તમે હજુ સુધી તમારા પાન કાર્ડને આધાર કાર્ડ સાથે લિંક નથી કરાવ્યું તો તમારા માટે આવકવેરા વિભાગ તરફથી એક મોટી ચેતવણી મળવાની નજીક છો. ઈન્કમ ટેક્સ ડિપાર્ટમેન્ટે ટ્વિટર પર એક પોસ્ટમાં કહ્યું કે કોઈ પણ સંજોગોમાં 31 મે પહેલા તમારા પાન કાર્ડને આધાર સાથે લિંક કરો. જો તમે આવું નહીં કરો તો તમારે ભારે ટેક્સ ચૂકવવો પડી શકે છે. આ સિવાય પાન કાર્ડ પણ રદ કરી શકાય છે. તમે તમારા ઘરેથી જ પાન કાર્ડને આધાર સાથે લિંક કરી શકો છો.
આધાર અને પાન કાર્ડને ઘરે બેઠા કરો આ રીતે લિંક
સૌ પ્રથમ આવકવેરા વેબસાઇટ https://www.incometax.gov.in/iec/foportal/ પર જાઓ . આ પછી, તમને ડાબી બાજુએ આધાર લિંક કરવાનો વિકલ્પ દેખાશે. તેના પર ક્લિક કરો. હવે PAN અને આધાર નંબર દાખલ કરો અને સબમિટ કરો. તે પછી, આધાર સાથે લિંક કરેલા મોબાઇલ નંબર પર એક OTP મોકલવામાં આવશે, તેને દાખલ કરો અને વેલિડેટના વિકલ્પ પર ક્લિક કરો.
હવે તમારી સામે એક પોપઅપ વિન્ડો ખુલશે જેમાં પેમેન્ટ વિશે લખેલું હશે. હવે ‘Continue to Pay through e-Pay Tax’ના વિકલ્પ પર ક્લિક કરો. આ પછી એક નવું પેજ ખુલશે, ‘ઈન્કમ ટેક્સ’ પર ક્લિક કરો અને પછી ‘પ્રોસીડ’ બટન પર ક્લિક કરો.
આ પછી, આકારણી વર્ષમાં ‘2025-26’ પસંદ કરો અને ‘ચુકવણીના પ્રકાર’માં ‘અન્ય રસીદો (500)’ પસંદ કરો. તે પછી ‘પાનને આધાર સાથે લિંક કરવામાં વિલંબ માટે ફી’ પસંદ કરો અને ‘ચાલુ રાખો’ બટન પર ક્લિક કરો.
આ પછી, ‘અન્ય’ના વિકલ્પ પર 1,000 રૂપિયા લખવામાં આવશે અને તે પહેલેથી જ પસંદ કરવામાં આવશે. હવે ‘Continue’ પર ક્લિક કરો અને પેમેન્ટ કરો. આ પછી તમારો PAN આધાર સાથે લિંક થઈ જશે.
આ પણ વાંચો: ઈરાન પરમાણુ બોમ્બ બનાવવાની અણીએ, ઈબ્રાહીમ રાયસીની નીતિને આગળ ધપાવશે
આ પણ વાંચો: બાબા વાંગાની ભવિષ્યવાણીઓ સાચી પડી તો વિશ્વમાં મચી જશે હાહાકાર
આ પણ વાંચો: પૃથ્વી અને શુક્રની વચ્ચે પણ રહેવા જેવી જગ્યા છે! NASAએ કરી શોધ
