અમદાવાદમાં છેલ્લા 10 દિવસમાં છથી વધુ હત્યાની ઘટના સામે આવી છે. શુક્રવારે રાત્રે અમદાવાદના દરિયાપુરમાં હત્યાનો કિસ્સો સામે આવ્યા બાદ મેમનગર વિસ્તારમાં 25 વર્ષીય યુવકનું ગળું દબાવીને હત્યા કરવામાં આવી છે. પાડોશીઓએ ગંધ આવતા પોલીસને જાણ કરી હતી. ત્યારે આ મામલો પ્રકાશમાં આવ્યો હતો. ઘાટલોડિયા પોલીસે હત્યાનો ગુનો નોંધી આગળની કાર્યવાહી શરૂ કરી છે.
એસીપી એ ડીવીઝન મુકેશ પટેલે જણાવ્યું હતું કે યુવક સૌરાષ્ટ્રનો વતની છે અને અહીં એકલો રહે છે. તે લોકડાઉન બાદ અમદાવાદ પહોંચ્યો હતો. હાલમાં પોલીસે અંગત દુશ્મનાવટમાં હત્યા કરી હોવાનું માનવામાં આવી રહ્યું છે. પોલીસનું એમ પણ માનવું છે કે બે દિવસ પહેલા જ આ યુવાનની હત્યા કરવામાં આવી હતી.
મળતી માહિતી મુજબ 25 વર્ષનો નિખિલ સૂર્યવંશી છેલ્લા બે વર્ષથી અમદાવાદના મેમનગર સ્થિત સસિતા એપાર્ટમેન્ટમાં રહેતો હતો. નિખિલ પ્રહલાદનગરની એક ખાનગી કંપનીમાં નોકરી કરતો હતો. પોલીસને બાતમી મળી હતી કે ડી-બ્લોકમાં નિખિલના મકાનમાં દુર્ગંધ આવે છે.
પોલીસે જ્યારે ફ્લેટનો દરવાજો ખોલ્યો ત્યારે નિખિલને તેના હાથ અને પગ સાથે બાંધેલી હાલતમાં મળી આવ્યો અને કોઈએ તેને ગળું દબાવી હત્યા કરી હતી. ઘાટલોડિયા પોલીસે જણાવ્યું હતું કે આસપાસના લોકોની પૂછપરછ કરવામાં આવી છે. હાલ આરોપી અંગે કોઈ માહિતી નથી. પોલીસે જણાવ્યું હતું કે એપાર્ટમેન્ટની આજુબાજુના સીસીટીવી ફૂટેજની તપાસ કરવામાં આવી રહી છે. હાલમાં પરિવારના સબંધીઓની પણ પૂછપરછ કરવામાં આવી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
