Gujarat weather: ગુજરાતમાં ઠંડીનો પ્રકોપ યથાવત છે. હવામાન વિભાગ અનુસાર, આગામી દિવસોમાં આ અમદાવાદ અને ગાંધીનગર માં લઘુત્તમ તાપમાન 15 થી 16 ડિગ્રીની આસપાસ રહેવાની શક્યતા છે. તાપમાનમાં આ વધારાથી સવાર અને મોડી રાત્રે અનુભવાતી ઠંડીથી થોડી રાહત મળશે. નોંધનીય છે કે સામાન્ય રીતે ડિસેમ્બરના મધ્યમાં તીવ્ર ઠંડી જોવા મળે છે, પરંતુ આ વાતાવરણીય સિસ્ટમને કારણે લોકોને થોડા દિવસો માટે ઠંડીથી થોડી રાહત મળી શકે છે. હવામાનશાસ્ત્રીઓ આ ફેરફાર પછી નવી શીત લહેર આવશે કે કેમ તેનું નિરીક્ષણ કરી રહ્યા છે.
કંડલામાં 11 ડિગ્રી, વડોદરામાં 12.2 ડિગ્રી, અમદાવાદમાં (Ahmedabad) 14.7 ડિગ્રી, ગાંધીનગરમાં (Gandhinagar) 13.5 ડિગ્રી, ડીસામાં 12.4 ડિગ્રી, અમરેલીમાં 12.6 ડિગ્રી, ભુજમાં 13.8 ડિગ્રી, પોરબંદરમાં 13.9 ડિગ્રી, રાજકોટમાં 14 ડિગ્રી, મહુવામાં 14.9 ડિગ્રી, ભાવનગરમાં 15 ડિગ્રી, સુરેન્દ્રનગરમાં 15.2 ડિગ્રી, કેશોદમાં 16.1 ડિગ્રી અને દમણમાં 16.2 ડિગ્રી તાપમાન નોંધાયું હતું.
હવામાન વિભાગના જણાવ્યા અનુસાર, આગામી સાત દિવસ સુધી હવામાનમાં કોઈ ખાસ ફેરફાર થશે નહીં. આગામી ચાર દિવસમાં લઘુત્તમ તાપમાનમાં બે થી ત્રણ ડિગ્રીનો વધારો અથવા ઘટાડો થઈ શકે છે. રાજ્ય હાલમાં બેવડી ઋતુનો અનુભવ કરી રહ્યું છે. આ સમયે ઉત્તર-પૂર્વીય પવનો ફૂંકાઈ રહ્યા છે. વધુમાં, પશ્ચિમી વિક્ષેપની અસરથી ઠંડીની તીવ્રતામાં ઘટાડો થવાની ધારણા છે.
ઘણા રાજ્યોમાં તાપમાન 10 ડિગ્રીથી નીચે આવી ગયું છે, અને રાજસ્થાન (Rajsthan) , મધ્યપ્રદેશ અને પંજાબ માટે શીત લહેરની ચેતવણી જારી કરવામાં આવી છે. હરિયાણા અને ઉત્તર પ્રદેશ માટે તીવ્ર શીત લહેરની ચેતવણી જારી કરવામાં આવી છે. રાજસ્થાનમાં લોકો સૌથી વધુ ઠંડીનો સામનો કરી રહ્યા છે. 12 જિલ્લાઓમાં તાપમાન 10 ડિગ્રીથી નીચે નોંધાયું હતું, જેમાં સૌથી ઓછું તાપમાન રાજસ્થાનના સીકરમાં 7 ડિગ્રી નોંધાયું હતું. મધ્યપ્રદેશના ભોપાલ, રાજગઢ અને ઇન્દોરમાં ઠંડી શરૂ થઈ ગઈ છે. મધ્યપ્રદેશના રાજગઢમાં 7 ડિગ્રી સેલ્સિયસ તાપમાન નોંધાયું હતું. છત્તીસગઢના સુરગુજા ક્ષેત્રમાં પણ શીત લહેરની ચેતવણી જારી કરવામાં આવી છે, અને પેન્દ્રામાં તાપમાન ઘટીને 9 ડિગ્રી સેલ્સિયસ થઈ ગયું છે.
આ પણ વાંચો: ગુજરાતમાં બેવડી ઋતુનો અનુભવ, સવાર-સાંજ ઠંડી, દિવસમાં ગરમી, કચ્છનું નલિયા સૌથી ઠંડુ
આ પણ વાંચો: ગુજરાતમાં ઠંડીનું મોજું ફરી શરૂ, નલિયામાં તાપમાન 9.8°C સુધી ઘટ્યું
આ પણ વાંચો: હિમવર્ષાની અસર ગુજરાત સુધી, રાજ્યભરમાં ઠંડીમાં વધારો
