World News : એશિયામાં ચીન અને જાપાન વચ્ચેનો તણાવ ખૂબ જ તીવ્ર બન્યો છે. જાપાનના વડાપ્રધાન સનાએ તાકાઇચીનું નિવેદન આ તણાવનું મૂળ કારણ છે, જો ચીન તાઇવાન સામે સૈન્ય કાર્યવાહી કરે અથવા તો નાકાબંધી કરે, તો જાપાને પ્રતિક્રિયા આપવાની ફરજ પડશે,જેમાં તેમણે આ ચેતવણી આપી હતી. આ નિવેદનને સીધો પડકાર ગણીને ચીને અત્યંત આક્રમક પ્રતિક્રિયા આપી છે.
વિવાદ ત્યારે વધુ વકર્યો જ્યારે ચીનના ઓસાકા કાઉન્સલ જનરલ શુએ જિયાનએ સોશિયલ મીડિયા પર વડાપ્રધાન તાકાઇચી વિરુદ્ધ હિંસક શબ્દો વાપર્યા. તેમણે તો ત્યાં સુધી લખ્યું કે તાકાઇચીનું ‘ગંદુ માથું કાપી નાખવું જોઈએ.’ જોકે આ પોસ્ટ પાછળથી હટાવી દેવામાં આવી, તેમ છતાં આ નિવેદને બંને દેશો વચ્ચેની સ્થિતિને વધુ ભડકાવી દીધી.આર્થિક પ્રતિશોધ ઉપરાંત, ચીને જાપાનને ખુલ્લી ધમકી આપી છે કે જો તે તાઇવાન સાથેના ચીનના એકીકરણના પ્રયાસમાં કોઈપણ પ્રકારનો હસ્તક્ષેપ કરશે, તો તેને હારનો સામનો કરવો પડશે.
આ ધમકી બાદ, ચીને જાપાનની મુસાફરી માટે સેફ્ટી એડવાઇઝરી પણ બહાર પાડી. તેણે તેના નાગરિકોને જાપાન ન જવાની સલાહ આપી, કારણ કે ત્યાં ગંભીર સુરક્ષા જોખમો છે. આ ચેતવણીની જાપાનની અર્થવ્યવસ્થા પર ઝડપી અસર થઈ. તેના પરિણામે, રિટેલ ક્ષેત્રની કંપનીઓ અને પર્યટનના શેરમાં ઘટાડો જોવા મળ્યો. દર વર્ષે આશરે 75 લાખ ચીની પ્રવાસીઓ જાપાનની મુલાકાત લેતા હોવાથી, ચીનની આ ચેતવણી ટોક્યો માટે એક મોટો આર્થિક આંચકો સાબિત થઈ છે.
તેમજ વાતચીત અને નિવેદનો સુધી જ તણાવ માત્ર સીમિત ન રહ્યો. ચીને વિવાદિત દીઆઓ-સેનકાકુ ટાપુઓ નજીક પોતાના ચાર હથિયારબંધ કોસ્ટ ગાર્ડ જહાજો મોકલીને પરિસ્થિતિને વધુ જટિલ બનાવી દીધી. આ ટાપુઓ પર નિયંત્રણ જાપાનનું છે, જોકે ચીન તેને પોતાનો પ્રદેશ માને છે.જાપાને પરિસ્થિતિને હળવી કરવાના પ્રયાસો શરૂ કર્યા છે. જાપાનના વિદેશ મંત્રાલયના અધિકારી મસાઆકી કનાઈ આ માટે, બેઇજિંગ ગયા છે. તેઓ ચીનને ખાતરી આપી રહ્યા છે કે જાપાનની સુરક્ષા નીતિમાં કોઈ બદલાવ આવ્યો નથી અને વડાપ્રધાન તાકાઇચીનું નિવેદન યુદ્ધની ચેતવણી નહોતું.
જોકે, ચીનનું વલણ સખત રહ્યું છે. બેઇજિંગ તાઇવાનને પોતાનો હિસ્સો ગણે છે અને સ્પષ્ટતા કરી છે કે જો જરૂર પડશે, તો તે બળનો ઉપયોગ કરવાથી અચકાશે નહીં. બીજી તરફ, જાપાનની અર્થવ્યવસ્થા પહેલેથી જ દબાણ હેઠળ છે, કારણ કે ત્રીજા ક્વાર્ટરમાં તેના જીડીપીમાં ઘટાડો નોંધાયો છે. ચીનની સતત ધમકીઓ આવી નાજુક સ્થિતિમાં, ટોક્યો માટે વધુ મુશ્કેલીઓ ઊભી કરી શકે છે.
આ પણ વાંચો:યુક્રેન રશિયા યુદ્ધ પછી વધી પોલેન્ડની ચિંતા, જાણો કેમ ?
આ પણ વાંચો:રશિયા-યુક્રેન યુદ્ધમાં પુતિન યુદ્ધ બંધ કરવા તૈયાર, પણ,,,
આ પણ વાંચો:ઝેલેન્સકીને આંચકો લાગ્યો, રશિયા યુક્રેન યુદ્ધ, ટ્રમ્પ ફરી કર્યો પક્ષ પલટો! ડોનબાસ પ્રદેશ પર સમર્થન!
