સોમવારે ગુડ્ઝ એન્ડ સર્વિસ ટેક્સ (જીએસટી) કાઉન્સિલની બેઠકમાં ભારે હોબાળો મચાવવાની ધારણા છે કારણ કે બિન-ભાજપ શાસિત રાજ્યો વળતરના મુદ્દે કેન્દ્ર સાથે અસંમત છે.
જીએસટી વળતરના મુદ્દે ભાજપ શાસિત રાજ્યો સહિત કુલ 21 રાજ્યોએ કેન્દ્ર સરકારને ટેકો આપ્યો છે. આ રાજ્યો પાસે સપ્ટેમ્બરના મધ્ય સુધીનો સમય હતો કે વર્તમાન નાણાકીય વર્ષમાં જીએસટીની આવકમાં ઘટાડાની ભરપાઇ કરવા માટે રૂ 97 હજાર કરોડ ઉધાર લેવાનો વિકલ્પ પસંદ કરે. જોકે, પશ્ચિમ બંગાળ, પંજાબ અને કેરળ જેવા વિરોધી પક્ષો દ્વારા શાસિત રાજ્યોએ હજી સુધી કેન્દ્ર સરકાર દ્વારા દેવું ઉધારવા માટે આપેલ વિકલ્પ પસંદ કર્યો નથી.
સૂત્રો કહે છે કે 5 ઓક્ટોબરે યોજાનારી જીએસટી કાઉન્સિલની 42 મી બેઠકમાં વિરોધી પક્ષો દ્વારા શાસિત રાજ્યો કેન્દ્રના વિકલ્પનો વિરોધ કરી શકે છે. આ રાજ્યો જીએસટી વળતર માટે વૈકલ્પિક વ્યવસ્થાની માંગ કરી શકે છે. આ રાજ્યો માને છે કે રાજ્યોની આવકના ઘટાડાની ભરપાઈ કરવી કેન્દ્ર સરકારની બંધારણીય જવાબદારી છે.
નોંધનીય છે કે ચાલુ નાણાકીય વર્ષમાં જીએસટીથી રાજ્યોને થતી આવકમાં રૂપિયા 2.35 લાખ કરોડનો ઘટાડો આવી શકે છે. કેન્દ્ર સરકારની ગણતરી મુજબ, જીએસટીનો અમલ ફક્ત 97 હજાર કરોડ રૂપિયાના ઘટાડા માટે જવાબદાર છે, જ્યારે બાકીના 1.38 લાખ કરોડ રૂપિયા કોવિડ -19 ને ધટશે.
કેન્દ્ર સરકારે ઓગસ્ટમાં રાજ્યોને બે વિકલ્પ આપ્યા હતા. આ અંતર્ગત રાજ્યો કાં તો રિઝર્વ બેંક દ્વારા પૂરી પાડવામાં આવેલી વિશેષ સુવિધા સાથે રૂ. 97 હજાર કરોડની લોન લઈ શકે છે અથવા બજારમાંથી 2.35 લાખ કરોડ રૂપિયા ઉધાર લઈ શકે છે.
બિન-ભાજપ શાસિત રાજ્યો જીએસટીની આવકમાં ઘટાડાને લઈને કેન્દ્ર સરકાર સાથે રૂબરૂ થયા છે. આવા છ રાજ્યો પશ્ચિમ બંગાળ, કેરળ, દિલ્હી, તેલંગાણા, છત્તીસગઢ અને તામિલનાડુના મુખ્યમંત્રીઓએ કેન્દ્ર સરકાર દ્વારા આપવામાં આવેલા વિકલ્પનો વિરોધ કરતા પત્રો લખ્યા છે. આ રાજ્યો ઇચ્છે છે કે જીએસટીની આવકમાં ઘટાડાની ભરપાઈ કરવા માટે કેન્દ્ર સરકાર લોન લે, જ્યારે કેન્દ્ર સરકારની દલીલ છે કે તે તેના ખાતા સાથે જોડાયેલા ન હોય તેવા કરના પૈસામાં દેવું એકત્ર કરી શકતું નથી.
સેસમા ઘટાડો થતાં રાજ્યોને ઓગસ્ટ 2019 થી વળતર ચૂકવવામાં મુશ્કેલીઓનો સામનો કરવો પડી રહ્યો છે. કેન્દ્ર સરકારે ત્યાર બાદ વળતર ચૂકવવા માટે 2017-18 અને 2018-19માં જમા કરાયેલા સેસની રકમનો ઉપયોગ કરવો પડ્યો હતો. કેન્દ્ર સરકારે 2019-20 માટે વળતર રૂપે રૂ. 1.65 લાખ કરોડ જાહેર કર્યા છે, જ્યારે આ સમયગાળા દરમિયાન સેસ કલેક્શન માત્ર 95,444 કરોડ રૂપિયા થયું છે. અગાઉ, 2017-18 અને 2018-19માં વળતરની રકમ અનુક્રમે 41,146 કરોડ અને 69,275 કરોડ રૂપિયા રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
