ઠંડીની સાથે ધુમ્મસ પણ વધવા માંડ્યું છે. ઉત્તર પ્રદેશ સહિત દિલ્હી, એનસીઆરમાં ઠંડીનો પારો નીચે ઉતરીને 6 ડિગ્રી પર પહોંચી ગયો હતો
દિલ્હી-એનસીઆર સહિત સમગ્ર ઉત્તર ભારત ઠંડીની લપેટમાં છે. છેલ્લા કેટલાક દિવસોથી, કોલ્ડવેવસે પોતાનો પ્રભાવ દર્શાવવાનું શરૂ કર્યું છે. દિલ્હીમાં રવિવારે (22 ડિસેમ્બર) સવારે 6 વાગ્યે તાપમાન 7 ડિગ્રી સેલ્સિયસ નોંધાયું હતું. આજે મહત્તમ તાપમાન 18 ડિગ્રી સે. ઠંડક સાથે ધુમ્મસ પણ વધવા માંડ્યું છે. આજે સવારે 6 વાગ્યે દૃશ્યતા 50 મીટર નોંધાઇ હતી.
હવામાન વિભાગના જણાવ્યા અનુસાર, નોઇડા, ગાઝિયાબાદ, ગુરુગ્રામ અને ફરીદાબાદના લોકોને આગામી કેટલાક દિવસો માટે પાટનગર દિલ્હી સાથે શીત લહેરના આ પ્રકોપથી રાહત મળે તેવી અપેક્ષા નથી. બાળકોને ઠંડીના પ્રકોપથી બચાવવા માટે, આખા ઉત્તર પ્રદેશની શાળાઓમાં બે દિવસની રજા જાહેર કરાઈ હતી. તે જ સમયે, દિલ્હીમાં વિવિધ સ્થળે આશ્રયસ્થાનો બનાવવામાં આવ્યા છે જ્યાં લોકો ઠંડીથી બચવા આશ્રય લઈ રહ્યા છે.
Delhi: People take refuge in night shelters as mercury level dips in the national capital; visuals from a night shelter near AIIMS (All India Institute of Medical Sciences). pic.twitter.com/XjjNnL30NI
— ANI (@ANI) December 22, 2019
સોમવારે રાજધાનીમાં લઘુત્તમ તાપમાન 6 ડિગ્રી રહેવાની સંભાવના છે જ્યારે મહત્તમ તાપમાન 20 ડિગ્રી સેલ્સિયસ રહેશે. દેશના બાકીના રાજ્યોની વાત કરીએ તો પંજાબ, હરિયાણા, ચંડીગઢ, પશ્ચિમ-ઉત્તર પ્રદેશ અને બિહારમાં કડકડતી ઠંડી રહેશે. આ ઉપરાંત ઉત્તર પ્રદેશ, રાજસ્થાન, આસામ, મેઘાલય અને ત્રિપુરામાં ગાઢ ધુમ્મસ જોવા મળશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
