Ahmedabad News : ગુજરાત આદરપૂર્વક મહાત્મા ગાંધી અને સરદાર વલ્લભભાઈ પટેલની પાવન ધરામાં કોંગ્રેસ પાર્ટીના રાષ્ટ્રીય અધિવેશનનું યજમાન બનવાનું છે. આ રાષ્ટ્રીય અધિવેશન 8 અને 9 એપ્રિલ 2025ને રોજ અમદાવાદ ખાતે યોજાશે, જેમાં 3 હજારથી વધુ પ્રતિનિધિઓ ભાગ લેશે. ગુજરાત પ્રેદેશ કોંગ્રેસ સમિતિના પ્રમુખ શક્તિસિંહ ગોહિલે જણાવ્યું કે આ દ્રષ્ટિએ ગુજરાતમાં વિભિન્ન રાજકીય અને સામાજિક, ખાસ કરીને સંઘઠિત આરાધ્ય પક્ષની વિરોધી નીતિઓને લઈને મુદ્દાઓ પર ચર્ચાઓ કરવામાં આવશે.
દેવાના ખોટા આંકડા અંગે ભાજપ સરકારની પોલ ખોલતા ગુજરાત પ્રદેશ કોંગ્રેસ સમિતિના પ્રમુખ શક્તિસિંહ ગોહિલે જણાવ્યું હતું કે, ગુજરાત વિધાનસભામાં હંમેશાથી સત્ય અને પારદર્શક સંસદીય કામગીરીની પરંપરા રહી છે. ત્યારે ભાજપ સરકાર દ્વારા વિધાનસભામાં ગુજરાતનું કુલ દેવું 3,70,000 કરોડ જેટલું છે તેમ દર્શાવામાં આવ્યું છે. પરતું લોકસભામાં કેન્દ્ર સરકાર દ્વારા રજૂ કરવામાં આવેલા જવાબમાં ગુજરાત પર 4,43,753.3 કરોડ જેટલું દેવું દર્શાવવમાં આવ્યું છે. લોકસભામાં રીઝર્વ બેંક ઓફ ઇન્ડિયા દ્વારા રજૂ કરવામાં આવેલા રિપોર્ટ ‘સ્ટેટ ફાયનાન્સ: એ સ્ટડી ઓફ બજેટ ઓફ 2023-24’ અંતર્ગત આપવામાં આવેલી વિગતો દર્શાવે છે કે, ગુજરાતનું દેવું સતત વધી રહ્યું છે.
ગુજરાત પ્રેદેશ કોંગ્રેસ સમિતિના પ્રમુખ શક્તિસિંહ ગોહિલે ગુજરાત સરકારના આંકડા પેસ કરતાં રાજ્યના દેવાના પ્રમાણમાં વધારો નોંધાયો છે તેમ જણાવ્યું હતુ. 2007માં રાજ્ય પર 90,955.7 કરોડનું દેવું હતું, જે હવે વધીને વર્ષ 4,43,753.3 કરોડ અને વર્ષ 2025માં 4,94,435.9 કરોડ થઇ જશે. તેમણે આ પ્રશ્ન ઉઠાવતા કહ્યું કે, ગુજરાતના નાગરીકોને પ્રાથમિક સુવિધાઓ ન મળતા, રાજ્યનું દેવું સતત વધી રહ્યું છે.
કોંગ્રેસના શક્તિસિંહ ગોહિલે જણાવ્યું હતું કે, આ મહત્વપૂર્ણ ઐતિહાસિક કાર્યક્રમમાં સમગ્ર દેશમાં ભાજપની નીતિઓ વિરુદ્ધ વેદના અને તેની દિશામાં ચર્ચા કરવામાં આવશે. ઉલ્લેખનીય છે કે ગુજરાતમાં પહેલા 1938માં બારડોલીના હરીપુરામાં અને 1961માં ભાવનગરમાં કોર્નગેસ અધિવેશન યોજાયું હતું. આ રાષ્ટ્રીય અધિવેશનમાં કોંગ્રેસના નેતાઓ, પાર્ટી કાર્યકરો અને અન્ય પ્રતિનિધિઓ ગુજરાતની તત્કાલિક રાજકીય પરિસ્થિતિ અને પ્રગતિના મુદ્દાઓ પર વિસ્તૃત ચર્ચાઓ કરાશે. રાજીવ ગાંધી ભવન ખાતે આયોજિત પત્રકાર પરિષદમાં ગુજરાત પ્રદેશ કોગ્રેસના મીડિયા કન્વીનર અને પ્રવક્તા ડૉ. મનીષ દોશી, પ્રવક્તા હિરેન બેન્કર અને મહામંત્રી નઈમ મિર્ઝા ઉપસ્થિત રહ્યા હતા.
આ પણ વાંચો:અંદાજે દોઢ કરોડના ડ્રગ્સ કેસમાં ઝડપાયેલી નાઈજીરીયન મહિલાના 7 દિવસના રિમાન્ડ મંજુર
આ પણ વાંચો:સુરત : શહેરમાં ડ્રગ્સના કારોબારમાં ખુની ખેલ ખેલાયો
આ પણ વાંચો:ATSએ ખંભાત બાદ ધોળકામાં મોટા પ્રમાણમાં ડ્રગ્સનો જથ્થો જપ્ત કર્યો
