જમ્મુ-કાશ્મીરના અનંતનાગમાં બુધવારે આતંકીઓ સાથેની અથડામણમાં આર્મીના કર્નલ, મેજર અને ડીએસપી શહીદ થયા છે. અધિકારીઓએ આ માહિતી આપી છે. આ પહેલા એક પોલીસ અધિકારીએ કહ્યું હતું કે અનંતનાગના ગડોલ વિસ્તારમાં છુપાયેલા આતંકી અને સુરક્ષા દળો વચ્ચે બુધવારે સવારે એન્કાઉન્ટર શરૂ થયું હતું.
જમ્મુ-કાશ્મીરમાં આતંકવાદીઓ અને સુરક્ષાદળો વચ્ચે સતત અથડામણ ચાલી રહી છે. ન્યૂઝ એજન્સી પીટીઆઈએ અધિકારીઓને ટાંકીને કહ્યું કે સુરક્ષા દળોએ બુધવારે જ રાજૌરીમાં એન્કાઉન્ટર દરમિયાન અન્ય એક આતંકવાદીને ઠાર માર્યો હતો. આ સાથે રાજૌરી જિલ્લાના દૂરના નારલા ગામમાં ત્રણ દિવસના ઓપરેશન દરમિયાન માર્યા ગયેલા આતંકવાદીઓની સંખ્યા વધીને ત્રણ થઈ ગઈ છે.
જમ્મુ-કાશ્મીરના રાજૌરીમાં પાક. આતંકી ઠાર
રાજૌરીના નારલા ગામમાં મંગળવારે એક અથડામણમાં એક શંકાસ્પદ પાક. આતંકી માર્યો ગયો. ગોળીબારમાં સેનાના એક જવાન અને સેનાના ડોગ યુનિટની છ વર્ષની માદા લેબ્રાડોર કેન્ટ પણ શહીદ થયા હતા, જ્યારે ત્રણ સુરક્ષાકર્મીઓ ઘાયલ થયા હતા.
આ પણ વાંચો: Ujjwala Yojana/ 75 લાખ મહિલાઓને ફ્રીમાં ગેસ સિલિન્ડર મળશે!
આ પણ વાંચો: Railway Officer Arrested/ 5 લાખની લાંચ લેતા ઝડપાયેલા રેલવે અધિકારીના ઘરમાંથી મળ્યા અધધધ કરોડ કેશ
આ પણ વાંચો: Libya Floods/ રણમાં સુનામી….? લિબિયામાં 5000 થી વધુ લોકોના મોત, જુઓ તબાહીના દ્રશ્યો