એશિયન ક્રિકેટ કાઉન્સિલે શનિવારે એશિયા કપ 2022ની તારીખ જાહેર કરી છે. આગામી એશિયા કપ 27 ઓગસ્ટથી 11 સપ્ટેમ્બર સુધી શ્રીલંકામાં રમાશે. આ ટુર્નામેન્ટ T20 ફોર્મેટમાં રમાશે. તેની ક્વોલિફાયર મેચો 20 ઓગસ્ટ 2022થી શરૂ થશે. જોકે, ACCએ હજુ સુધી શેડ્યૂલ જાહેર કર્યું નથી. 2016 પછી પ્રથમ વખત આ ટૂર્નામેન્ટ T20 ફોર્મેટમાં રમાશે. છેલ્લી વખત એશિયા કપ 2018માં યોજાયો હતો, જે દરમિયાન ભારતે 50 ઓવરની ટુર્નામેન્ટ જીતી હતી.
ટૂર્નામેન્ટનું આયોજન શ્રીલંકામાં થવાનું છે અને તે T20 ફોર્મેટના આધારે રમાશે. ટુર્નામેન્ટની મેચો ઓગસ્ટ-સપ્ટેમ્બરમાં યોજાવાની છે. બધાની નજર આ ટુર્નામેન્ટ પર પણ છે કારણ કે ભારત અને પાકિસ્તાન બંને ટીમો તેમાં પ્રવેશ કરશે. આ વર્ષે T20 વર્લ્ડ કપ 2022 યોજાવાનો છે. આ ICC ટુર્નામેન્ટ માટે પણ ભારત અને પાકિસ્તાન (IND vs PAK) બંનેને એક જ ગ્રુપમાં રાખવામાં આવ્યા છે.
7 વખત એશિયા કપ ટાઈટલ જીતી ચુકેલી ટીમ ઈન્ડિયાની નજર 8મા ટાઈટલ સાથે જીતની હેટ્રિક પર હશે. ભારતે 2016 અને 2018માં સતત બે ટાઇટલ જીત્યા છે. એશિયા કપ ટુર્નામેન્ટ દર બે વર્ષે યોજાય છે પરંતુ કોવિડ-19ને કારણે એશિયન ક્રિકેટ કાઉન્સિલ (ACC) દ્વારા 2020ની આવૃત્તિ રદ કરવામાં આવી હતી. જેના કારણે કમિટીએ આ વર્ષે ટુર્નામેન્ટનું આયોજન કરવાનો નિર્ણય લીધો હતો.
5 ટીમો કન્ફર્મ
શ્રીલંકામાં યોજાનારી ટુર્નામેન્ટમાં કુલ 6 ટીમો ઉતરશે. તેમાંથી 5 ટીમો નક્કી કરવામાં આવી છે. ભારત, પાકિસ્તાન, શ્રીલંકા, બાંગ્લાદેશ અને અફઘાનિસ્તાનની ટીમો ક્વોલિફાય થઈ છે. છઠ્ઠી ટીમ ક્વોલિફાયર દ્વારા નક્કી કરવામાં આવશે. હોંગકોંગ, કુવૈત, સિંગાપોર અને UAEની ટીમો ક્વોલિફાયરમાં ભાગ લેશે. આ ટૂર્નામેન્ટની 15મી સિઝન છે. આ ટુર્નામેન્ટનું આયોજન સૌપ્રથમવાર 1984માં UAEમાં કરવામાં આવ્યું હતું. ભારતીય ટીમ ચેમ્પિયન બની હતી.
એશિયા કપના એકંદર રેકોર્ડ પર નજર કરીએ તો ભારતીય ટીમ સૌથી સફળ ટીમ છે. તેણે 7 વખત ટૂર્નામેન્ટ જીતી છે. આ સિવાય શ્રીલંકાની ટીમ પણ 5 વખત ટાઈટલ જીતવામાં સફળ રહી છે. પાકિસ્તાને બે વખત ખિતાબ કબજે કર્યો છે. ગયા વર્ષે UAEમાં રમાયેલા T20 વર્લ્ડ કપમાં પાકિસ્તાને ભારતને 10 વિકેટે હરાવ્યું હતું. આવી સ્થિતિમાં ભારતીય ટીમનો નવો કેપ્ટન રોહિત શર્મા બદલો લેવાશકે છે. બીજી તરફ પાકિસ્તાનનો કેપ્ટન બાબર આઝમ જીતનો સિલસિલો જાળવી રાખવા માંગશે.
Afghanistan/ જો મદદ નહીં મળે તો અફઘાનિસ્તાનમાં 10 લાખ બાળકો ભૂખથી મરી જશે
Ukraine Crisis/ યુક્રેનની આઘાતજનક તસવીરઃ ડરને કારણે કૂતરો બન્યો લકવાગ્રસ્ત, તેને લાચારીમાં છોડતા રડ્યો શખ્સ
Photos/ ઓસ્ટ્રેલિયાના ક્રિકેટર ગ્લેન મેક્સવેલે ભારતીય મૂળની યુવતી સાથે કર્યા લગ્ન, જુઓ વાયરલ તસવીરો
