ગુજરાતની વડગામ વિધાનસભા બેઠક પર છેલ્લી વખત અણધાર્યા પરિણામો આવ્યા અને અપક્ષ ઉમેદવાર જીગ્નેશ મેવાણીએ ભાજપના ઉમેદવાર ચક્રવર્તી વિજયકુમારને 19696 મતોથી હરાવ્યા. વડગામ વિધાનસભા સીટ પર કોંગ્રેસ કે ભારતીય જનતા પાર્ટીનો જાદુ કામ કરી શક્યો નથી. જીગ્નેશ મેવાણીએ અહીંથી સિલાઈ મશીનના પ્રતિક પર જબરદસ્ત જીત નોંધાવીને સૌને ચોંકાવી દીધા હતા. જીગ્નેશ મેવાણી અવારનવાર ભાજપની ટીકા કરતા જોવા મળે છે અને રાષ્ટ્રીય સ્તરે પણ ખૂબ સક્રિય છે.
વડગામ વિધાનસભા બેઠક વડગામ તાલુકો, પાલનપુર તાલુકાના હાથીદ્રા, કુમ્પર, ગોઢ, ધાંધા, ખાસા, હોડા, ગલવાડા, સગ્રોસણા, ભાગલ (જગાણા), માણકા, ગોલા, મેરવાડા (રતનપુર), વાગદા, જગાણા, વાસણા (જગાણા), બદરપુરા (કાલુસણા), સરીપાડા, પટોસણ, સલ્લા, સાસમ, તાકરવાડા, ટોકરીયા, સેદરાસણા, સેદરાસણા, અસ્માપુરા (ગોદા), ખામોડિયા, જાસલેની, બદરગઢ, કાણોદરનું પ્રતિનિધિત્વ કરે છે.
2017 વિધાનસભા ચૂંટણી પરિણામો
ગુજરાત વિધાનસભા ચૂંટણી 2017માં અહીંથી જીગ્નેશ નટવરલાલ મેવાણીને કુલ 95497 વોટ મળ્યા હતા અને તે 50.79 ટકા વોટ હતા. બીજી તરફ ભાજપના વિજયકુમાર હરખાભાઈને 75801 મત મળ્યા હતા અને આ કુલ મતના 40.32 ટકા હતા. અહીં પણ ત્રીજા નંબર પરના લોકોએ કોઈને ગમ્યું નહીં અને NOTAનું બટન દબાવ્યું. NOTA ને કુલ 4255 મત મળ્યા. 2017ની વિધાનસભા ચૂંટણીમાં અહીં કુલ 11 ઉમેદવારો મેદાનમાં હતા, જેમાંથી મોટાભાગનાની ડિપોઝીટ પણ જપ્ત થઈ હતી. 2012ની વિધાનસભાની ચૂંટણીમાં અહીંથી કોંગ્રેસના ઉમેદવાર મણીલાલ જેઠાભાઈ જીત્યા હતા. 2007માં ભાજપના ઉમેદવાર ફકીરભાઈ વાઘેલા અહીંથી 9000 મતોની સરસાઈથી જીત્યા હતા. 2022માં અહીંથી કોંગ્રેસના ઉમેદવાર અને 1998માં ભાજપના ઉમેદવાર જીત્યા હતા. મતલબ કે દર 5 વર્ષ પછી મતદારોએ પોતાનો પક્ષ બદલીને મતદાન કર્યું છે.
ગુજરાતની વડગામ વિધાનસભા બેઠક એ SC અનામત બેઠક છે અને 2011ની વસ્તી ગણતરી અનુસાર તેની કુલ વસ્તી 261136 છે. SC વર્ગના મતદારોની સંખ્યા 17 ટકાથી વધુ છે. 2011ની વસ્તી ગણતરી મુજબ, અહીંની કુલ વસ્તી આશરે 3.5 લાખ છે અને 92 ટકા લોકો ગ્રામીણ વિસ્તારોમાં રહે છે. જ્યારે શહેરી વિસ્તારોમાં રહેતા લોકોની સંખ્યા લગભગ 7 ટકા છે. 2019ની લોકસભા ચૂંટણીમાં આ વિધાનસભામાં કુલ 2 લાખ 70 હજાર 557 વોટ પડ્યા હતા, જે 62.12 ટકા હતા. 2017ની વિધાનસભા ચૂંટણીમાં કોંગ્રેસ અને ભાજપને મળીને 40 ટકા વોટ મળ્યા હતા. જોકે જીગ્નેશ મેવાણીએ જીત નોંધાવી હતી. આ વખતે પણ આ સીટ ઘણી ચર્ચામાં છે.
હાલ વડગામ બેઠક પર યુવા નેતા જીગ્નેશ મેવાણી ચૂંટાયેલા જનસેવક છે. આ બેઠક પર સતત બે ટર્મ સુધી કોઈ ઉમેદવાર વિજેતા થયો હોય તેવું બે વખત બન્યું છે. 2017ના આંકડા મુજબ વડગામ (SC) બેઠકમાં કુલ 2,39,275 મતદારો છે. જેમાં 1,26,696 પુરુષ ઉમેદવાર અને 1,12,579 મહિલા ઉમેદવાર છે. આ બેઠક પરના જાતીય સમીકરણ પર નજર કરતાં ખ્યાલ આવે કે, વિધાનસભામાં 25.9 મુસ્લિમ, 15.5 દલિત, 9.5 ઠાકોર, 16.4 ચૌધરી, 5.6 ટકા રાજપૂત, 25.9 અન્ય જાતિનું પ્રભુત્વ છે.
આ બેઠક કોંગ્રેસનો ગઢ માનવામાં આવે તેનું કારણ પણ મુસ્લિમ,દલિત અને ઠાકોર મતદારો છે. ભાજપ માત્ર બે વખત જ આ બેઠક જીતવામાં સફળ રહ્યું છે. કોંગ્રેસના પૂર્વ ધારાસભ્ય તાજેતરમાં ભાજપમાં જોડાયા છે અને અપક્ષ વિજેતા જિગ્નેશ મેવાણીને હવે કોંગ્રેસનો પુરો સપોર્ટ મળી રહ્યો છે ત્યારે આ બેઠક પર આગામી ચૂંટણી ખરાખરીનો જંગ સાબિત થશે.
આ પણ વાંચો:ઉઘાડ નીકળતાં ખેડૂતો પહોંચ્યા ખેતરોમાં, પાકની માવજત કરવા કૃષિ વૈજ્ઞાનિકે કરી અપીલ
આ પણ વાંચો: ગામમાં વિકાસની યોજનાનો ફિયાસ્કો, સુવિધા માટે વલખાં મારતા ગ્રામજનો
આ પણ વાંચો:આસામમાં ‘આતંક’ ફેલાવવાનું ષડયંત્ર! અલ-કાયદા સાથે સંકળાયેલા 34થી વધુ લોકોની કરવામાં આવી ધરપકડ
