Health News: કહેવામાં આવે છે કે ભારત, પાકિસ્તાન અને બાંગ્લાદેશના વૃદ્ધોમાં વિટામિન-ડીની (Vitamin D) ઉણપ હોય છે; જો તમે તાપમાં નથી રહી શકતા તો તમે વિટામિન-ડીના સેવન માટે મશરૂમનું (Mushroom) આ રીતથી સેવન કરી શકો છો. હાડકાઓને મજબૂત રાખવા માટે વિટામિન-ડી જરૂર છે. ઘણા સંશોધનમાં કહેવાયું છે કે શરીરમાં આની ઉણપથી ઓટોઇમ્યુન રોગનું જોખમ વધી શકે છે. તમારૂં શરીર વિટામિન-ડીનું ઉત્પાદન જાતે જ કરે છે.
સૂર્યના કિરણોના સંપર્કમાં આવવાથી તમારૂં શરીર વિટામિન-ડીનું ઉત્પાદન કરે છે. શરીરમાં વિટામિન-ડીનું સ્તર જાળવી રાખવા માટે આખું વર્ષ થોડી વાર સુધી તાપમાં રહેવું આવશ્યક છે. જો તમે તાપમાં નથી રહી શકતા તો તમે વિટામિન-ડીથી ભરપૂર આહારનું સેવન કરી શકો છો. વિટામિન-ડીની ઉણપ પૂરી કરવા માટે તમે તમારા આહારમાં મશરૂમ ઉમેરી શકો છો. મશરૂમ વિટીમિન-ડીનું છોડ (વનસ્પતિ) આધારિત સ્ત્રોત છે. મશરૂમ વિટામિન-ડી2નું ઉત્પાદન કરે છે અને તે લોહીમાં વિટામિન-ડીનું સ્તર વધારે છે, પરંતુ આ વિટામિન-ડી 3 જેટલું પ્રભાવશાળી નથી.
આપણી પાસે વિટામિન-ડીના પૂરતા સ્ત્રોત નથી, તેથી મશરૂમનું સેવન ઘણું અસરકારક હોય છે. જે તમે તેનું સેવન ખાસ રીતે કરશો તો તેમાં વિટામિન-ડીનું સ્તર વધી જશે.
મશરૂમમાં વિટામિન-ડી વધારવા માટે તેને થોડી વાર તાપમાં રાખો. કેટલાક સંશોધનમાં આ વાત સામે આવી છે કે મશરૂમને બનાવી પહેલા થોડી વાર તાપમાં મૂકવાથી તેના અંદરનું વિટામિન-ડીનું પ્રમાણ વધી શકે છે. શરીરમાં વિટીમિન-ડી વધારવા માટે તમે ઘણા પ્રકારના મશરૂમ્સનું સેવન કરી શકો છો. જેમકે, બટન મશરૂમ, શિટાકે મશરૂમ, ઓઈસ્ટર મશરૂમ, પોર્ટોબેલો મશરૂમ, રીશી મશરૂમ અને લાયન મશરૂમ.
ઘણા મશરૂમ્સ એવા પણ હોય છે જેનું ઉત્પાદન અંધારામાં કરવામાં આવે છે અને તેમાં D2 ઓછું હોય છે. અમુક મશરૂમ્સમાં વિટામિન-ડીની સંખ્યા વધારવા માટે તેને UV કિરણો દ્વારા ઔપચારિક પ્રક્રિયા કરવામાં આવે છે. મશરૂમની આ ગુણવત્તા દ્વારા તમારી ઇમ્યુનિટી સ્ટ્રોંગ થાય છે અને શરીર પણ તંદુરસ્ત રહે છે.
મશરૂમ એક એવું ખાદ્યપદાર્થ છે જે પોષક તત્વોથી ભરૂર હોય છે. આમાં પ્રોટીન, વિટામિન-બી, વિટામિન-ડી, ખનિજ જેવા સેલેનિયમ અને પોટાશિયમ હોય છે જે શરીરને તંદુરસ્ત રાખે છે. આ તત્વો તમારા શરીરમાં પોષણની ઉણપ પૂરી કરે છે. એન્ટિઓક્સિડન્ટથી ભરપૂર એવા મશરૂમના સેવનથી કરચલીઓ દૂર થાય છે અને સાથે જ તમારી ત્વચા પણ જુવાન રહે છે.
આ પણ વાંચો:વિટામિન B-12ની ઉણપને નકારવી પડી શકે છે ભારે
આ પણ વાંચો:જાણો શું અને શા માટે છે સ્ત્રી અને પુરુષના આહારમાં અંતર
આ પણ વાંચો:સ્વાસ્થ માટે વિટામિન C કેમ છે આવશ્યક? એક રિસર્ચ મુજબ કેન્સરને પણ રાખી શકે છે કાબૂમાં
