Ahmedabad News: અમદાવાદના જોધપુર ગામ (Jodhpur Village Ahmedabad) વિસ્તારમાં PG માં રહેતી 23 વર્ષીય યુવતી સાથે દુષ્કર્મની ઘટના (Rape Allegation) સામે આવતા ચકચાર મચી છે. મળતી માહિતી મુજબ, યુવતી ફ્લેટના ધાબા પર હતી તે દરમિયાન ત્યાં ફરજ બજાવતા સિક્યુરિટી ગાર્ડે એકલતાનો લાભ લઈને તેની સાથે દુષ્કર્મ આચર્યું હોવાનું સામે આવ્યું છે. ઘટનાની જાણ થતાં આસપાસના વિસ્તારમાં પણ આ મામલો ચર્ચાનો વિષય બન્યો છે. આરોપી ધર્મસિંહની પોલીસ દ્વારા ધરપકડ કરાઈ છે.

Rape Allegation: પરિવારને જાણ કર્યા બાદ પોલીસનો સંપર્ક

ઘટના બાદ યુવતીએ સમગ્ર મામલે પોતાના પરિવારજનોને જાણ કરી હતી. પરિવારજનોએ યુવતી સાથે આનંદનગર પોલીસ સ્ટેશનનો સંપર્ક કરીને સિક્યુરિટી ગાર્ડ વિરુદ્ધ ફરિયાદ (Security Guard Crime) નોંધાવી હતી. ફરિયાદ મળ્યા બાદ પોલીસે ગંભીરતાથી તપાસ શરૂ કરી છે અને ઘટનાની હકીકત જાણવા માટે જરૂરી કાયદેસરની કાર્યવાહી હાથ ધરી છે.

CCTV સહિતના પુરાવા એકત્ર કરવામાં આવી રહ્યા છે

પોલીસે સમગ્ર (Anandnagar Police) ઘટનાની તપાસના ભાગરૂપે ફ્લેટ પરિસરમાં લગાવવામાં આવેલા CCTV કેમેરાના ફૂટેજ તપાસવાની પ્રક્રિયા શરૂ કરી છે. બનાવ સમયે આસપાસ હાજર રહેલા લોકોની પૂછપરછ તેમજ સંભવિત સાક્ષીઓના નિવેદનો પણ લેવામાં આવી રહ્યા છે. આ ઉપરાંત આરોપી તરીકે સામે આવેલા સિક્યુરિટી ગાર્ડની પૃષ્ઠભૂમિ અને સિક્યુરિટી એજન્સી દ્વારા કરવામાં આવેલા વેરિફિકેશન અંગે પણ તપાસ કરવામાં આવી રહી છે. ભોગ બનનાર યુવતી મૂળ કચ્છની હોવાનું સામે આવ્યું છે. ઘટનાની જાણ થતાં આનંદનગર પોલીસે તાત્કાલિક કાર્યવાહી હાથ ધરી સિક્યોરિટી ગાર્ડને ઝડપી પાડ્યો છે. પોલીસે આરોપી સામે કાયદેસરની કાર્યવાહી શરૂ કરી વધુ તપાસ હાથ ધરી છે.

યુવતીની તબીબી તપાસ, પોલીસ તપાસ આગળ ધપી

ફરિયાદ બાદ પોલીસે યુવતીને તબીબી તપાસ માટે મોકલી આપી છે. બીજી તરફ, આરોપી સામે કાયદેસરની કાર્યવાહી માટે પોલીસ દ્વારા પુરાવા એકત્રિત કરવામાં આવી રહ્યા છે.

મહિલા સુરક્ષા સામે ફરી સવાલ

પોશ વિસ્તારમાં બનેલી આ ઘટનાએ રહેણાંક વિસ્તારોમાં મહિલાઓની સુરક્ષા અને ખાનગી સિક્યુરિટી વ્યવસ્થાને લઈને પણ સવાલો ઉભા કર્યા છે. ફ્લેટ અને હાઉસિંગ સોસાયટીઓમાં ફરજ બજાવતા સુરક્ષા કર્મચારીઓની યોગ્ય પસંદગી, પોલીસ વેરિફિકેશન અને રહેવાસીઓની સુરક્ષા માટેની વ્યવસ્થાઓ કેટલી અસરકારક છે તે મુદ્દો ફરી ચર્ચામાં આવ્યો છે.

હાલ સમગ્ર મામલે આનંદનગર પોલીસ દ્વારા તપાસ ચાલી રહી છે. પોલીસ તપાસ અને કાયદેસરની પ્રક્રિયા પૂર્ણ થયા બાદ જ ઘટનાની સંપૂર્ણ હકીકત સ્પષ્ટ થશે.

આ પણ વાંચો: વડોદરા SSG હોસ્પિટલમાંથી ફરાર થયેલો દુષ્કર્મનો આરોપી 11 કલાકમાં ઝડપાયો, ક્રાઇમ બ્રાન્ચે છાણી કેનાલ પાસેથી દબોચ્યો

આ પણ વાંચો: ગાંધીનગરમાં 4 વર્ષની માસૂમ પર સગા પિતાનું દુષ્કર્મ, POCSO હેઠળ આરોપીની ધરપકડ

આ પણ વાંચો: દુષ્કર્મ કેસોમાં હવે બદલાશે ચુકાદાની ભાષા, સુપ્રીમ કોર્ટની પેનલે જજ-વકીલો માટે જાહેર કરી નવી માર્ગદર્શિકા