કેન્દ્રની મોદી સરકારે દેશની 75 લાખ મહિલાઓ માટે મોટી જાહેરાત કરી છે. બુધવારે કેબિનેટની બેઠકમાં ઉજ્જવલા યોજનાના બીજા તબક્કાને મંજૂરી આપવામાં આવી હતી. આ અંતર્ગત 75 લાખ નવા એલપીજી ગેસ સિલિન્ડર કનેક્શનનું ફ્રીમાં વિતરણ કરવામાં આવશે. હાલમાં 9.60 કરોડ મહિલાઓ ઉજ્જવલા યોજનાનો લાભ મેળવી રહી છે. નવા ફ્રી એલપીજી કનેક્શનના વિતરણ બાદ તેમની સંખ્યા 10 કરોડને પાર પહોંચી ગઈ છે.
મોદી સરકારની ઉજ્જવલા યોજના ફ્લેગશિપ યોજનાઓમાંની એક છે. કેન્દ્ર સરકારે દેશભરમાં પછાત અને ગરીબ વર્ગની મહિલાઓને સ્વચ્છ રસોઈનું બળતણ પૂરું પાડવા માટે આ યોજના શરૂ કરી હતી. તાજેતરમાં રક્ષાબંધનના અવસર પર સરકારે દેશભરમાં એલપીજી સિલિન્ડર પર 200 રૂપિયાની સબસિડીની જાહેરાત કરી હતી. જ્યારે ઉજ્જવલા યોજનાના મહિલા લાભાર્થીઓ માટે આ ડિસ્કાઉન્ટ ઘટાડીને કુલ 400 રૂપિયા કરવામાં આવ્યું છે.
દરેક મહિલાને 2200 રૂપિયાની સબસિડી મળશે
મોદી સરકારે સ્પષ્ટ કર્યું છે કે, આ 75 લાખ કનેક્શન આગામી 3 વર્ષમાં વહેંચવામાં આવશે. ઉજ્જવલા યોજના હેઠળ સરકાર મફત એલપીજી ગેસ સિલિન્ડર કનેક્શન પર દરેક કનેક્શન માટે 2200 રૂપિયાની સબસિડી આપશે. તેના પર સરકારી તિજોરીમાંથી લગભગ 1650 કરોડ રૂપિયાનો ખર્ચ થશે. પેટ્રોલિયમ કંપનીઓ પ્રથમ સિલિન્ડર મફતમાં ભરવાનો સંપૂર્ણ ખર્ચ ઉઠાવશે અને ફ્રીમાં ગેસ સિલિન્ડર પણ આપશે.
ઉજ્જવલા યોજનાના વિસ્તરણની જાહેરાત કરતા કેન્દ્રીય મંત્રી અનુરાગ સિંહ ઠાકુરે કહ્યું કે, તેનો લાભ મોટાભાગે તે મહિલાઓને મળશે જેઓ હાલમાં કોલસા અથવા લાકડાના સળગતા ચૂલા પર રસોઈ બનાવે છે. આનાથી તેમને ધુમાડાથી મુક્તિ મળશે જે તેમના સ્વાસ્થ્ય માટે ફાયદાકારક રહેશે. પર્યાવરણની દૃષ્ટિએ પણ આ નિર્ણય ખૂબ જ ફાયદાકારક સાબિત થશે.
આ પણ વાંચો: Libya Floods/ રણમાં સુનામી….? લિબિયામાં 5000 થી વધુ લોકોના મોત, જુઓ તબાહીના દ્રશ્યો
આ પણ વાંચો: G20 Summit 2023/ દિલ્હીના 450 પોલીસકર્મીઓ સાથે ડિનર કરશે PM મોદી, ભારત મંડપમમાં થશે કાર્યક્રમ
આ પણ વાંચો: 6 Airbag/ 6 એરબેગ વાળા નિયમને લઈને કેન્દ્રીય મંત્રી નીતિન ગડકરીની મોટી જાહેરાત!
