઉપકરણોને બંધ કરી શકે છે, જે આવા દર્દી માટે જોખમી સાબિત થઇ થઇ શકે છે.
જોકે, આ સંશોધન સાથે સંકળાયેલા સંશોધક એલેન્સન મુજબ, નવી ટેકનોલોજી સાથે આવું થવાનું જોખમ નહિવત છે. વાયરલેસ ચાર્જિંગ રૂમમાં ચુંબકનો કાયમી ઉપયોગ થતો ન હોવાથી, માનવ સ્વાસ્થ્ય માટે કોઈ જોખમ નથી. એલેન્સનના જણાવ્યા અનુસાર, આ ટેકનીકમાં લો-ફ્રીક્વન્સી મેગ્નેટિક ફિલ્ડ બનાવવામાં આવશે, જે ઉપકરણને પાવર ટ્રાન્સફર કરી શકે છે.
Technology / આ વર્ષના અંત સુધીમાં, સેમસંગ બજારમાં સસ્તા 5G ફોન લાવી શકે છે
Safety TIPS / ચાલુ કારે બ્રેક ફેલ થઇ જાય તો શું કરવું? અકસ્માત કેવી રીતે ટાળવો
Technology / ભારત સહિત વિશ્વના ઘણા ભાગોમાં ઇન્સ્ટાગ્રામ ડાઉન, યુઝર્સએ સોશિયલ મીડિયા પર કરી ફરિયાદ
Technology / હવે ટ્વિટર પર અભદ્ર ભાષાનો પ્રયોગ કરવો પડશે મોંઘો, એકાઉન્ટ બ્લોક થઇ શકે છે
Technology / મોબાઈલ ગ્રાહકોની સંખ્યા વસ્તીના આંકડાને પાર, કયા રાજ્યમાં કેટલા મોબાઈલ યુઝર્સ છે ? આવો જાણીએ
