કેરળના કોઝિકોડમાં વિમાન દુર્ઘટનામાં અત્યાર સુધીમાં 18 લોકોનાં મોત નીપજ્યાં છે. તે જ સમયે 149 લોકોને હોસ્પિટલમાં દાખલ કરવામાં આવ્યા છે. બીજી તરફ શુક્રવારે 35 વર્ષીય શરાફુ પિલાસરી પત્ની અને બાળક સાથે દુબઈથી કેરળ પાછા આવી રહ્યો હતો. તે જ સમયે, પીલાસરીનું નામ પણ મૃતકોની યાદીમાં નોંધાયું હતું. પીલાસરી મૂળ કેરળના કુન્નમંગલમનો વતની હતો અને તે તેની પત્ની અમીના શેરીન અને પુત્રી ઇસા ફાતિમા સાથે દુબઈમાં રહેતો હતો, જ્યાં તે કામ કરતો હતો. દુબઇ અને ભારત વચ્ચે વંદે ભારત મિશનની સ્વદેશ વિમાન માટેની ટિકિટ મેળવવામાં સફળ થયો હતો. મેડિકલ ઇમરજન્સીને કારણે તે ઘરે પરત આવી રહ્યા હતા.
પીલાસરી ઘરે પાછા ફરવા માટે ઉત્સાહિત હતા
તેમની સોશ્યલ મીડિયા પોસ્ટમાં જણાવાયું છે કે પીલાસરી ઘરે પાછા ફરવા માટે ઉત્સાહિત છે. આ સાથે તેણે ફેસબુક પર એક અપડેટ પણ પોસ્ટ કર્યું. તેમણે વિમાન ક્રેશ થવાના થોડા કલાકો પહેલાં જ લખ્યું હતું – “બેક ટૂ હોમ”. આ દુર્ઘટના બાદ ઘણા લોકો તેમના પરિવાર પ્રત્યે સંવેદના વ્યક્ત કરી છે
નોધનીય છે કે, કેરળના કોઝિકોડમાં વિમાન દુર્ઘટનાથી બધા જ દુખી છે. પીએમ મોદી સહિત ઘણા નેતાઓએ દુખ વ્યક્ત કર્યું છે. આ સાથે જ નાગરિક ઉડ્ડયન મંત્રી હરદીપસિંહ પુરીએ પણ આ ઘટના અંગે નિવેદન આપ્યું છે. તેમણે કહ્યું કે વિમાનમાં 190 લોકો સવાર હતા. જેમાંથી 18 લોકોનાં મોત નીપજ્યાં હતાં. 149 ઘાયલોને હોસ્પિટલમાં દાખલ કરવામાં આવ્યા છે. જેમાંથી 23 લોકોને હોસ્પિટલમાંથી રજા આપવામાં આવી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
