IPL 2025 : IPL 2025 ની 10મી મેચ આજે 30 માર્ચે દિલ્હી કેપિટલ્સ અને સનરાઇઝર્સ હૈદરાબાદ વચ્ચે વિશાખાપટ્ટનમના ડૉ. વાયએસ રાજશેખર રેડ્ડી એસીએ-વીડીસીએ સ્ટેડિયમ ખાતે રમાશે. રવિવારે દિવસની આ પહેલી મેચ હશે અને બપોરે મેચની શરૂઆત થશે. બંને ટીમોએ પોતાની પહેલી મેચ જીતી હતી. દિલ્હી કેપિટલ્સે (DC) લખનૌ સુપર જાયન્ટ્સ(LSG)ને હરાવ્યું, જ્યારે સનરાઇઝર્સ હૈદરાબાદે (SRH) રાજસ્થાન રોયલ્સ(RR)ને હરાવ્યું . જોકે, સનરાઇઝર્સ (SRH)ને તેની બીજી મેચમાં LSG સામે હારનો સામનો કરવો પડ્યો હતો. આવી સ્થિતિમાં આ મેચમાં, જ્યારે હૈદરાબાદની ટીમ જીતના ટ્રેક પર પાછા ફરવા માંગશે, ત્યારે દિલ્હી કેપિટલ્સ (DC) પોતાની બીજી જીત નોંધાવવાના ઇરાદા સાથે પ્રવેશ કરશે. આ મેચ વિશાખાપટ્ટનમમાં રમાશે. આવી સ્થિતિમાં આ મેચ પહેલા ચાલો તમને ત્યાંની પિચ વિશે જણાવીએ.
ડીસી (DC) વિરુદ્ધ એસઆરએચ (SRH) : પિચ રિપોર્ટ
વિશાખાપટ્ટનમની પિચ વિશે વાત કરીએ તો, અહીંની વિકેટ કાળી માટીની બનેલી છે, જ્યાં બેટ અને બોલ વચ્ચે સારું સંતુલન જોવા મળે છે. આ સ્ટેડિયમમાં અત્યાર સુધીમાં કુલ 16 મેચ રમાઈ છે, જેમાં રનનો પીછો કરતી ટીમે 07 મેચ જીતી છે. કોલકાતા નાઈટ રાઈડર્સે (KKR) ગયા સિઝનમાં આ જ મેદાન પર 272 રન બનાવ્યા હતા, જે આ મેદાન પરનો સૌથી વધુ સ્કોર છે. જ્યારે મુંબઈ (MI)ની ટીમ હૈદરાબાદ સામે 92 રનમાં આઉટ થઈ ગઈ હતી, જે આ મેદાન પર સૌથી ઓછો સ્કોર છે. દિલ્હીએ (DC) આ મેદાન પર અત્યાર સુધીમાં 8 મેચ રમી છે, જેમાંથી તેણે 5 મેચ જીતી છે.
વિશાખાપટ્ટનમની પિચ બેટ્સમેન માટે ખૂબ મદદરૂપ છે. આ મેદાન પર પ્રથમ ઇનિંગ્સનો સરેરાશ સ્કોર 180 રન છે. જોકે ઇનિંગ્સની શરૂઆતમાં, નવો બોલ ઝડપી બોલરોને મદદ કરે છે અને જેમ જેમ મેચ આગળ વધે છે તેમ તેમ સ્પિનરોની ભૂમિકા વધતી જાય છે. ગયા સિઝનમાં પણ દિલ્હી(DC)એ આ મેદાન પર 02 મેચ રમી હતી, જેમાં તેણે એક મેચ જીતી હતી અને બીજી હારનો સામનો કરવો પડ્યો હતો. આ સિઝનમાં, તેઓએ આ જ મેદાન પર તેમની પહેલી મેચમાં લખનૌને હરાવ્યું હતું.
DC Vs SRH : બંને માટે સંભવિત પ્લેઇંગ ઇલેવન
સનરાઇઝર્સ હૈદરાબાદ (SRH) : અભિષેક શર્મા, ટ્રેવિસ હેડ, ઇશાન કિશન, નીતિશ કુમાર રેડ્ડી, હેનરિક ક્લાસેન (વિકેટકીપર), અનિકેત વર્મા, અભિનવ મનોહર, પેટ કમિન્સ (કેપ્ટન), સિમરજીત સિંહ, હર્ષલ પટેલ, મોહમ્મદ શમી
દિલ્હી કેપિટલ્સ (DC) : જેક ફ્રેઝર-મેકગર્ક, ફાફ ડુ પ્લેસિસ, અભિષેક પોરેલ (વિકેટકીપર), સમીર રિઝવી, અક્ષર પટેલ (કેપ્ટન), ટ્રિસ્ટન સ્ટબ્સ, વિપ્રજ નિગમ, મિશેલ સ્ટાર્ક, કુલદીપ યાદવ, મોહિત શર્મા, મુકેશ કુમાર, આશુતોષ શર્મા
આ પણ વાંચો: RCB એ 17 વર્ષના દુકાળનો અંત લાવ્યો, CSK સામે ઐતિહાસિક જીત નોંધાવી
આ પણ વાંચો: લખનૌએ હૈદરાબાદને 5 વિકેટથી હરાવ્યું, માર્શ-પુરાણે ધમાલ મચાવી, શાર્દુલે 4 વિકેટ લીધી
