કમરના દુખાવાનો રામબાણ ઈલાજ, ઘરે બેઠા મેળવો રાહત

Not Set/ કમરના દુખાવાનો રામબાણ ઈલાજ, ઘરે બેઠા મેળવો રાહત

આજના આ કોરોના કાળમાં લોકોને બહાર જવા પર પ્રતિબંધ આવી ગયો છે, ત્યારે તમે ઘરે બેસી કઈ રીતે તમારા લો બેક પેઈન ને મટાડી શકો છો એ જાણો. 1. બંને પગને ઘૂટણમાંથી વાળી વજ્રાસનમાં બેસવું, ત્યારબાદ બંને હાથને સાઈડમાંથી ઉપર ઉઠાવવા, કમર ને સીધી રાખવાનો પ્રયત્ન કરવો. હવે શ્વાસ ભરી શ્વાસ કાઢતા કાઢતા કમરની નીચેના […]

આજના આ કોરોના કાળમાં લોકોને બહાર જવા પર પ્રતિબંધ આવી ગયો છે, ત્યારે તમે ઘરે બેસી કઈ રીતે તમારા લો બેક પેઈન ને મટાડી શકો છો એ જાણો.

1. બંને પગને ઘૂટણમાંથી વાળી વજ્રાસનમાં બેસવું,

ત્યારબાદ બંને હાથને સાઈડમાંથી ઉપર ઉઠાવવા, કમર ને સીધી રાખવાનો પ્રયત્ન કરવો. હવે શ્વાસ ભરી શ્વાસ કાઢતા કાઢતા કમરની નીચેના ભાગથી આગળ ઝુકવુ। બંને હાથ અને માથું જમીન પાર ઢાળી દેવું. ત્રણથી પાંચ શ્વાસ સુધી રોકાવું,ત્યારબાદ ધીરેથી કમર માંથી સીધા થવું,બંને હાથને નીચે મૂકી રિલેક્સ થવું. આ આસાન તમે ત્રણથી પાંચ વખત કરી શકો છો.

જો કોઈને ઘૂંટણનો દુખાવો હોય તો આ રીતે ન કરવું. તેમણે ખુરશીમાં બેસીને જેટલું આગળ ઝુકાય તેટલુ ઝુકવુ.

2. વજ્રાસનમાં જ બેસી બંને હાથ ને થોડે આગળ મુકવા,બંને ખભાની નીચે બંને કાંડાનો ભાગ આવે એ રીતે ઉભું રેહવું,બંને હાથ અને બંને ઘૂંટણ વચ્ચે બે ખભા વચ્ચે જેટલી જગ્યા હોય તેટલી રાખવી. હવે શ્વાસ ભરતા લૉઅર બેકને નીચે તરફ ઝુકાવો અને માથાને ઉપર તરફ. શ્વાસ કાઢતા સમયે માથાને નીચે ઝુકાવો અને કમરના ભાગથી ઉપર ઉઠવું, પેટને અંદરની તરફ ખેંચવું. આજ પ્રકારે દસેક વખત કરવું. ત્યાર બાદ સવાસનમાં સૂવું.

3. જમીન પર સીધા સૂઈને બંને પગને એક સાથે રાખવા. ધીરેથી એક પગને ઘુંટણમાંથી વાળી છાતી સુધી લાવવાનો પ્રયત્ન કરો. અને માથાને ઉપર ઉઠાવી ઘૂંટણ પાસે લઇ જાઓ. પાંચ સેકન્ડ સુધી ત્યાંજ રોકાઓ.

હવે ધીરેથી પગને સીધો કરી બીજા પગને ઘુંટણમાંથી વાળી છાતી સુધી લાવો, માથાને ઉપર ઉઠાવી ઘૂંટણ સુઘી લઇ જાઓ. પાંચ સેકન્ડ સુધી રોકાઓ અને પગને સીધો કરો.

આ આસન પાંચથી આઠ વખત કરી શકો.