PTC Admission Scam in Gujarat:  ગુજરાતમાં શિક્ષક બનવાની તૈયારી કરી રહેલા હજારો વિદ્યાર્થીઓ માટે ચિંતાજનક સમાચાર સામે આવ્યા છે. રાજ્યમાં PTC એટલે કે D.El.Ed અભ્યાસક્રમમાં પ્રવેશ અને કેટલીક સંસ્થાઓની માન્યતાને લઈને ગંભીર સવાલો ઊભા થયા છે.

આ સમગ્ર મામલો શૈક્ષણિક વર્ષ 2025-26ની પ્રવેશ પ્રક્રિયા સાથે જોડાયેલો છે. દાવો કરવામાં આવી રહ્યો છે કે અગાઉ માન્યતા ગુમાવી ચૂકેલી લગભગ 70 જેટલી PTC સંસ્થાઓને(Admission Scam) વિદ્યાર્થીઓ ફાળવવામાં આવ્યા હતા. એટલું જ નહીં, આ વિદ્યાર્થીઓની પ્રથમ વર્ષની પરીક્ષા પણ લેવામાં આવી અને તેમને માર્કશીટ પણ આપવામાં આવી હોવાના આક્ષેપ છે.

શિક્ષક ભરતીની જાહેરાત બાદ PTCમાં વધ્યો હતો રસ

વર્ષ 2024માં રાજ્ય સરકારે આગામી વર્ષોમાં મોટી સંખ્યામાં શિક્ષકોની ભરતી કરવાની જાહેરાત કરી હતી. આ જાહેરાત બાદ સરકારી શિક્ષક બનવા ઇચ્છતા યુવાનોમાં PTC અભ્યાસક્રમ(Admission Scam) પ્રત્યે ફરી રસ વધ્યો હતો. પરંતુ આ દરમિયાન કેટલીક સંસ્થાઓને લઈને ગંભીર પ્રશ્નો સામે આવ્યા છે. આ સંસ્થાઓ પાસે વિદ્યાર્થીઓને તાલીમ આપવા માટે જરૂરી માન્યતા હતી કે નહીં, તે મુદ્દે હવે તપાસની જરૂરિયાત ઊભી થઈ છે.

માન્યતા રદ થયેલી સંસ્થાઓને વિદ્યાર્થીઓ ફાળવાયા?

શિક્ષક તાલીમ સંસ્થાઓની માન્યતા સાથે જોડાયેલી પ્રક્રિયા NCTE એટલે કે નેશનલ કાઉન્સિલ ફોર ટીચર એજ્યુકેશન દ્વારા કરવામાં આવે છે. સંસ્થાઓ માટે જરૂરી અહેવાલ અને દસ્તાવેજો રજૂ કરવાની પ્રક્રિયા પણ રાખવામાં આવી હતી. કેટલીક સંસ્થાઓએ(Admission Scam) જરૂરી પ્રક્રિયા પૂર્ણ ન કરતાં તેમની માન્યતા રદ કરવામાં આવી હતી. ત્યારબાદ આ નિર્ણય સામે કેટલીક સંસ્થાઓએ કોર્ટનો સંપર્ક કર્યો હતો.

કોર્ટના વચગાળાના આદેશ બાદ કેટલીક અરજદાર સંસ્થાઓને વિદ્યાર્થીઓ ફાળવવામાં આવ્યા હતા. જોકે, આ પ્રક્રિયામાં અગાઉથી માન્યતા ગુમાવી ચૂકેલી અન્ય સંસ્થાઓને પણ વિદ્યાર્થીઓ ફાળવાયા હોવાના ગંભીર આક્ષેપો થઈ રહ્યા છે.

પોર્ટલ પરની માહિતીમાં પણ ગેરરીતિની શંકા

આ મામલામાં NCTEના ડિજિટલ પોર્ટલ પરની માહિતી અંગે પણ સવાલો ઊભા થયા છે. કેટલીક સંસ્થાઓની(Admission Scam) માન્યતા રદ કરવાનો આદેશ પોર્ટલ પરથી દૂર કરીને જૂનો મંજૂરી આદેશ દર્શાવવામાં આવ્યો હોવાની શંકા વ્યક્ત કરવામાં આવી રહી છે. જો તપાસમાં આ આક્ષેપો સાચા સાબિત થાય છે, તો સમગ્ર પ્રક્રિયામાં કયા અધિકારીઓ અને સંસ્થાઓની જવાબદારી હતી તે નક્કી કરવું મહત્વપૂર્ણ બનશે.

વિદ્યાર્થીઓનું ભવિષ્ય સૌથી મોટો પ્રશ્ન

હવે સૌથી મોટી ચિંતા વિદ્યાર્થીઓને લઈને છે. જો કોઈ વિદ્યાર્થીએ નિયમિત પ્રક્રિયા હેઠળ પ્રવેશ (Admission Scam)લીધો હોય, ફી ભરી હોય, એક વર્ષનો અભ્યાસ કર્યો હોય અને પરીક્ષા પણ આપી હોય, પરંતુ ભવિષ્યમાં તેની સંસ્થા અથવા ડિગ્રી અમાન્ય જાહેર થાય, તો તેની જવાબદારી કોની રહેશે? ખાસ કરીને આગામી સમયમાં જ્યારે શિક્ષક ભરતી માટે દસ્તાવેજોની ચકાસણી થશે, ત્યારે જો આવા વિદ્યાર્થીઓના પ્રમાણપત્ર અંગે કોઈ પ્રશ્ન ઊભો થશે તો તેમની મહેનત અને ભવિષ્ય બંને પર અસર પડી શકે છે.

સરકાર સામે તપાસની માંગ

આ સમગ્ર મામલે હવે સરકાર અને સંબંધિત શિક્ષણ વિભાગે સ્પષ્ટતા કરવી જરૂરી છે કે આ સંસ્થાઓને વિદ્યાર્થીઓ કયા આધારે ફાળવવામાં આવ્યા હતા અને તેમની માન્યતાની સ્થિતિ શું હતી. સાથે જ, જો કોઈ અધિકારી કે સંસ્થા દ્વારા નિયમોનો ભંગ કરવામાં આવ્યો હોય તો તેની જવાબદારી નક્કી થવી જોઈએ. કારણ કે આ સમગ્ર મામલામાં સૌથી મહત્વપૂર્ણ મુદ્દો સંસ્થાઓ નહીં, પરંતુ હજારો વિદ્યાર્થીઓનું ભવિષ્ય છે. વિદ્યાર્થીઓએ નિયમોનું પાલન કરીને પ્રવેશ લીધો હોય તો કોઈ વહીવટી ગેરરીતિની (Admission Scam)અસર તેમના શિક્ષણ અને આવનારી નોકરીની તકો પર ન પડે તે સુનિશ્ચિત કરવું સરકારની સૌથી મોટી જવાબદારી બને છે.

આ પણ વાંચો:ગુજરાતમાં ભારે વરસાદની અસર: GSSSBએ 24 જુલાઈની 5 વર્ગ-3 ભરતી પરીક્ષાઓ મોકૂફ રાખી

આ પણ વાંચો:ગુજરાતભરની RTOમાં સારથી પોર્ટલ 5 દિવસથી ઠપ: કંડક્ટર ભરતીના ઉમેદવારો મુશ્કેલીમાં, સોમવાર સુધી સેવા પ્રભાવિત

આ પણ વાંચો:ગુજરાતમાં જ્ઞાન સહાયક ભરતીના નિયમોમાં મોટો ફેરફાર, હવે 48 વર્ષની ઉંમર સુધી કરી શકાશે અરજી