Manipur News: કુકી આતંકવાદીઓએ રવિવારે મણિપુરના જીરીબામમાં સેન્ટ્રલ રિઝર્વ પોલીસ ફોર્સ પર હુમલો કર્યો હતો. જેમાં સીઆરપીએફનો એક જવાન શહીદ થયો હતો. તેમજ એક CRPF જવાન અને બે પોલીસકર્મી ઘાયલ થયા છે. પોલીસે શહીદ સૈનિકની ઓળખ અજય કુમાર ઝા તરીકે કરી છે. તમામ ઘાયલ જવાનોને જીરીબામ હોસ્પિટલમાં સારવાર આપવામાં આવી હતી. સેજાંગ કુકી ગામમાંથી ભારે હથિયારોથી સજ્જ આતંકવાદીઓએ રવિવારે સવારે મોટો હુમલો કર્યો હતો. તેઓએ ત્રણ કલાકથી વધુ સમય સુધી મીતેઈ ગામ અને સુરક્ષા કર્મચારીઓને નિશાન બનાવ્યા.
પોલીસે જણાવ્યું કે સીઆરપીએફના જવાન જ્યારે વાહન ચલાવી રહ્યા હતા ત્યારે તેમના માથા પર ગોળી વાગી હતી. જીરીબામના એક રહેવાસીએ કહ્યું, ‘જે ચોકસાઈથી હુમલા કરવામાં આવ્યા તે દર્શાવે છે કે આતંકવાદીઓ અત્યાધુનિક હથિયારોનો ઉપયોગ કરી રહ્યા હતા.’ આ જ વિસ્તારમાંથી 5મી વખત હુમલો કરવામાં આવ્યો હતો અને કુકી મહિલાઓ દ્વારા વિસ્તારની શોધખોળના પ્રયાસો અટકાવવામાં આવ્યા હતા. જો કે, સંયુક્ત ટીમે CRPF અને પોલીસ કર્મચારીઓ પર હુમલો કરનારા આતંકવાદીઓની શોધ શરૂ કરી છે.
તાજેતરમાં જ મણિપુરના ઇમ્ફાલ પશ્ચિમ જિલ્લામાંથી સશસ્ત્ર જૂથ અરામબાઇ ટેંગોલના બે સભ્યોની ધરપકડ કરવામાં આવી હતી. આ દરમિયાન તેમના કબજામાંથી હથિયારો જપ્ત કરવામાં આવ્યા હતા. પોલીસે જણાવ્યું કે આ ધરપકડો ગયા બુધવારે નામ્બુલ મેપલ વિસ્તારમાંથી થઈ હતી. આ આરામબાઈ ટંગોલ સભ્યોની ઓળખ કંગબમ લેનિન સિંહ અને તોઈજમ શાંતિ કિશોર તરીકે થઈ છે. પોલીસના જણાવ્યા અનુસાર, સિંહ અને કિશોરના કબજામાંથી એક મેગેઝિન અને 16 કારતુસ સાથેની એક ઇન્સાસ રાઇફલ, એક મેગેઝિન સાથેની38 કેલિબરની પિસ્તોલ અને ત્રણ કારતૂસ જપ્ત કરવામાં આવ્યા છે. પોલીસ અધિકારીના જણાવ્યા અનુસાર સિંહ અને કિશોર વિરુદ્ધ કેસ નોંધવામાં આવ્યો છે અને તપાસ શરૂ કરવામાં આવી છે.
આ પણ વાંચો:46 વર્ષ પછી આજે ખુલશે જગન્નાથ મંદિરનો રત્ન ભંડાર,જાણો શું છે ખજાનામાં?
આ પણ વાંચો:આજે શંભુ બોર્ડર પર ખેડૂત સંગઠનોની બેઠક યોજાશે, દિલ્હી કૂચ કરવાનો નિર્ણય થઈ શકે છે
આ પણ વાંચો:ત્રિપુરામાં આદિવાસી યુવકના મોત બાદ હિંસા અને આગચંપીના બનાવો, સ્થિતિ વણસી
