Uttar Pradesh news : યુપી કોંગ્રેસના પ્રમુખ અજય રાયે  (Ajay Rai) રાજ્યના મુખ્યમંત્રી યોગી આદિત્યનાથ વિરુદ્ધ ફોજદારી માનહાનિનો કેસ દાખલ કર્યો છે. આ કેસ અયોધ્યામાં આયોજિત નિષાદ સંમેલન દરમિયાન અજય રાય દ્વારા માછલી ખાવા અંગે મુખ્યમંત્રી દ્વારા કરવામાં આવેલી કથિત ટિપ્પણી સાથે સંબંધિત છે.

UP કોંગ્રેસ પ્રમુખ Ajay Raiએ CM યોગી વિરુદ્ધ નોંધાવ્યો કેસ 

કોંગ્રેસ પાર્ટીના જણાવ્યા અનુસાર, અજય રાય 23 ઓગસ્ટ, 2026 ના રોજ અયોધ્યા ગયા હતા, જ્યાં તેમણે રામ જન્મભૂમિ અને હનુમાનગઢીની મુલાકાત લીધી હતી. આ સમય દરમિયાન, રામ નિહાલ નિષાદ દ્વારા આયોજિત નિષાદ સંમેલનમાં માછલીના ભોજન (Fish Feast)નું આયોજન કરવામાં આવ્યું હતું. પાર્ટીનો દાવો છે કે અજય રાય આ કાર્યક્રમમાં હાજર હતા, પરંતુ તેમણે ભોજન ખાધું હતું કે નહીં તે સ્પષ્ટ નથી. રાયે યુપીના સીએમ યોગી આદિત્યનાથની આ અંગેની ટિપ્પણી (Yogi Adityanath Statement)ઓ સામે વાંધો ઉઠાવ્યો છે. તેમણે દાવો કર્યો હતો કે તેમના પર માછલી ખાવાના આરોપો લગાવવામાં આવ્યા હતા.

અજય રાયે શું આરોપ લગાવ્યો?

અજય રાયનો દાવો છે કે સીએમ યોગી આદિત્યનાથના નિવેદનથી તેમની પ્રતિષ્ઠાને નુકસાન થયું અને સમાજમાં તેમની છબી પર અસર પડી. તેના આધારે, કોંગ્રેસ પ્રદેશ પ્રમુખે લખનૌ સિવિલ કોર્ટનો સંપર્ક કર્યો અને યુપીના મુખ્યમંત્રી વિરુદ્ધ ફોજદારી માનહાનિ (Defamation Case)નો કેસ દાખલ કર્યો. આ કેસમાં કોર્ટની કાર્યવાહી નક્કી કરશે કે આરોપો સામે આગળ શું કાનૂની કાર્યવાહી કરવામાં આવશે.

અજય રાયનો રાજકીય ઇતિહાસ

કોંગ્રેસના નેતા અજય રાયે ભાજપ સાથે રાજકીય કારકિર્દીની શરૂઆત કરી હતી. 1996માં, તેમણે ભારતીય જનતા પાર્ટીના ઉમેદવાર તરીકે વારાણસીની કોલસાલાલા વિધાનસભા બેઠક જીતી હતી અને 2002 અને 2007 માં ફરીથી ધારાસભ્ય તરીકે ચૂંટાયા હતા. આ સમય દરમિયાન, તેમણે તત્કાલીન ઉત્તર પ્રદેશ સરકારમાં મંત્રી તરીકે પણ સેવા આપી હતી.

2009માં લોકસભાની ટિકિટ માટે ભાજપથી અલગ થયા બાદ, તેઓ સમાજવાદી પાર્ટી (Samajwadi Party)માં જોડાયા અને વારાણસીથી ચૂંટણી લડી, પરંતુ નિષ્ફળ રહ્યા. બાદમાં તેમણે અપક્ષ ઉમેદવાર તરીકે વિધાનસભા પેટાચૂંટણી જીતી.

2012માં, તેઓ કોંગ્રેસમાં જોડાયા અને પિંડ્રા બેઠક પરથી ધારાસભ્ય બન્યા. અજય રાયે 2014, 2019 અને 2024માં વારાણસીથી લોકસભા ચૂંટણી લડી. ત્રણેય ચૂંટણીઓમાં તેમનો સામનો વર્તમાન વડા પ્રધાન નરેન્દ્ર મોદી સામે હતો. ઓગસ્ટ 2023માં, તેમને ઉત્તર પ્રદેશ કોંગ્રેસ સમિતિના પ્રમુખ તરીકે નિયુક્ત કરવામાં આવ્યા.

આ પણ વાંચો: CM યોગીની મોટી જાહેરાત, UPમાં બનશે પાવાગઢ

આ પણ વાંચો: CM યોગીના હસ્તે પોતાનો નિમણૂક પત્ર લેવા ન પહોચી શક્યા રિંકુ સિંહ, જાણો કારણ

આ પણ વાંચો:રસ્તા પર નમાઝ મુદ્દે CM યોગીનું મોટું નિવેદન, “જગ્યા નથી તો સંખ્યા નિયંત્રિત કરો”