Ahmedabad News:ગુજરાતના મુખ્યમંત્રી ભૂપેન્દ્ર પટેલ (CM Bhupendra Patel) અને નાયબ મુખ્યમંત્રી હર્ષ સંઘવીએ તાજેતરમાં દિલ્હીની મુલાકાત પૂર્ણ કરીને પરત ફરતી વખતે એરપોર્ટ પર એક અનોખું અને પ્રેરણાદાયી દૃશ્ય રજૂ કર્યું. સામાન્ય રીતે ઉચ્ચ હોદ્દા પરના નેતાઓને VIP પ્રોટોકોલ અને સુરક્ષા ઘેરાવા હેઠળ જોવા મળે છે, પરંતુ આ વખતે બંને નેતાઓએ તમામ ઔપચારિકતાઓને તિલાંજલિ આપીને સામાન્ય નાગરિકો વચ્ચે જઈને બેઠા અને તેમની સાથે હાર્દિક વાતચીત કરી. આ ઘટનાએ ન માત્ર આસપાસના લોકોને આશ્ચર્યચકિત કર્યા, પરંતુ સોશિયલ મીડિયા પર પણ તેની ખૂબ ચર્ચા થઈ રહી છે.
મુખ્યમંત્રી (CM Bhupendra Patel) અને નાયબ મુખ્યમંત્રી લોકો વચ્ચે
દિલ્હીમાં મહત્વપૂર્ણ રાજકીય અને વિકાસલક્ષી બેઠકો પૂર્ણ કરીને પરત ફરતા મુખ્યમંત્રી ભૂપેન્દ્ર પટેલ (CM Bhupendra Patel) અને નાયબ મુખ્યમંત્રી હર્ષ સંઘવી અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર પહોંચ્યા. તેઓની ફ્લાઈટમાં વિલંબ થતાં વેઈટિંગ એરિયામાં કેટલીક ક્ષણો વિતાવવી પડી. આ સમયે તેઓએ કોઈ પણ પ્રોટોકોલ વગર લોકો વચ્ચે જઈને બેઠક લીધી અને સહજ રીતે વાતચીત શરૂ કરી.
“મુખ્યમંત્રી (CM Bhupendra Patel) અને નાયબ મુખ્યમંત્રી લોકોની બાજુમાં જ જઈને બેઠા. તેઓએ તેમની સમસ્યાઓ વિશે પૂછ્યું.એટલું જ નહીં એક યુવાન કલાકારની કાગળમાંથી બનાવેલી અદ્ભુત કૃતિઓને ભૂપેન્દ્ર પટેલ અને હર્ષ સંઘવીએ આ કૃતિઓને ખૂબ ધ્યાનથી જોઈ અને તેની પ્રશંસા કરી.
મુખ્યમંત્રી ભૂપેન્દ્ર પટેલે (CM Bhupendra Patel) અગાઉ પણ રસ્તા પર ખેડૂતો સાથે અચાનક મુલાકાત કરીને તેમની વાતો સાંભળી છે, જ્યારે નાયબ મુખ્યમંત્રી હર્ષ સંઘવી સોશિયલ મીડિયા અને જનસંપર્ક કાર્યક્રમો દ્વારા લોકો સાથે જોડાયેલા રહે છે. આવા કાર્યો લોકો અને સરકાર વચ્ચેના અંતરને ઘટાડે છે અને વિશ્વાસ વધારે છે.
