ચીન ટૂંક સમયમાં ઓનલાઇન વિઝા સિસ્ટમ શરૂ કરશે

China News: ચીન જનારા ભારતીયો માટે સારા સમાચાર છે. ચીની દૂતાવાસે ભારતીય નાગરિકો માટે ઓનલાઇન વિઝા પ્રોસેસિંગ મંજૂરી અંગે નોટિસ જાહેર કરી છે.

ભારતમાં ચીનના રાજદૂત ઝુ ફેહોંગે સોમવારે જણાવ્યું હતું કે ભારતમાં ચીની દૂતાવાસ 22 ડિસેમ્બરથી ઓનલાઇન વિઝા એપ્લિકેશન સિસ્ટમ શરૂ કરવા જઈ રહ્યું છે. X પર એક પોસ્ટમાં વિગતો શેર કરતાં તેમણે કહ્યું કે અરજદારો ઓનલાઇન ફોર્મ ભરી શકે છે અને અરજી સામગ્રી ઓનલાઇન અપલોડ કરી શકે છે.

Notice Regarding Online Visa Processing Approval
China Online Visa Application System will be officially launched by the Chinese Embassy in India on December 22, 2025. Applicants could enjoy convenience of filling out the form and uploading application materials online by…
— Xu Feihong (@China_Amb_India) December 8, 2025

ભારતીયોને સાવધાનીની સલાહ

દરમિયાન, શાંઘાઈ એરપોર્ટ પર અરુણાચલ પ્રદેશની એક મહિલાને કથિત રીતે હેરાન કરવામાં આવ્યા બાદ ભારતે સોમવારે તેના નાગરિકોને ચીનની મુસાફરી કરતી વખતે અથવા ત્યાંથી પસાર થતી વખતે સાવચેતી રાખવાની સલાહ આપી હતી.

ચીન ભારતીયોને નિશાન ન બનાવવા જોઈએ

સૂત્રો અનુસાર, ભારતીય અપેક્ષા રાખે છે કે ચીની સત્તાવાળાઓ ખાતરી આપે કે ચીની હવાઇમથકોમાંથી પસાર થતા ભારતીય નાગરિકોને પસંદગીયુક્ત રીતે નિશાન બનાવવામાં આવશે નહીં અને પરેશાન કરવામાં આવશે નહીં. ભારતીય એવી પણ આશા વ્યક્ત કરી હતી કે ચીની સત્તાવાળાઓ આંતરરાષ્ટ્રીય હવાઈ મુસાફરી સંબંધિત નિયમોનું પાલન કરશે.

ભારતીય નાગરિક પેમા વાંગ થોંગડોકે આરોપ લગાવ્યો હતો કે 21 નવેમ્બરે શાંઘાઈ એરપોર્ટ પર ચીની ઇમિગ્રેશન અધિકારીઓએ તેના ભારતીય પાસપોર્ટને માન્યતા આપવાનો ઇનકાર કર્યો હતો કારણ કે તેનું જન્મસ્થળ અરુણાચલ પ્રદેશમાં છે. તેમની 18 કલાક સુધી અટકાયત કરવામાં આવી હતી.