રાજસ્થાનમાં ભારત જોડો યાત્રા ચાલુ છે. કોટા શહેર અને ગ્રામીણ વિસ્તારોમાં યાત્રાનો રૂટ નક્કી કરવામાં આવ્યો છે, તે જ રૂટ પર યાત્રા ચાલી રહી છે. આજે પણ રાહુલ ગાંધીનો ઉત્સાહ એવો જ છે જે પ્રવાસની શરૂઆતથી જ રહ્યો છે. આ ઉત્સાહ અને જોશની સાથે સાથે બીજી એક વાત છે જે લગભગ દરરોજ ચાલુ રહે છે અને તે છે રાહુલ ગાંધીનો બાળકો પ્રત્યેનો પ્રેમ. દરરોજ એક યા બે બાળકને મળતા રાહુલ ગાંધીના ફોટા સામે આવી રહ્યા છે. આજે પણ એવું જ થયું……
કોટાના દરા વિસ્તાર નજીકથી પસાર થતા કેટલાક બાળકો તેમના માતા-પિતા સાથે ચાલી રહ્યા હતા. આ દરમિયાન એક બાળક દોડીને રાહુલ ગાંધી પાસે આવ્યો અને તેમની સાથે વાત કરવા લાગ્યો. એટલામાં ત્યાં વધુ ત્રણ-ચાર છોકરીઓ આવી. રાહુલ તેની સાથે વાત કરવા રોકાઈ ગયા. રાહુલે બાળકોને તેમના નામ અને અભ્યાસ વિશે પૂછ્યું. એ પછી એક છોકરીએ પૂછ્યું કે, અંકલ તમને ઠંડી નથી લાગતી…? આ સાંભળીને રાહુલ ગાંધી હસી પડ્યા અને કહ્યું, “લાગે છે, પરંતુ હાલ નથી લાગતી”.
જે બાદ રાહુલ ગાંધી અને તેમની સાથેના નેતાઓ નજીકના એક ખેડૂતના ઘરે પહોંચ્યા હતા. પશુપાલન કરનારા ખેડૂતના ઘરની છત પર સૌપ્રથમ તૈયારીઓ કરવામાં આવી હતી. ત્યાં રાહુલ ગાંધીએ ચા-નાસ્તો કર્યો અને પછી ખેડૂત સાથે વાત કરી. તેના પરિવારજનો સાથે પણ વાત કરી હતી.
જાણો આજે આ યાત્રામાં કયા કયા નેતાઓ હાજર રહ્યા છે
રાહુલ ગાંધીની કોટાની ચાલુ ભારત જોડો યાત્રા દરમિયાન પ્રદેશ કોંગ્રેસ સમિતિના પ્રમુખ ગોવિંદ સિંહ દોતાસરા, પાર્ટીના રાષ્ટ્રીય સંગઠન મહાસચિવ કેસી વેણુગોપાલ, સચિન પાયલટ, રણદીપ સિંહ સુરજેવાલા અને અન્ય કોંગ્રેસી નેતાઓ હાજર હતા જેઓ રાહુલ ગાંધી સાથે ચાલતા જોવા મળ્યા હતા.
આ પણ વાંચો:રાજધાનીને મળ્યા તેમનો પ્રથમ ટ્રાન્સજેન્ડર કાઉન્સિલર, AAP ઉમેદવાર બોબી સુલતાનપુરીથી જીત્ય
આ પણ વાંચો:જ્યારે ભાજપમાં એન્ટ્રીથી કોંગ્રેસનું ગણિત બગડ્યું,32 વર્ષ પહેલા બંને પક્ષ…
આ પણ વાંચો: RBIએ ફરી આપ્યો ઝટકો, તમામ કાર-હોમ અને પર્સનલ લોન મોંઘી, રેપો રેટમાં 0.35%નો વધારો
