તારા સુતારિયા અને કાર્તિક આર્યનને તાજેતરમાં એક રેસ્ટોરન્ટની બહાર જોવામાં આવ્યા હતા, ત્યારબાદ બંને વિશે ઘણી અફવાઓ સામે આવી હતી. કાર્તિક આર્યન બોલિવૂડ ઈન્ડસ્ટ્રીમાં તેની પ્રોફેશનલ લાઈફ કરતાં પણ વધુ તેના અંગત જીવનને કારણે ચર્ચામાં રહે છે. સારા અલી ખાન બાદ હવે કાર્તિક આર્યન તારા સુતારિયા સાથે ડેટિંગની અફવાઓને લઈને ચર્ચામાં છે. દરમિયાન, અભિનેત્રી તારા સુતારિયાએ કાર્તિક આર્યન સાથે ડેટિંગની અફવાઓ પર પ્રતિક્રિયા આપતા સોશિયલ મીડિયા પર એક ક્રિપ્ટિક નોટ શેર કરી છે. આજ સુધી કાર્તિકે મીડિયામાં કે કોઈ ઈન્ટરવ્યુમાં પોતાની ડેટિંગ લાઈફને લઈને કોઈ સત્તાવાર નિવેદન આપ્યું નથી. બીજી તરફ કાર્તિક આર્યન પણ આગામી ફિલ્મ ‘આશિકી 3’ માટે ચર્ચામાં છે.
ડેટિંગની અફવાઓ પર તારા સુતારિયાએ મૌન તોડ્યું
કાર્તિક સાથે ડેટિંગની અફવાઓ ફેલાવ્યા બાદ તારા સુતારિયાએ ક્રિપ્ટિક નોટ શેર કરી છે. અભિનેત્રીએ તેની ઈન્સ્ટાગ્રામ સ્ટોરી પર ડેટિંગની અફવાઓ વિશે ખુલાસો કર્યો અને એક ચોંકાવનારી જાહેરાત પણ કરી છે, જે જાણીને તમારી ખુશી બમણી થઈ જશે. તારા સુતરિયાએ આ ક્રિપ્ટિક નોટમાં લખ્યું છે કે, ‘આખરે મારી રાહ પૂરી થઈ, હું થોડા કેટલાક દિવસોથી તમારી સાથે શેર કરવા માંગતી હતી, જેના માટે મેં ખૂબ જ મહેનત કરી છે, ખૂબ જ ટૂંક સમયમાં તમને કંઈક નવું જોવા મળશે.’
તારા સુતરિયા ‘આશિકી 3’માં જોવા મળશે
તારા સુતારિયાની સ્ટોરી જોયા પછી, સોશિયલ મીડિયા યુઝર્સે અનુમાન લગાવવાનું શરૂ કર્યું કે તે ‘આશિકી 3’માં જોવા મળશે અને આ નોટ્સ તેનો જ સંકેત છે. કેટલાકે એવું પણ અનુમાન કર્યું કે તે નિખિલ નાગેશ ભટ્ટની ફિલ્મ વિશે વાત કરી રહી છે.
કાર્તિક આર્યન-તારા સુતારિયાના વર્ક ફ્રન્ટ
કાર્તિક આર્યન છેલ્લે ‘સત્યપ્રેમ કી કથા’માં કિયારા અડવાણી સાથે જોવા મળ્યો હતો. કાર્તિક આર્યન ટૂંક સમયમાં કબીર ખાનની ફિલ્મ ‘ચંદુ ચેમ્પિયન’માં જોવા મળશે. તારા સુતારિયાના વર્ક ફ્રન્ટ વિશે વાત કરીએ તો, તેણીએ 2019 માં ‘સ્ટુડન્ટ ઑફ ધ યર 2’ સાથે બોલિવૂડમાં પ્રવેશ કર્યો હતો, જેમાં ટાઇગર શ્રોફ અને અનન્યા પાંડે પણ હતા. તેણે ‘મરજાવાં’ અને ‘મસાકલી 2.0’ બંનેમાં સિદ્ધાર્થ મલ્હોત્રા સાથે કામ કર્યું છે.
આ પણ વાંચો:Bigg Boss 17/સલમાન ખાને ‘બિગ બોસ 17’માં કંગના રનૌત સાથે ફ્લર્ટ કર્યું, કહ્યું- ’10 વર્ષ પછી શું કરી રહ્યા છો…’
આ પણ વાંચો:મુંબઈ/સલમાન ખાનના બોડીગાર્ડ શેરાએ આ વ્યક્તિ વિરુદ્ધ નોંધાવી FIR, જાણો શું છે આ મામલો
આ પણ વાંચો:Entertainment/65 વર્ષીય અભિનેતા ‘દલીપ તાહિલ’ને જેલના સળિયા ગણવાનો વારો આવ્યો
