UP Congress & PM Modi Controversy: ઉત્તર પ્રદેશ કોંગ્રેસ કમિટીના અધ્યક્ષ અજય રાય (Ajay Rai) પોતાના એક વિવાદિત વીડિયોને લઈને ભારે ચર્ચામાં આવ્યા છે. મહોબા પ્રવાસ દરમિયાન કારમાં બેસતી વખતે વડાપ્રધાન નરેન્દ્ર મોદી વિરુદ્ધ તેમના દ્વારા કથિત રીતે ઉપયોગમાં લેવાયેલી અભદ્ર ભાષાનો વીડિયો વાયરલ થયા બાદ રાજ્યના રાજકારણમાં ભારે ગરમાવો આવી ગયો છે.
શું છે સમગ્ર મામલો?(PM Modi)
ઉત્તર પ્રદેશ કોંગ્રેસના પ્રમુખ અજય રાય મહોબાના પ્રવાસે એક સામૂહિક બળાત્કાર (ગેંગરેપ) પીડિતાના પરિવારને મળવા પહોંચ્યા હતા. આ મુલાકાત બાદ જ્યારે તેઓ પરત ફરવા માટે પોતાની કારમાં બેસી રહ્યા હતા, ત્યારે પોતાના એક કાર્યકર્તા સાથે વાતચીત દરમિયાન તેમણે વડાપ્રધાન નરેન્દ્ર મોદી (PM Modi) માટે અત્યંત અભદ્ર અને અશોભનિય ભાષાનો ઉપયોગ કર્યો હોવાનો આક્ષેપ છે. આ સમગ્ર વાતચીત કેમેરામાં રેકોર્ડ થઈ ગઈ હતી અને ગાળો આપતો અજય રાયનો આ વીડિયો સોશિયલ મીડિયા પર જોતજોતામાં વાયરલ થઈ ગયો હતો.
आदरणीय प्रधानमंत्री श्री @narendramodi जी के विषय में उत्तर प्रदेश कांग्रेस अध्यक्ष द्वारा की गई अभद्र, असंसदीय और अक्षम्य टिप्पणी कांग्रेस के राजनीतिक कुसंस्कारों को प्रकट करती है।
पूर्व में कांग्रेस के ‘युवराज’ भी अपने कुसंस्कार का परिचय दे चुके हैं।
कांग्रेस अब हताशा,…
— Yogi Adityanath (@myogiadityanath) May 22, 2026
ભાજપના નેતાઓનો કોંગ્રેસ પર તીખો પ્રહાર
વીડિયો વાયરલ થતાં જ ભારતીય જનતા પાર્ટી (BJP) ના નેતાઓએ અજય રાય અને કોંગ્રેસ પક્ષ પર આકરા પ્રહારો કર્યા છે. ભાજપના નેતા અમિત માલવીયાએ સોશિયલ મીડિયા પ્લેટફોર્મ ‘X’ પર લખ્યું:
“થોડા દિવસો પહેલા જ જ્યારે અજય રાય અસ્વસ્થ (બીમાર) હતા, ત્યારે પ્રધાનમંત્રી મોદીએ ફોન કરીને તેમના ઝડપી સ્વાસ્થ્ય લાભ માટે શુભેચ્છા પાઠવી હતી. પરંતુ આજે તેઓ પીએમ માટે અમર્યાદિત ભાષા વાપરતા કેમેરામાં કેદ થયા છે. આ જ કોંગ્રેસનું સ્તર છે, જે શિષ્ટાચારનો જવાબ અભદ્રતાથી આપે છે.”
બીજી તરફ ભાજપના(PM Modi) ધારાસભ્ય શલભ મણિ ત્રિપાઠીએ પણ આ નિવેદનને કોંગ્રેસની સતત થઈ રહેલી હારની હતાશા ગણાવી છે.
અજય રાયે વીડિયોને ગણાવ્યો AI જનરેટેડ
આ સમગ્ર રાજકીય હોબાળા અને વાયરલ વીડિયો અંગે જ્યારે મીડિયાની ટીમે ઉત્તર પ્રદેશ કોંગ્રેસ અધ્યક્ષ અજય રાયનો સંપર્ક કર્યો, ત્યારે તેમણે આ અંગે પોતાની સફાઈ પેશ કરી હતી. અજય રાયે દાવો કર્યો છે કે આ વીડિયો સંપૂર્ણપણે ફેક (નકલી) છે અને તેની સાથે છેડછાડ કરવામાં આવી છે. તેમણે આક્ષેપ કર્યો કે આ વીડિયોને આર્ટિફિશિયલ ઇન્ટેલિજન્સ એટલે કે એઆઈ (AI) ની મદદથી જનરેટ કરવામાં આવ્યો છે. આટલી સફાઈ આપીને તેમણે ફોન કાપી નાખ્યો હતો.
कांग्रेसी नस्ल की अशिष्ट फसल
देश के प्रधानमंत्री के लिए कांग्रेस प्रदेश अध्यक्ष अजय राय द्वारा अपमानजनक भाषा का इस्तेमाल करना राजनीति नहीं, बल्कि कांग्रेसियों की कुंठा को दर्शाता है।
पुरानी कहावत है:
पिता पे पूत, नस्ल पे घोड़ा
बहुत नहीं तो थोड़ा-थोड़ा pic.twitter.com/TDChS1BQIR— BJP Uttar Pradesh (@BJP4UP) May 22, 2026
અજય રાયના જૂના વિવાદિત નિવેદનોનો ઈતિહાસ
યુપી કોંગ્રેસના અધ્યક્ષ અજય રાય અગાઉ પણ પોતાના આક્રમક અને વિવાદાસ્પદ નિવેદનોને કારણે હેડલાઈન્સમાં રહી ચૂક્યા છે:
રાહુલ ગાંધીના એક નિવેદનનું સમર્થન કરતી વખતે તેમણે પીએમ મોદી(PM Modi) અને ગૃહમંત્રી અમિત શાહને ‘ગદ્દાર’ કહ્યા હતા.
અમેઠી પ્રવાસ દરમિયાન તેમણે તત્કાલીન કેન્દ્રીય મંત્રી સ્મૃતિ ઈરાની પર ‘લટકા-ઝટકા’ વાળી અમર્યાદિત ટિપ્પણી કરી હતી, જેનો ભારે વિરોધ થયો હતો.
વર્ષ 2022 ની ચૂંટણી પ્રચાર દરમિયાન તેમણે મોદી-યોગીને(PM Modi) ‘જમીનમાં દાટી દેવાની‘ ધમકી આપી હતી, જેના કારણે તેમની સામે રાજદ્રોહનો ગુનો પણ નોંધાયો હતો.
રાફેલ વિમાનના વિવાદ સમયે તેમણે રમકડાના પ્લેન પર લીંબુ-મરચાં બાંધીને અનોખું પ્રદર્શન અને તંજ કસ્યો હતો.
આ પણ વાંચો: ‘UPS માં U એટલે મોદી સરકારનો યુ-ટર્ન’, નવી પેન્શન યોજના પર કોંગ્રેસે કર્યો પ્રહાર
આ પણ વાંચો:UP કોંગ્રેસ અધ્યક્ષની મોટી જાહેરાત, અમેઠીથી સ્મૃતિ ઈરાનીને પડકારશે ફેંકશે રાહુલ ગાંધી
આ પણ વાંચો:UP કોંગ્રેસને સુપ્રીમમાંથી કોઈ રાહત નહીં,ઈન્દિરા-રાજીવ ગાંધી યુગ સાથે જોડાયેલો મામલો
